Wednesday, March 28, 2012

မြောက်ပိုင်းကျောင်းသားတပ်မတော်ကို ဖြိုခွဲသွားတဲ့ တရားခံအစစ်က ဘယ်သူတွေလဲ (၂)

(လက်ရှိကျောင်းသားတပ်မတော်ဥက္ကဌကိုသံခဲရဲ့ဇနီးဒေါ်ခင်ရွှေလှိုင်ရေးတဲ့ဆောင်းပါးပါ။သူကကိုထွန်းအောင်ကျော်ကိုကိုယ် တိုင်  ခေါင်းဖြတ်ပါရစေလို့ သံချောင်းအိမ် တက်တောင်းဆိုတယ်လို့  ညီညီ( မြောက်ပိုင်းရဲဘော်)ရေးတဲ့ဆောင်းပါး မှာဖတ် ခဲ့ရဖူး သူ ပါ။ညီညီ(မြောက်ပိုင်းရဲဘော်)ရေးသားထားသလိုကိုထွန်းအောင်ကျော်ကိုကိုယ်တိုင်ခေါင်းဖြတ်ပါရစေတောင်းဆိုခဲ့သူဖြစ်နိုင် မဖြစ်နိုင် ဆိုတဲ့အချက်နဲမြောက်ပိုင်းကျောင်းသားတပ်မတော်ကိုဖြိုခွဲသွားတဲ့တရားခံအစစ်တွေကဘယ်သူလဲဆိုတာကိုတော့စာဖတ်သူတို့  ကိုယ်တိုင်ဖတ်ရှု ဆင်ခြင်ကြပါကုန်။)

မြောက်ပိုင်းရဲ့ နိဒါန်းအစ 
မြောက်ပိုင်းဟာ ရှစ်လေးလုံးနောက်ပိုင်း တက်လာခဲ့တဲ့ ဗန်းမော်အုပ်စု၊ မြစ်ကြီးနားအုပ်စု၊ မိုးကောင်းအုပ်စု၊ မိုးညှင်းအုပ်စု ကော်လင်းဝန်သို၊ စစ်ကိုင်းအုပ်စု စတဲ့ ဒေသခံကျောင်းသားတွေစုဆုံရင်း ဖြစ်တည်လာတဲ့ အဖွဲ့အစည်းတခုပါ။ အုပ်စု တွေကို ဦးဆောင်လာခဲ့ကြသူတွေကတော့ ထုံးစံအတိုင်း ကျောင်းသားအရွယ်ကို ကျော်လွန်နေပြီဖြစ်တဲ့ လုပ်ငန်းခွင်ပိုင်း က လူကြီးတွေပါပဲ။ အုပ်စုတစုစီမှာကို ဦးဆောင်လာတဲ့လူကြီးတွေကြား ပုံသ္ဂန်ချင်းလည်းမတူ အမြင်ချင်းလည်းမတူ ကွဲ ပြာခြားနားမှုတွေ ရှိခဲ့ကြတဲ့အတွက် အုပ်စုတစုစီအတွင်းမှာရော  အုပ်စုလိုက်အနေနဲ့ရော နေရာလုပွဲတွေ ရှိခဲ့ကြတယ်။ ယူဂျီလမ်းကြောင်း ပွင့်ပြီးတဲ့နောက် ရန်ကုန်၊ ပဲခူး၊ မန္တလေး၊ မုံရွာ၊ ရေကျပ်ဘို ကျောင်းသားတွေ တဖြေးဖြေး ၀င်ရောက် လာခဲ့ကြတယ်။

ဒေသခံကျောင်းသားဦးရေ တော်တော်များများပါဝင်တဲ့ စစ်သင်တန်းအပတ်စဉ် (၄) အထိ ပြဿနာအကြီးကြီးမားမား မ ရှိခဲ့ပေမဲ့ နန်းအောင်ထွေးကြည်နဲ့ အတူတူလာခဲ့တဲ့ တိုက်ပိတ် (ဒေါ်အောင်ဆန်းဆုကြည် ခြံထဲမှာ အမြဲလာရှုပ်ပြီး၊ ဖွဖွနေ လို့ ခြံလုံခြုံရေးတာဝန်ကျသူတွေက မသင်္ကာဖြစ်ပြီး ခြံထဲက တိုက်ပျက်ထဲကို ခေါ်စစ်ရာက တွင်ခဲ့တဲ့နာမည်) နာမည်အ ရင်းက သန်းထွန်းစိုး
 (မြောက်ပိုင်းမှာသူတို့ရိုက်ထားတဲ့ဓါတ်ပုံတွေကို ဒေါ်အောင်ဆန်းဆုကြည်ထံသွားပေးခဲ့လို့  ဒေါ် အောင်ဆန်း ဆုကြည်တော တွင်းဆက်သွယ်မှုနဲ့ ပထမဆုံးစွပ်စွဲခံခဲ့ရသလို၊ မြောက်ပိုင်းရဲ့ တောတွင်းဓါတ်ပုံတွေကို မျက် ခင်းသစ် မှာ ဖော်ပြနိုင်အောင် ပထမဆုံး ဖန်တီးပေးခဲ့သူ။ ကိုသံချောင်းနဲ့ ရဲဘော်တွေ တိုက်ပွဲဝင်ရင်း အဖမ်းခံရစဉ်က အ စိုးရဘက်တော်သားလုပ်ခဲ့သူ) နဲ့ သူခေါ်လာခဲ့တဲ့ ရန်ကုန်၊ ပဲခူး၊ မြို့ပြကျောင်းသားတွေ အတော်များ များ ပါဝင်ခဲ့တဲ့ စစ် သင်တန်းအပတ်စဉ် (၅) မှာမှ သင်တန်းသားတွေကြား အုပ်ချုပ်သူတွေအပေါ် ဆူပူမှုတွေ မကျေနပ်မှုတွေ စတင်ဖြစ်ပွား လာခဲ့တယ်။ ရဲဘော်ရဲမေတွေ အားလုံးကို ခေါ် ယူပြီး တွေ့ ဆုံဆွေးနွေးပွဲတွေ လုပ်ခဲ့တယ်။ ရွေးကောက်ပွဲတွေ ပြန်လုပ်ခဲ့ ကြတယ်။

