သမဂ္ဂတွေ ဖွဲ့စည်းခွင့်

( မောင်ဝံသ )။

ကိုလိုနီဆန့်ကျင်ရေးလှုပ်ရှားမှုများနဲ့ကန့်လန့်ကာဖွင့်ခဲ့တဲ့ကျွန်တော်တို့နိုင်ငံရဲ့ ခေတ်သစ် သမိုင်း ဟာ တစ်လျှောက်လုံး ကျောင်းသားတွေနဲ့ ဆက်စပ်နေတဲ့သမိုင်းဖြစ်တယ်ဗျ။ သူ့ကျွန်မခံလိုတဲ့ မြန်မာအပါအဝင် တိုင်းရင်းသားခေါင်းဆောင်တွေရဲ့ တော်လှန်ပုန်ကန်မှုတွေ၊ဘုရားကျောင်းကန် ပရဝုဏ် များအတွင်း ဘယ် သူမှ ဖိနပ်မစီးရေး၊ အင်္ဂလန်နိုင်ငံက ထုတ်လုပ်တင်သွင်းလာတဲ့ ကုန်ပစ္စည်းများမသုံးစွဲရေး၊ ဗြိတိသျှ ဘုရင်ခံအစိုးရနဲ့ မဆက်ဆံရေး (ဘူးအသင်း)လှုံ့ဆောင်တဲ့မျိုးချစ် ပုဂ္ဂိုလ်တွေရဲ့ ကြိုးပမ်း လှုပ်ရှားမှုတွေရှိခဲ့ပေမဲ့၁၉၂၀ ပြည့်နှစ်မှာ ပေါ်ထွက်ခဲ့တဲ့ နိုင်ငံရဲ့အညွန့်အဖူး တက္ကသိုလ်ကျောင်း သားတွေရဲ့ ကိုယ်ကျိုးစွန့် အနစ်နာခံမှုကို အထင်အရှားမြင် တွေ့ခဲ့ကြရတဲ့ ပထမကျောင်းသားသပိတ်ကသာ ခေတ်သစ် မြန်မာ့သမိုင်း အပေါ် သက်ရောက်မှုအကြီးဆုံး အဖြစ်အပျက်၊ တနည်းပြောရရင် အနာဂတ်မြန်မာနိုင်ငံ လျှောက်လှမ်းရမယ့် ခရီးလမ်းကြောင်းကို ညွှန်ပြလိုက်တဲ့ အချိုးအကွေ့ အလှည့်အပြောင်း ဖြစ်ခဲ့တယ်ဆိုတာ အားလုံးအသိ ဖြစ်တယ်ဗျ။ ဒါကြောင့်လည်း “အမျိုးသားအောင်ပွဲနေ့” သတ်မှတ်ဖို့ စဉ်းစားရွေးချယ်ကြ တဲ့အခါ အခြားနေ့ရက်တွေကိုကျော်လွှား ပြီး သပိတ်မှောက်ထွက်ခွာလာကြတဲ့ တန်ဆောင်မုန်း လပြည့်ကျော်၁၀ရက်နေ့ ကိုတညီတညွတ်တည်း ရွေးချယ်သတ်မှတ်ခဲ့ကြတာ ဖြစ်တယ်ဗျ။

မတရားတာငုံ့မခံတဲ့ စိတ်ဓာတ်
အဲဒီကစလို့ ကျောင်းသားတွေဟာ မြန်မာ့နိုင်ငံရေးနဲ့ တစသားတည်း တစ်ဆက်တစ်စပ်တည်း ရှိလာခဲ့ကြတာ ယနေ့ထိတိုင် ဖြစ်တယ်ဗျာ။ ရှုပ်ထွေးသိမ်မွေ့နက်ရှိုင်းပြီး အသိရခက်တဲ့ နိုင်ငံရေးဝန်းကျင် အနေအထား အပေါ် မူတည်ပြီး အချို့သောသမိုင်းကာလအခိုက်အတန့်တွေ မှာ ကျောင်းသား တွေ ရဲ့ရပ်တည်လှုပ်ရှား မှု တွေဟာလွန်ကျွံတာအစွန်း ရောက်တာတွေရှိခဲ့ကောင်းရှိခဲ့ မှာ ဖြစ်ပေမဲ့ မြန်မာကျောင်းသားထုတစ်ရပ် လုံးရဲ့ မတရားတာကို ငုံ့မခံနိုင်တဲ့ စိတ်ဓာတ်၊ မိဘပြည်သူတွေရဲ့ ခံစားချက်ကို မေ့လျော့ လျစ်လျူရှုခြင်း မပြုနိုင်တဲ့ စိတ်ဓာတ်၊ လွတ်လပ်မှုနဲ့ ငြိမ်းချမ်းမှုကို မြတ်နိုးတန်ဖိုးထားတဲ့ စိတ်ဓာတ်တွေကတော့ သမိုင်း တစ်လျှောက် ဘယ်တော့မှ ဖုံးဖိဖျောက်ဖျက်ထားလို့မရအောင် ထင်ထင်ရှားရှား ငွားငွားစွင့်စွင့် တည်ရှိနေ ခဲ့တာ ဖြစ်တယ်ဗျ။