အဲဒီရွေးကောက်ပွဲကနေ ရန်ကုန် မန္တလေးက ကျောင်းသားတွေ အတော်များများ နေရာရ လာကြ တယ်။ ရွေးကောက်ပွဲပြီး မှ ကိုထွန်းအောင်ကျော်။ ကိုအောင်နိုင်။ ကိုစိုးလင်းတို့ နောင်ရာပါမှာ စစ်သင်တန်း အပတ်စဉ် (၆) ကို တက်ခဲ့ကြတယ်၊ ကျမ ရှမ်းပြည်မြောက်ပိုင်း (၄၀၁) တပ်ရင်းကနေ မြောက်ပိုင်း ကချင်ကို ရောက်လာချိန်မှာ အပတ်စဉ် (၆) သင်တန်းပြီး ခါနီးချိန်ဖြစ်လို့ နောင်ရာပါမှာလုပ်တဲ့ ကိုထွန်းအောင်ကျော်တို့ရဲ့ သင်တန်းဆင်းပွဲကို တက်ရောက်ခဲ့တယ်။ စစ်သင်တန်း ဆင်းပြီးချိန်၊ ရှေ့ တန်းစခန်းအသီးသီးက ရဲဘော်ရဲမေတွေ တဖွဲဖွဲပြန်ရောက်လာကြပြီးနောက် ရွေးကောက်ခံရသူ ဗဟို ကော်မတီဝင်အချင်းချင်း ပြန်လည်ရွေးချယ် နေရာချထားခြင်းအားဖြင့် (၁၉၉၀ ၁၉၉၁) ကျောင်း သားတပ်မတော် (မြန်မာ ပြည်မြောက်ပိုင်း) ကို စတင်ဖွဲ့စည်းခဲ့ကြတယ်။ ဒါကို စစ်ရုံးမှာ မှတ်တမ်းလိုက် ယူခဲ့ရတဲ့ထဲမှာ ကျမ ကိုယ်တိုင်ပါခဲ့တဲ့အ တွက် အဲဒီအချိန်ထိ သူတို့ကြားမှာ ပြဿနာတစုံတရာမရှိ အားလုံးပျော်ပျော်ရွင်ရွင် တက်တက်ကြွကြွ ကျေကျေနပ်နပ်ပဲ ပြောဆို ဆွေးနွေးခဲ့ကြတာကို ကျမ တွေ့မြင်ခဲ့ရသလို၊ အဲဒီအချိန်တုန်းကပါဝင်ခဲ့တဲ့ ဗဟိုကော်မတီတွေ ကိုယ်တိုင်လည်း သိပါလိမ့်မယ်။

ရဲဘော်ရဲမေတွေ အနေအထား
“တော်လှန်ရေး” ဆိုတဲ့ စကားလုံးလေးက သုံးလုံးလေးပဲရှိပါတယ်။ ဒါပေမဲ့ တဆင့်ပြီးတဆင့် စာမေးပွဲစစ်သလို အမျိုးမျိုး သော စစ်ဆေးစမ်းသပ်စိန်ခေါ်ဆွဲဆောင်မှုတွေကို မကျော်ဖြတ်နိုင်ဘဲနဲ့ ကိုယ့်ကိုယ် ကို တော် လှန်ရေးသမားပါလို့ ဘယ် သူမှ မပြောရဲအောင် သူ့ပင်ကိုယ်သဘာဝအရကို အစွမ်းသတ္တိရှိနေပြီးသား စကားလုံးလေးပါ။

“တောခိုတယ်” ဆိုတဲ့ စကားလုံးလေးကလည်း သုံးလုံးပဲရှိသလို တောင်တက်တယ်ဆိုတဲ့ စကား လုံးလေး ကလည်း သုံး လုံးလေး ပါပဲ၊ ဒါပေမဲ့ မြို့ပြကလာခဲ့တဲ့ ကျောင်းသားတွေအတွက်တော့ ဒီစကားလေးသုံး လုံး နောက်ကွယ်က စစ်ဆေး စမ်းသပ်စိန်ခေါ်မှု အမျိုးမျိုး အခက်အခဲအမျိုးမျိုးကို ရင်ဆိုင်ကျော်ဖြတ် ခဲ့ကြရ တာပါ။
မြောက်ပိုင်းမှာ မြို့ပြကလာတဲ့ ရဲဘော်ရဲမေအများစုဟာ ကိုယ့်ရဲ့ခံနိုင်ရည်နဲ့ ပါလာတဲ့အရည် အချင်းလေးတွေအရ စစ်ရုံး။ ကော်မတီရုံး၊ ဆေးတပ်၊ စက်တပ်နဲ့ နောက်ပိုင်းထောက်ပံ့ရေး၊ ၀ါဒဖြန့်ချိရေး လုပ်ငန်းတွေ၊ စခန်းရုံး၊ ဂိတ်စောင့် ကင်း စောင့်၊ အဆောက်အဦဆောက်လုပ်ငန်းတွေမှာ ပါဝင်လုပ် ကိုင်ခဲ့ကြ တယ်။ အနည်းစုလောက်သာ ရှေ့တန်းတိုက်ပွဲတွေမှာ ပါဝင်ခဲ့ကြတယ်။

ဒေသခံကျောင်းသား အများစုကတော့ သူတို့ရဲ့ ခံနိုင်ရည်နဲ့ နယ်မြေကျွမ်းကျင်မှု၊ တောတောင်တွေနဲ့ရင်းနှီးပြီး လုပ်တတ် ကိုင်တတ် ရှာဖွေစားသောက်တတ်ပြီးသားအပေါ် မူတည်ပြီး ရှေ့တန်းထွက်တိုက်ခိုက်တဲ့ ရဲဘော်တွေ ဖြစ်လာတယ်။ အဲဒီ ရဲဘော်တွေကြားမှာမှ တိုက်ရဲခိုက်ရဲရှိပြီး အမြဲလျှင်မြန်ဖြတ်လတ် တက်ကြွနေတဲ့ ရဲဘော်တွေက ကွန်မန်ဒိုရဲဘော်တွေ ဖြစ်လာတယ်။
ကျမဟာ နောက်တန်းရုံးတွေမှာ လုပ်ကိုင်နေတဲ့ရဲဘော်တွေကြားမှာ ကျင်လည်နေထိုင်ခဲ့သူတဦးဖြစ်သလို ဒီ ရဲဘော်တွေ နဲ့အတူ ရှေ့တန်းလည်း ထွက်ခဲ့ဖူးသူတဦးဖြစ်လို့ ရှေ့တန်းမှာ သူတို့အောက်က ရဲဘော်ရဲမေ အငယ်တွေကို ရန်သူကို တိုက်နေရင်း တဘက်နဲ့ သူတို့ဘယ်လို ကာကွယ်စောင့်ရှောက်ပေး ခဲ့ကြတယ်ဆို တာကိုလည်း ကိုယ်တိုင် ခံစားဖူးခဲ့ပါ တယ်။

ဒေသခံ ကျောင်းသားတွေက ရန်ကုန်၊ မန္တလေးကျောင်းသားတွေကို ငပျင်းတွေလို့ မြင်တယ်။ ရန်ကုန်၊ မန္တလေးကျောင်း သားတွေကလည်း သေရင်တောင် လေတော့မလျော့ထဲကဆိုတော့ “မင်းတို့ ၀ါးအလုံး တရာကို တနာရီ ခုတ်နိုင်ရင် ငါတို့ နှစ်နာရီ သုံးနာရီ ခုတ်လို့ရပေမဲ့ ငါတို့ရေးတဲ့ စာတကြောင်းကို မင်းတို့ တနှစ်လည်းမရေးနိုင်ဘူး၊ နှစ်နှစ်လည်း မရေးနိုင် ဘူးလို့ ဆိုတတ်တယ်။ အဲဒီလို စကားလေးတွေ အောက်ခြေ ကရဲဘော်တွေကြား တခါတလေ အငြင်းအခုန်ရှိကြတာက လွဲလို့ သူအလုပ်သူလုပ် ကိုယ့်အလုပ်ကိုယ်လုပ် ရှိနေကြတာမို့ ရဲဘော်ရဲမေတွေ ကြားမှာလည်း ပြဿနာရယ်လို့ ကြီးကြီး ကျယ်ကျယ် လက်ညှိုးထိုးပြစရာ မရှိခဲ့သလို တွေ့လည်းမတွေ့မိခဲ့ဘူး။

ဦးဆောင်သူများနဲ့ ရဲဘော်ရဲမေတွေ အခြေအနေ
သေချာတာကတော့ မြောက်ပိုင်းက ရဲဘော်ရဲမေတွေကို အပြန်အလှန်နားလည်မှုနဲ့ အထက်အောက် အမိန့် နာခံတတ်သူ တွေ ဖြစ်လာအောင် စည်းကမ်းချက်တွေ တမျိုးပြီးတမျိုး ပြဋ္ဌာန်းပြီး ပုံသွင်း ယူနိုင်ခဲ့ကြ တယ်။ ရှေ့တန်းမှာလည်း ရှေ့တန်း အလျှောက် နောက်တန်းမှာလည်း နောက်တန်းအလျှောက် စနေ၊ တနင်္ဂနွေကလွဲရင် မနက် (၆) နာရီ အလံတင်ချိန် က စပြီး ညနေ (၄) နာရီ အလံချချိန်ထိ အားလုံးဟာ ယူနီဖောင်းကိုယ်စီ တာဝန်ကိုယ်စီ အလုပ်ကိုယ်စီ (အနည်းဆုံး မြေ ပေါက် မြေညှိ၊ ၀ါးခုတ်၊ တိုင်ခုတ်၊ ထင်းဖြတ်၊ ထမ်းကြသယ်ကြ၊ အဆောက်အဦတွေဆောက်၊ ရိက္ခာရှာ) တွေနဲ့ပါ။

ဦးဆောင်တဲ့သူတွေဟာ အပြောသမားသက်သက် အခွင့်အရေးခံစားနေသူတွေသက်သက် အာဏာ ရူးနေ တဲ့လူတွေသက်သက် ဖြစ်နေလို့ကတော့ ဘယ်လိုနည်းနဲ့မှ ဒီလိုပုံစံတကျ ဖြစ်အောင် မဖော်နိုင်ပါဘူး။ သူတို့ပြောတဲ့အတိုင်း သူတို့ကိုယ် တိုင်လည်း လုပ်ခဲ့တဲ့သူတွေဖြစ်လို့ ရဲဘော်ရဲမေတွေ အားလုံးကလည်း သူတို့နဲ့အတူ လိုက်ပါခဲ့ကြတာပါ။ ဒီခေါင်းဆောင် တွေ သူတို့ရဲ့ ရဲဘော်ရဲမေတွေအပေါ် ဘယ်လိုသဘော ထားခဲ့ ဆက်ဆံခဲ့ကြတယ်ဆိုတာကို ကိုယ်တိုင်သိမြင် ခံစားခဲ့ဖူး သလို ဗဟိုကော်မတီဝင်တွေဖြစ်တဲ့ ကိုညီညီကျော်၊ ကိုရဲလင်းတို့ကအစ အဖမ်းခံရတဲ့ထဲမှာပါဝင်ခဲ့တဲ့ အောက်ခြေ ရဲ ဘော် ရဲမေတွေအဆုံး ဒီအဖြစ်အပျက်တွေ မဖြစ်သေးခင်ထိ ဒီခေါင်းဆောင်တွေ သူတို့ရဲ့ရဲဘော်ရဲမေတွေဖြစ်တဲ့ သူတို့ တွေအပေါ် ဘယ်လိုသဘောထားခဲ့ကြတယ်၊ ဘယ်လိုတွေ ဆက်ဆံခဲ့ကြတယ်ဆိုတာကို သူတို့ကိုယ်တိုင်လည်း သိနား လည်နေကြလိမ့်မယ်လို့ပဲ မျှော်လင့်ပါတယ်။ ဘိုဘို၊ ကျော်ခိုင်ဝင်း၊ ၀ဏ္ဏဇော်၊ နန်းစော၊ အီးတီ၊ ထက်ထက်၊ အန်း၊ သင်း သင်း တို့ဆိုတာ လူကြီးတွေအားလုံးက သာမက ရဲဘော်ရဲမေတွေအားလုံးကပါ ၀ိုင်းချစ်တာကို ခံခဲ့ရတဲ့ ရဲဘော်ရဲမေ အ ငယ်တွေပါ။
၁၃ နှစ်ကျော်အရွယ်နဲ့ တောထဲရောက်လာခဲ့တဲ့သင်းသင်းကို ရွှေလီနယ်စပ်မှာကတည်းက သေချာစဉ်းစားအုံး ဒီနေရာ ကနေ လှည့်ပြန်လို့ရသေးတယ်။ တောထဲရောက်မှ ပြန်လို့မရတော့ဘူးလို့ အတန်တန် သတိပေးခဲ့ တဲ့ကြားက ဆုံးဖြတ်ပြီး ပြီ သွားမယ်ဆိုလို့ နောက်တန်းဗဟိုကို ရောက်လာခဲ့တဲ့ သင်းသင်း။ ရေခဲတဲ့အထိ ခိုက်ခိုက်တုန်အောင် ချမ်းအေးတဲ့ ရာ သီဥတုအောက်မှာ အနွေးထည်ဖားဖားကြီးကြီးကို လက်ဖျားတွေ ဖုံးအောင် အတင်းစွဲဝတ်ထားရင်း နှာရည်တွေတရှုပ်ရှုပ် တငိုငိုတရီရီနဲ့ ပြန်ချင်တယ်ပြောလာတာကိုကြည့်ပြီး ဒီလိုအရွယ်ကလေးတွေ ဒီလိုတောထဲ ရောက်လာခဲ့ရတာကို သူ တော်တော် စိတ်မကောင်းဖြစ်ရတဲ့ အကြောင်းမြောက်ပိုင်းကို ကျမ စရောက်လာတဲ့အချိန်က ပြောပြခဲ့သူက ကိုမျိုးဝင်းပါ။

လုပ်တဲ့သူနဲ့ ခံရသူ နာကျည်းချက်တွေနဲ့ “ကိုတောင် တတ်မခေါ်နိုင်ကြတော့တဲ့အဖြစ်၊ စိတ်မကောင်းပါဘူး၊ ဒါတွေကို အ ကြားနဲ့ နားထောင်ရသူတွေအတွက်တော့ ကျမတို့ငယ်ငယ်က သတင်းစာတွေထဲမှာ လူတွေကို ရက်ရက်စက်စက် ဘက် နက်နဲ့ ထိုးသတ်နေတဲ့ ဗိုလ်မြဆိုပြီး ပုံနဲ့တကွ သူပုန်တွေ ရွာတွေကိုမီးရှို့တာတွေ၊ လူသတ်တာတွေ၊ မုဒိန်းကျင့်တာတွေ သတင်းစာတွေထဲမှာ လူကြီးတွေပြောတာ တွေ့ရကြားရတာနဲ့ “သူပုန်ဆိုတာ မမြင်ဖူးပဲနဲ့တောင် ကျမတို့အတွေးနဲ့ ကြောက်နေခဲ့ကြသလို ဖြစ်နေကြမှာပါ။

ကိုယ့်ကိုအုပ်ချုပ်နေတဲ့ အစိုးရကိုယ်တိုင်က လူတွေကိုအစုလိုက်အပုံလိုက် သေနတ်နဲ့ပစ်သတ်။ အသက်ရှူကြပ်ပြီး မွန်း သေကြတဲ့အထိ အချုပ်ကားတွေထဲ အတင်းတွန်းသိပ်ထည့်။ မသေမရှင်ကော သေပြီးသားတွေရော စစ်ကားကြီးတွေပေါ် အကုန်ကောက် တင်၊ ထောင်မရောက် တော မရောက် သဂြုင်္ိစက်မရောက် ပျောက်တဲ့သူတွေကပျောက်၊ မီးသဂြုင်္ိလ်စက် ကနေ မီးခိုးတွေ တလူလူ အဆက် မပြတ်ထွက်လာခဲ့ချိန်က ကျမတို့တတွေ “သူပုန်” ဆိုတာကိုတောင် ကြောက်ရကောင်း မှန်း မသ်ိကြတော့ဘဲ ကိုယ်တိုင် “သူပုန်” တွေ ဖြစ်ခဲ့ရတယ်။ လောကကြီးကပဲဆန်းကြယ်နေသလား။ လူတွေကပဲဖန်တီးယူခဲ့ကြ သလား မစဉ်းစားနိုင်သေးပါဘူး။
ရက်စက်ကြမ်းကြုပ်တဲ့ လူသတ်သမားလို့ အစိုးရက၀ါဒဖြန့်နေတဲ့ ဗိုလ်ချုပ်ကြီးစောဗိုလ်မြကို တောထဲမှာ လည်းတွေ့ရော ကလိမ်ကကျစ်မရှိ ရိုးရိုးနဲ့ရှင်းရှင်း ဗြောင်ပြောတတ်လုပ်တတ် သလို ကျောင်းသားတွေ အပေါ်မှာ သားသမီးနဲ့မခြား သ ဘောထားဆက်ဆံတာတွေ တွေ့ရတော့ ကျောင်းသားတွေကပဲ နာမည်ပြန်မှည့် ပေးခဲ့ကြတယ်။ ကျောင်းသားတွေရဲ့ အ ချစ်တော် အောင်ထွန်းလေး (ကလေးသရုပ်ဆောင်) တဲ့၊ ဖြစ်တတ်တဲ့သဘောလေးကို သတိရမိလို့ပါ။

ဒီအဖြစ်အပျက်တွေ ဖြစ်လာတဲ့အချိန်ဟာ ဦးဆောင်သူတွေနဲ့ ရဲဘော်ရဲမေတွေအားလုံး စည်းစည်း ရုံးရုံးပျော်ပျော်ရွင်ရွင်နဲ့ အရာအားလုံးဟာ တက်ကြွပြီး အားမာန်အပြည့်ဖြစ်နေကြတဲ့ အချိန်ပါ။ ဥက္ကဋ္ဌ ထွန်းအောင်ကျော်က နောက်တန်းဗဟိုနဲ့ မဟာမိတ်ဆက်ဆံရေးကို တာဝန်ယူထားတယ်။ ရဲဘော်သံချောင်း၊ ရဲဘော်အောင်နိုင် ဦးဆောင်ပြီး စည်းရုံးရေးစစ် ကြောင်းအနေနဲ့ ဗန်းမော်ရင်းတ၀ိုက်က ရွာတွေမှာ တရွာပြီး တရွာ လယ်ကွင်းတွေ တကွင်းပြီးတကွင်း ရွာသားတွေကို စပါးတွေကူရိတ်ပေးတဲ့ ရဲဘော် ရဲမေတွေက ရိတ်ပေးကြ၊ ဆေးကုပေးတဲ့ သူတွေက ကုပေး၊ ၀ါဒဖြန့်ချိရေးအဖွဲ့က ရဲဘော် ရဲမေတွေက လည်း ကျောင်း သားတပ်မတော်သီချင်းတွေ သီကုံးရေးသားစပ်ဆိုရင်း တခွေပြီးတခွေ တရုတ်ပြည် ‘ရင်ကြမ်း’ မှာ ထုတ်နိုင် ခဲ့ကြသလို ကျောင်းသားတပ်မတော်သီချင်းတွေ တပုဒ်ပြီးတပုဒ် သီဆိုဖျော်ဖြေပေးကြနဲ့ ရွာသားတွေကော ကလေးတွေပါ ပါဝင်ခဲ့တဲ့ ရဲဘော်ရဲမေတွေနဲ့အတူ ကျေနပ်ပျော်ရွင်နေကြတဲ့ အချိန်ကာလလေးပါ။

ခရိုင်မှူးတွေနဲ့ ရဲဘော် ရဲမေတချို့ ရွာသားတွေရဲ့ လယ်အလုပ်ကို တဘက်ကကူရင်း ရွာသားတွေကြား မှာ မြှုပ်နှံနေထိုင်ရင်းနဲ့ စည်းရုံးရေး လုပ် ငန်းတွေ သယ်ယူပို့ဆောင်ရေးလုပ်ငန်းတွေ လုပ်နိုင်ခဲ့တဲ့အတွက် ဗန်းမော်ခရိုင်ရဲ့တချို့ရွာတွေမှာ ပြည်သူ့စစ်တောင် ဖွဲ့ နိုင်ခဲ့ကြပါတယ်။
ဒုစစ်ဦးစီးချုပ် (VCS) ရဲဘော်မျိုးဝင်း ဦးဆောင်ပြီး မိုးညှင်း ရင်း (၅) ဘက်မှာ ရဲဘော်တွေနဲ့ စစ်ကြောင်း တကြောင်း၊ စစ်ဦး စီးချုပ် (CS) ရဲဘော်သံချောင်း ဦးဆောင်ပြီး ဗန်းမော်ရင်းဘက်မှာ ရဲဘော်ရဲမေတွေနဲ့အတူ စစ်ကြောင်းတကြောင်း၊ စစ် ကြောင်းနှစ်ကြောင်း အပြိုင်ထွက်ပြီး “မင်းတို့ သေနတ် ဘယ်နှစ်လက်ရပြီလဲ ငါတို့ဘယ် နှစ်လက်ရပြီ” နဲ့ စကားပြောစက် ကတဆင့် တဘက်ကိုတဘက် မခံချင်အောင်ပြောရင်း အပြိုင် အဆိုင် တိုက်နေကြတဲ့အချိန်။ ရန်သူ့ဘက်က စစ်ဗိုလ် တ ယောက်ကျဆုံးပြီး (ကျန်ရစ်ခဲ့တဲ့ အဲဒီစစ်ဗိုလ် ရဲ့ ကျောပိုးအိတ်ထဲက ရွှေတိဂုံဘုရားပုံ၊ မိဘနှစ်ပါးပုံ၊ ချစ်သူပုံနဲ့ သိမ်းထား တဲ့ စာလေးတွေ ကျမတို့ ရဲမေတစု ဖတ်ကြည့်ပြီး စိတ်မကောင်းလည်း ဖြစ်မိပါတယ်။ စစ်ရဲ့ခါးသီးမှုနဲ့ စစ်အစိုးရကို ပိုပြီး အော့နှလုံးနာမိ ပါသေး တယ်) ရန်သူ့တပ်သားတွေအများအပြား ဒဏ်ရာရခဲ့ လက်နက်တွေရခဲ့သလို ကျမတို့ဘက်မှာ လည်း ရဲဘော် သံချောင်း ဟာ မိုးညှင်းတိုက်ပွဲမှာ မျက်လုံးတဘက်။ မြစ်ကြီးနားဘက်မှာ ရွာထဲ ရန်သူတွေရောက်နေမှန်း မသိ ကိုယ့်လူတွေမှတ်လို့ အိမ်ထဲဇွတ်ဝင်သွားတာ ကံကောင်းလို့မသေနဲ့ ဒီဗန်းမော်တိုက်ပွဲမှာ လက်တ ဘက်ပေးခဲ့ရပြီး လက်ရှိမှာလည်း တိုက်ပွဲဝင်ရင်း ရဲဘော်တွေနဲ့အတူ အဖမ်းခံခဲ့ရလို့ သေဒဏ် အထပ်ထပ် ကျခံနေရဆဲနဲ့ ရဲဘော်တချို့ ဒဏ်ရာရခဲ့ကြတယ်။


အရှင်ဖမ်းမိတဲ့ ရန်သူ့တပ်သားတယောက်ကိုတော့ ဗန်းမော်ရင်းမှာပဲခေါ်ယူ စစ်ဆေးမေးမြန်းပြီးနောက် လမ်းစရိတ်ပေးပြီး ပြန်လွတ်ပေးခဲ့တယ်။ “သောင်းကျန်းသူတွေ လက်ထဲရောက်လို့ ကတော့ ခေါင်းဖြတ် ခံရမယ်၊ သူပုန်တွေဆိုတာ လူသား တောင် စားတယ်” လို့ ၀ါဒဖြန့်ခံထားရတဲ့ အဲဒီတပ်သားဟာ တောထဲမှာ သူနဲ့ရွယ်တူ ကျောင်းသား ရဲဘော်ရဲမေတွေကို တွေ့လိုက်တော့ အတော်လေးအံ့သြသွားခဲ့တယ်။ သူ့ကို နားလည်မှုနဲ့ နွေးနွေးထွေးထွေးဆက်ဆံခဲ့တဲ့ ကျောင်းသား ရဲ ဘော်ရဲမေတွေအတွက် သူပြန်ခါနီးမှာ ကဗျာလေးတပုဒ် ရေးသွားပေးခဲ့တယ်။

ရှေ့တန်းစခန်းအသီးသီးက ရဲဘော်တွေရဲမေတွေတဖွဲဖွဲ နောက်တန်းဗဟိုကို ပြန်ရောက်လာချိန်
ရှေ့တန်းပြန်ကြိုဆိုပွဲတွေ၊ ရဲဘော်ရဲမေတွေအချင်းချင်း ပြန်လည်တွေ့ကြစုံကြ၊ အလွမ်းတွေသယ်ကြ၊ အားလုံးစုံစုံညီညီ တက်တက်ကြွကြွနဲ့ ပျော်ရွင်ခဲ့ကြပြီး ရှစ်လေးလုံးအခမ်းအနားကို အကြီးအကျယ် ကျင်းပပြီးကြတဲ့နောက်မှာပဲ။
(အဲဒီလို တက်ညီလက်ညီ ဆောင်ရွက်ခဲ့ကြပြီး ၁၉၉၁ ရှစ်လေးလုံးအခမ်းအနားပြီး နောက်ပိုင်းမှာတော့ စည်းရုံးညီညွတ်မှု ပြိုကွဲပြီး သံသယကိုယ်စီဖြစ်နေကြတဲ့ အချိန်မှာပဲ ဗန်းမော်ရင်းဟာ အကြီးအကျယ် ထိုးစစ်ဆင်တာခံခဲ့ရတဲ့အတွက် အ ဖမ်းခံထားရသူတွေထဲက မလိုက်နိုင်တဲ့ ရဲဘော်ဝင်းနောင် (ရန်ကုန်၊ သင်တန်းဆရာ) ကို သတ်ခဲ့ရပြီး ကျန်လူတွေကို အ ခက်အခဲအမျိုးမျိုးကြားကနေ ဗဟိုအရောက် ခေါ် လာခဲ့ကြရတယ်။ ဗန်းမော်ရင်းကတော့ ရန်သူ့လက်ထဲကျ ရောက်သွား ခဲ့ရတယ်။ တိုက်ဆိုင်မှုပဲ ဖြစ်မှာပါ)

(၂)
ဦးဆောင်သူ အချင်းချင်းကြားက ပါဝါ
ဥက္ကဋ္ဌ ရဲဘော်ထွန်းအောင်ကျော်၊ အတွင်းရေးမှူး ရဲဘော်အောင်နိုင်တို့က အစကတည်းက တိုက်ရေးခိုက်ရေး ထက် နိုင်ငံ ရေး၊ စည်းရုံးရေး၊ မဟာမိတ်ဆက်ဆံရေး၊ ယူဂျီလုပ်ငန်းတွေဘက်ကို ပိုအားသာတဲ့သူတွေဖြစ်လို့ သူတို့လုပ်ချင်တာကို သူ တို့ လုပ်ကိုင်ခွင့်ရရှိနေတဲ့ အနေအထားမျိုးမှာ တိုက်ခိုက်ရေးကို ဦးဆောင်နေတဲ့ ရဲဘော်သံချောင်း၊ ရဲဘော်မျိုးဝင်းတို့ အ ပေါ် ပြဿနာတစုံတရာ မရှိနိုင်သလို၊ စစ်ဦးစီးချုပ် ရဲဘော်သံချောင်း နဲ့ ဒုစစ်ဦးစီးချုပ် ရဲဘော်မျိုးဝင်းတို့ကလည်း အစက တည်းက နိုင်ငံရေး၊ စည်းရုံးရေးတွေ သိပ်စိတ်ဝင်စား သူတွေမဟုတ် တိုက်ဖို့ခိုက်ဖို့လောက်ပဲ စိတ်ဝင်စားသူတွေ။ သူတို့ လုပ်ချင်တဲ့အလုပ်ကို သူတို့လုပ်နေရ တဲ့ အပြင် လက်နက်ကိုင်တပ်ကို အဓိကထားတဲ့အဖွဲ့ဖြစ်တာကြောင့် စစ်ရေးနဲ့ပတ် သက်တဲ့ အမြင့်ဆုံး အာဏာတွေကို ရရှိထားပြီး ရဲဘော်တွေကို လက်တွေ့ဦးဆောင်မှုပေးနေရတဲ့ အနေအထားမျိုးမှာ ရဲဘော်တွေကြား သြဇာအာဏာ ရှိနေပြီးသားဖြစ်တဲ့အတွက် ရဲဘော်ထွန်းအောင်ကျော်၊ ရဲဘော်အောင်နိုင်တို့ ဥက္ကဋ္ဌ၊ အတွင်းရေးမှူးလုပ်နေတဲ့အပေါ် တစုံတရာ ပြဿနာရှိနေစရာ အကြောင်းမရှိသလို (၁၉၉၀ – ၁၉၉၁) ကျောင်းသားတပ်မ တော် (မြန်မာပြည်မြောက်ပိုင်း) ဗဟိုကော်မတီ ဖွဲ့စည်းပုံအရ လည်း ပြဿနာ မရှိခဲ့ပါဘူး။

ဒီအနေအထားအထိတော့ ဘာအရောင်အသွေးမှ မစွန်းထင်းခဲ့သေးတဲ့ ကျောင်းသားတပ်မတော်ပါပဲ။ ဒါပေမဲ့ အဲဒီခေါင်း ဆောင်တွေရဲ့ နောက်ကွယ်မှာရှိနေတဲ့ လူတစုက တစုံတခုသောရည်ရွယ်ချက်အတွက် ABSDF(မြန်မာပြည်မြောက်ပိုင်း) ကို ABSDF (အထက်ဗမာပြည်) အဖြစ် ပြောင်းလဲနိုင်ဖို့ မြောက်ပိုင်းဗဟိုကို ထိန်းချုပ်နိုင်ဖို့ ကြိုးစားခဲ့ကြမယ် ဆိုရင်တော့ အဲဒီအရာသာလျှင် ပြဿနာရဲ့အရင်းခံ ဖြစ်လာမှာတော့ မုချ မလွဲပါပဲ၊ ဒီအရိပ်အခြေတွေကို သိရှိနားလည်နေတဲ့ ယူဂျီ လမ်းကြောင်းကို စီးထားနိုင်တဲ့ ရန်သူ့သူလျှို တစု ကလည်း ဒီဟနေတဲ့အရာကိုအသုံးချပြီး လက်ဦးမှုယူ ဖြိုခွဲဖို့အတွက် ကြို တင်ပြင်ဆင်မှုတွေ ရှိနေပြီး သား ဖြစ်နိုင်ပါတယ်။
ဘာကြောင့် ကျမ ဒီလိုယူဆခဲ့ရတာလဲ။ ဘယ်သူမှ မငြင်းနိုင်တာက ဒီအဖြစ်အပျက်တွေ ဖြစ်လာတဲ့ အချိန် ဟာ ခေါင်း ဆောင်တွေနဲ့ ရဲဘော်ရဲမေတွေအားလုံး တက်တက်ကြွကြွ ညီညီညွတ်ညွတ်နဲ့ အားမာန် အပြည့်ဖြစ်နေကြတဲ့အချိန် မိုး ညှင်း၊ မြစ်ကြီးနား၊ ဗန်းမော်မြို့ထဲအထိ ၀င်ချနိုင်၊ လက်နက်တွေ သိမ်း ပိုက်နိုင်နေတဲ့အချိန်၊ ၀ါဒဖြန့်ချီရေးအနေနဲ့လည်း အအောင်မြင်ဆုံး အချိန်၊ စစ်ချီတဲ့ အခမ်းအနားတွေ မှာတောင် ဘင်ခရာအဖွဲ့တွေ ဖွဲ့ထားနိုင် ရဲဘော်ရဲမေတွေကို တက်ကြွ မှုတွေ မြှင့်ပေးနိုင်တဲ့ အချိန်။
(ဆက်ရန်)
ခင်ရွှေလှိုင်
မပ ၀၀၃၆
ကျောင်းသားတပ်မတော် (မြန်မာပြည်မြောက်ပိုင်း)
မတ်လ (၂၇ )ရက် လူထုတော်လှန်ရေးနေ့ 
အသိပေးချက်… တော်လှန်ရေးတလျှောက်လုံး ရိုးသားစွာနဲ့ ပေးဆပ်တိုက်ပွဲဝင်ခဲ့တဲ့ ကျမ ချစ်ခင်လေးစားတဲ့ မြောက်ပိုင်း က ရဲဘော်ရဲမေ အားလုံးအတွက် ကျမပါဝင်ခဲ့ရတဲ့ အခန်းကဏ္ဍကနေ ကျမရဲ့ ထင်မြင်ယူဆချက်တွေကို အပွင့်လင်းဆုံး ချပြခဲ့တာပါ။

ဘယ်တုန်းကမှ ဘယ်သူက ကျနော်သူလျှိုပါလို့ ဖွင့်ပြောပြခဲ့တာမျိုး ထုံးစံမရှိတဲ့အပေါ် အမှန်တရား ကို ဖော်ထုတ်ပေးဖို့ တောင်းဆိုနေသူတွေကိုယ်တိုင် တရားခံအစစ်ကို မဖော်ထုတ်ဘဲ သူလျှိုတွေကို ထွက်ပေါက်အသင့်ပေးထားတဲ့ အစက တည်းက ဖန်တီးထားခဲ့ပြီးသား ကျောင်းသား က ကျောင်းသား ကိုသတ်တယ်ဆိုတဲ့ လိုင်းပေါ်မှာပဲ တစိုက်မတ်မတ်သွား နေတာကိုက ရိုးသားမှုမရှိဘူးလို့ ကျမ ယူဆတယ်။
အစီစဉ်ရှိရှိကို ထိုးကျွေးတာခံလိုက်ရတဲ့ ကိုထွန်းအောင်ကျော်၊ ကိုချိုကြီး၊ ဦးစိန်တို့အတွက် ကျမအနေနဲ့ ရန်သူ့သူလျှို လုံးဝမပါဘူးဆိုတာ လက်မခံနိုင်ပါ။ ရန်သူ့သူလျှိုမပါတာသေချာခဲ့ရင်ဥက္ကဋ္ဌကိုထွန်းအောင်ကျော်၊     ကိုချိုကြီး၊ ဦးစိန် တို့ နာမည်တွေ လည်း ထောက်လှမ်းရေးစာရင်းမှာ ပါနေစရာအကြောင်းမရှိပါ။
ဒါကြောင့် ပါဝင်ခဲ့တဲ့ လူမှန်ရဲဘော်တွေအားလုံး ကိုယ်ပါဝင်ခဲ့ရတဲ့ အနေအထားတွေကနေ ပြန် လည်စဉ်း စားသုံးသပ်နိုင် အောင် ဖြစ်နိုင်ချေရှိတဲ့ လူတချို့ကို မချပြရင် မမြင်နိုင်တဲ့ အနေအထားတွေမှာ ရှိနေကြလို့ နာမည်နဲ့တကွ ချပြခဲ့တာပါ။ အဲဒီအတွက် တချိန်ချိန်မှာ စုံရှင်းရရင်လည်း ကျမ ရှင်းမယ်။ ပြန်တောင်းပန်သင့် တဲ့ အနေအထားမျိုးမှာ အမှန်တကယ်ရှိ နေရင်လည်း အဲဒီလူတွေကို လူကိုယ်တိုင်သွားပြီး ကျမပြန်တောင်း ပန်မယ်။
လက်ရှိအနေအထားမှာတော့ ဖြစ်ပျက်ခဲ့ပုံတွေကို ပြန်စဉ်းစားပြီး ဖြစ်နိုင်ချေရှိတဲ့ ကျမရဲ့အမြင် ကျမရဲ့ ထင်မြင်ယူ ဆချက် ကို ကျမရေးတာဖြစ်လို့ အဲဒီအပေါ်မှာ ပြန်ပြီးဝေဖန် တိုက်ခိုက်လာမဲ့ ဘယ်လိုအကြောင်း အချက်မျိုးကိုမှ ကျမ အနေနဲ့ တုန့်ပြန်ဖြေရှင်းနေတာမျိုးတွေ လုံးဝပြုလုပ်မှာမဟုတ်ဘူး ဆိုတာကိုတော့ ဖတ်ရှုသူတွေကို အသိပေးချင်ပါတယ်။

ရဲဘော် ထွန်းအောင်ကျော်နဲ့တကွ မဟုတ်ဘဲနဲ့ အဖမ်းအဆီးခံခဲ့ရတဲ့ ရဲဘော်များနဲ့ အမှန်တရားအတွက် ကျမ တာဝန်ရှိ တယ်ထင်တဲ့ ကျမအပိုင်းကနေ ကျမ ချပြခဲ့ပြီးဖြစ်လို့ ကျန်အပိုင်းကိုတော့ ကိုယ့်ကိုယ်ပိုင် ဦးနှောက်တွေကိုသာ အသုံးပြု ကိုယ်ပါဝင်ခဲ့ရတဲ့ အနေအထားတွေကနေ ဆက်ပြီး ဆင်ခြင်သုံးသပ်ကြပါကုန်။

နေ့ သစ်  မှကူးယူဖော်ပြသည်။ 

5 comments:

လင်္ကာ said...
This comment has been removed by the author.
လင်္ကာ said...

ခေါင်းအပိုမပါသူ March 28, 2012

ကိုကြီးသံချောင်း၊ကိုကြီးမျိုးဝင်း တို့ကတကယ်ကို သူရဲကောင်းကြီးတွေဆိုတာ ဒီစာဖတ်ပြီးနားလည်လိုက်ရတယ်။ (ကိုကြီး လို့တပ်ခေါ်တယ်နော်…..) ကိုကြီးသံချောင်းထောင်ကလွတ်ရင် ခင်ရွှေလှိုင်ကဘဲ သူရဲကောင်းဘွဲတံဆိပ်ချီးမြှင့်ပေးဖို့အကြံပြုပါတယ်။( အရိုးခေါင်းကြက်ခြေတံဆိပ်ဆိုရင်ပိုကောင်းပါလိမ့်မယ်။) ကိုကြီးမျိုးဝင်းကိုတော့ ကျောက်တိုင်လေးစိုက်ပြီး နှစ်သွားကန်တော့ပေါ့ဗျာ။ လွှတ်တော်မှာကိုကြီးမျိုးဝင်းကျဆုံးတဲ့နေ့ကို ရုံးပိတ်ရက်သတ်မှတ်ပေးဖို့ လွှတ်တော်ရှေ့အစာငတ်ဆန္ဒပြုဖို့ အကြံပေးလိုက်ပါတယ်။
Reply
March 28, 2012 1:37 PM

လင်္ကာ said...

မင်းသစ် March 28, 2012

ထောက်လှမ်းရေး၊ ထောက်လှမ်းရေးပြောနေကြလို့
ကျနော်ကတော့ထောက်လှမ်းရေးဟုတ်လား မဟုတ်လားဆိုတာကိုသိတ်စိတ်မဝင်စားဘူး
အမှန်တကယ်လဲ အဖမ်းခံရတဲ့သူတွေက ဓာတ်ပုံလဲမပို့နိုင်ဘူး။ အရေးကြီးတာက
အေဘီ အဖွဲ့ဟာ လူတွေကို လက်တွေခုတ်ဖြတ်၊ ခေါင်းတွေခုဖြတ်၊ မိန်းမတွေကိုအရှက်တကွဲဖြစ်အောင်လုပ်
မုဒိန်းကျင့်ပြီးသတ် တာတွေ လုပ်ခဲ့သလား မလုပ်ခဲ့ဘူးလားဆိုတာဘဲစိတ်ဝင်စားတယ်ဗျ
ကျန်တဲ့ ဘုန်းတော်ဖွဲ့တွေသိပ်မဖတ်ချင်ဘူးဗျာ
လုပ်ခဲ့သလား၊ မလုပ်ခဲ့ဘူးလားဆိုတာဘဲရှင်းရှင်းလင်းလင်းပြောပါဗျာ
စကားမစပ်
ဒီတခါစာရေးတာလက်နဲနဲတက်လာတယ်။ ပထမတခုကဒီလောက်အရေးအသားမကောင်းဘူး
တယောက်ယောက်ကများဝိုင်းရေးပေးထားသလားဘဲ
Reply

မိုးသိကြား March 28, 2012

အော် အေဘီ -အေဘီ တရားကျလိုက်တာ
သန်းဇော်တို့ ဇော်ဇော်မင်းတို့ကကောထောက်လှမ်းရေး မဖြစ်နှိုင်ဘူးလား ဒေါ်လှိုင်
Reply
အမှန်တရား March 28, 2012

ခင်ရွှေလှိုင် လား… ခင်လှိုင် လူပျက်ကတော့ ရယ်ရတယ်ဗျာ…. ခင်ရွှေလှိုင် ဘာပျက်လဲတော့မသိဘူး … ဖတ်ရတာတော့ ရွံတယ်…. ခင်ဗျား အခုချိန်ထိ အမှန်တရားကို ဖုံးချင်နေရအောင် လူယုတ်မာတွေ စုံစမ်းဖော်ထုတ်မဲ့ အရေးမှာ ခင်ဗျား ၀ါဒဖြန့်မှု အောင်မြင်ပါစေဗျာ..
Reply
တောလူသစ် March 28, 2012

ခင်ရွှေလှိုင်ရေးလိုက်တော့မှပဲ သံချောင်းတို့ မျိုးဝင်းတို့ကို အေဘီအက်စ်ဒီအက်ဖ်ရဲ့ အမြင့်ဆုံး သူရဲကောင်းဘွဲ့ပေးထိုက်သူတွေမှန်း သိရပါတော့တယ်..နိုင်ငံရေးအရ နောက်ကနေ ထောက်ခံပံ့ပိုးပေးနိုင်တဲ့ ရော်နယ်ကြီးတို့ နိုင်အောင်တို့ ကိုလဲ ဘွဲ့တခုခုပေးသင့်တယ် တောင်ပိုင်းအေဘီဗဟိုကို မြောက်ပိုင်းက အေဘီလို အမိန့်နာခံပြီး စည်းစနစ်အပြည့်နဲ့ တိုက်ရည်ခိုက်ရည် ကောင်းအောင် ပုံသွင်းချင်တဲ့ မြောက်ပိုင်းက လာတဲ့ ကချင်ကျော်ကျော် လှဌေး တို့ကိုလဲ စည်းရုံရေးသူရဲကောင်းဘွဲ့ပေးသင့်တယ်လို့ အကြံပြုပါတယ်.
Reply
March 28, 2012 1:38 PM

လင်္ကာ said...

မီးမီး March 28, 2012

အရမ်းသူရဲခေါင်းဆန်တဲ့ မျက်စိတစ်ဖက်ကန်း သံချောင်း၊ သာယာဝတီထောင်ထဲမှာ ထောင်ကျဘက်တွေကို မုန်းလို့ ၀န်ထမ်းကို ချွန်တွန်းလုပ်တဲ့ သံချောင်းကို ဂုဏ်ပြုတဲ့ အနေနဲ့ ဖေဖော်ဝါရီလ ၁၂ ရက်နေ့ကြို သံချောင်းနေ့လို့ ပြောင်းဖို့ ကျိုးစားပါလား ခင်ရွှေလှိုင်ရယ်
Reply
ပေါက်စ March 28, 2012

ဆက်ရေးပါ။ အားပေးပါသည်။ အခုမှပဲ ဘက်ပေါင်းစုံ
ကနားထောင်ပြီးတဖြည်းဖြည်းနဲ့နားလည် လာတယ်။
Reply
မြောက်ကျွန်းသူ March 28, 2012

မခင်ရွှေလှိုင်ရေ
စာတစ်စောင်ကိုဖတ်လိုက်ရင်ရေးတဲ့သူရဲ့အာဘော်ကိုသိနိုင်ပါတယ်။ ဘယ်ဘက်ကရပ်တည်တယ်ဆိုတာလည်းပေါ်လွင်ပါတယ်။ ကိုသံချောင်းနဲ့ ကိုမျိုးဝင်းတို့ရဲ့ စွမ်းရည်တွေကိုဖော်ထုတ်တာမှာ ကျန်နေတာတွေရှိပါသေးတယ်။ စွပ်စွဲခံရသူတွေကိုဘယ်လို သွေးအေးအေးနဲ့ခေါင်းဖြတ်သတ်ခဲ့ပုံတွေကိုလည်းထည့်ပြောမှပြည့်စုံမှာပေါ့။အဲ့ဒီတုန်းကအ၀တ်အစားမပါဘဲအသတ်ခံခဲ့ရတာ မခင်ချိုဦးမဟုတ်ဘဲ မခင်ရွှေလှိုင်ရဲ့ညီမရင်းချာဆိုရင်ရော (ဒီလိုစာမျိုးရေးပါဦးမလား)
Reply
သံခဲ March 28, 2012

မ ခင်ရွှေလှိုင် ဆင်သေ ကို ဆိတ်သရေ နဲ့ ဖုံးဖို့ မကြိုစားပါနဲ့
Reply
ဗန်းမော်သား March 28, 2012

ဗန်းမော်မြို့ထဲအထိ ၀င်ချနိုင်တယ်?? ဟားဟား လို့သာရယ်လိုက်ချင်တယ်။ ၈၅-၈၆ ကေအိုင်အေက မြို့ထဲဝင်ပီး မီးစက်ကို လောင်ချာနဲ့ပစ်တဲ့အခေါက်က လွှဲပီး နောက်ထပ် ဘယ်တော့မှ ကပ်လာလို့မရတော့အောင် စစ်အစိုးရက အင်အားတောင့်တင်းတဲ့ တပ်တွေနဲ့ မြို့ကိုကာထားလိုက်တာ ခင်ဗျားမသိဘူးပေါ့? ကေအိုင်အေလို အင်အားကြီးတောင်မကပ်နိုင်တာ အေဘီက မြို့ကိုဝင်ချတယ်ဆိုတော့ အားလူးများသွားပီဗျာ။ နောက်ထပ်သေချာအောင် ထပ်ပြောရရင် ခင်ဗျားဖာသာပြောချင်တာပြော။ ပထမဆုံးထွက်ပြေးတဲ့ ၃ယောက်ထဲက ရဲဘော်သက်တင်က ကျနော့်အသိဗျ။ ခင်ဗျားပြောနေတာတဲ့စကားတွေထက် သူရင်ဖွင့်သွားတဲ့စကားတွေကို ပိုယုံတယ်ဗျာ။ ငါတို့ကိုဘာလို့မှန်းမသိ နှိပ်စက်တယ်ကွာတဲ့။ သမ္မတသင်ကန်းတိုက်က ဆယ်ကျော်သက်ချာတိတ်ကလေးကို သံချိတ်နဲ့နှာခေါင်းကနေချိတ်ပီးဆွဲပေးတာက ကော..ကိုကြီး မျိုးဝင်းလား … သူရဲကောင်းကြီးလားးး… ခင်ဗျားဖြေလေ။ အဲ့ဒီချာတိတ်ကျောင်းသားလေးက ခင်ဗျားမောင်လေးလိုသဘောထားတာဆို? ဆင်သေကိုဆိတ်သားရည်နဲ့ဖုံးနေတာ အတော်ရယ်ရတဲ့မိန်းမ။ ထွီ!!
Reply
ဘလူး March 28, 2012

ဒေါခင်ေ၇ွလှိုင်ခင်ဗျာ….
ထောက်လှမ်းေ၇းပါသည်ဖြစ်စေ..မပါသည်ဖြစ်စေ..
ဒီမိုကေ၇စီအေ၇းအတွက် တိုက်ဖို. အမှန်တ၇ားဘက်က၇ပ်တည်ပေးဖို.အတွက်..
သူပုန်လုပ်လာတဲ.ကျောင်းသားခေါင်းဆောင်တွေက
ခြေဖြတ်.လက်ဖြတ် .. ခေါင်းခုတ်ဖြတ်တယ် ဆိုတာတော.မဖြစ်သင်.ပါဘူး…
ထောက်လှမ်းေ၇းလို.မသင်ကာသူကို တပ်ကထုတ်ပယ်
ိုနိုင်တာပဲ..ထောင်ချထားနိုင်တာပဲလေ..တ၇ားဥပဒေအ၇စီ၇င်နိုင်တာပဲ…ဘာကြောင်.သတ်၇တာလဲလို. မဖြေပဲ..ထောက်လှမ်းေ၇းကြောင်.ပါ..ဟိုဟာကြောင်.ပါအကြောင်းပြတာကတော. ကလေးကလားဆန်လွန်းပါတယ်..လက်နက်ကိုင်တိုက်နေကြတဲ. လူတွေ တပ်တွေက တော. သူလျှိူ လွတ်တာဆန်းတာမှမဟုတ်တာ..ဒါကို သိအောင်ဖော်ထုတ်ပြီး အေ၇းယူယုံပါပဲ…ဒီမိုကေ၇စီအေ၇းအတွက်တိုက်နေတဲ. လူ(အထုးသဖြင်.ဒေါ်ခင်ေ၇ွလှိုင်က ဘယ်လိုတိုက်ခိုက်မှူမျိုးကိုမဆို တုန်.ပြန်မှာမဟုတ်ဘူးလို.ပြောတာက အဝေဖန်မခံနိုင်တာကိုပြတာ..ငါ.စကားနွား၇ ပြောတဲ.
လေသံပါပဲ..ဒါမျိူးစိတ်ဓာတ်နဲ. ဒီမိုကေ၇စီအေ၇းတိုက်ပွဲဝင်နေတယ်ဆိုတာ မယုံနိုင်စ၇ာပါပဲ)….၇န်သူသူလျိူမပါဘူးလို.ဘယ်သူမှ
မငြင်းပါဘူး..လူတွေမေးခွန်းထုတ်ချင်.သိချင်နေတာက ဘာကြောင်. လူပေါင်းများစွာကိုသတ်၇တာလဲ..ဖမ်းထား၇တာလဲ.
ဒေါ်ခင်ေ၇ွလှိုင်ပြောသလို ကိုထွန်းအောင်ကျော်.ကိုချိုကြီးနဲ. ဦးစိန်တို.က အစီအစဉ်၇ှိ၇ှိထိုးကျွေးခံလိုက်၇တာ သိနေတုန်းနဲ.ဘာလို.သတ်၇တာလဲ..ထောက်လှမ်းေ၇းမှန်း၇ိပ်မိနေတာတောင် ပေါ်အောင်မဖော်နိုင်ပဲနဲ.
ခေါင်းဆောင်တတ်လုပ်နေတာ အ၇ည်အချင်းမ၇ှိတာ
ပေါ်လွင်လွန်းပါတယ်.. ဖွတ်မိကျောင်းဖြစ်မြစ်မချမ်းသာတာ သဘာဝပါ…ကျတော်ေ၇းတာလဲများသွားပြီး

IZ said...

ကိုကြီးမျိုးဝင်းနဲ့ ကိုကြီးသံချောင်းတို့ ခေါင်းဖြတ်ပုံလေးနဲ့ ခေါင်းဖြတ်ရခြင်းရည်ရွယ်ချက်လေးတွေပါ ပြောပြပေါးပါလို့ မကြီး ခင်လှိုင်ရေ..