ဒါကြောင့်လည်း “လူတစ်ယောက်ရဲ့ တန်ဖိုးကိုသူ့ပခုံးပေါ် ကျရောက်လာတဲ့ သမိုင်းပေးတာဝန်ကို ထမ်းဆောင် သလား၊ မထမ်းဆောင်ဘူးလား ဆိုတဲ့ အချက်နဲ့ပဲတိုင်းတာရမယ်’ ဆိုတဲ့ စာရေးဆရာကြီး ဗန်းမော်တင်အောင်ရဲ့ စကားအတိုင်း သမိုင်းခေတ်တိုင်းရဲ့ခေါ်သံကို ပထမဆုံးထူးသူတွေ ဟာ ကျောင်း သားတွေ ဖြစ်တယ်ဆိုတာကို ဓမ္မဓိဋ္ဌာန်ကျကျ ရှုမြင်နိုင်သူတိုင်း မြင်တွေ့ ဝန်ခံကြရ တာ ဖြစ်ပါတယ်ဗျ။
ခေတ်တိုင်းမှာရှေ့တန်းက  
ကိုလိုနီလက်အောက် မြန်မာ့သမိုင်းမှာအရေးပါတဲ့စာမျက်နှာတွေကို သပိတ်လုံးလုံးနဲ့ ရေးသား မှတ်တမ်း တင်ခဲ့ကြတဲ့ မြန်မာကျောင်းသားတွေဟာကျွန်ခေတ်ကိုတစ်ဆစ်ချိုးပစ်ခဲ့တဲ့ရဲဘော်သုံးကျိပ် ဖွဲ့စည်းရာ      

မှာလည်း ရှေ့ဆုံးတန်းကပါဝင်ခဲ့ကြတယ်ဗျာ။လွတ်လပ်ရေးရပြီးနောက် မြန်မာ့နိုင်ငံရေး ဦးဆောင်မှု ဟာ အစောပိုင်းမှာဖဆပလအဖွဲ့ကြီး၊ နောက်ပိုင်းမှာ နိုင်ငံရေးပါတီများ လက် ထဲသို့ ရောက်ရှိ သွာပြီး ကျောင်း သားတွေရဲ့ အခန်းကဏ္ဍ (နှိုင်းယှဉ်ချက်အရ)သဘာဝကျစွာပဲ မှေးမှိန်ဖျော့တော့သွားခဲ့ရပေမဲ့မြန်မာ့နိုင် ငံရေးခေတ်တစ်ခေတ်ပြောင်းခဲ့တဲ့၁၉၆၂ခုနှစ် နောက်ပိုင်းပေါ်ပေါက်ခဲ့တဲ့အရေးအခင်း အဆက်ဆက်မှာ မြန်မာကျောင်းသားတွေဟာရှေ့တန်းကို ပြန်ထွက်လာခဲ့ကြပြန်တယ်ဗျ။

အခုအချိန်မှာတော့အားလုံးသိကြတဲ့အတိုင်းကျွန်တော်တို့နိုင်ငံဟာနှစ်ငါးဆယ်ကြာ လျှောက် လှမ်းခဲ့တဲ့ လမ်းပေါ်ကနေ ဂငယ်ကွေ့ပြန်ကွေ့ပြီး ပါတီစုံဒီမိုကရေစီစနစ်ကို တစ်ကျော့ပြန် ကျင့်သုံးနေပြီဖြစ်တယ်ဗျ။ ဒီအပြောင်းအလဲဟာ ဦးခေါင်းစတဲ့ အပြောင်းအလဲ (Head-Start change) ဖြစ်တဲ့အပြင် အဲဒီဦးဆောင်ပြောင်း လဲနေတဲ့သူ အားလုံးလိုလိုဟာ အစိုးရဟောင်းရဲ့ ထိပ်တန်းအဖွဲ့ဝင်တွေ ဖြစ်ကြတာမို့ အစပိုင်းမှာ သံသ ယတွေ ကြီးကြီးမားမား ရှိခဲ့ကြပေမဲ့ အခုနောက်ပိုင်းတစ်စတစ်စ တိုးတက်မြင်တွေ့လာနေကြရတဲ့ပကတိအရှိတရားတွေကြောင့် ပြည်သူများအတွင်း အဲဒီသံသယတွေ တဖြည်း ဖြည်းချင်း လွင့်ပြယ်စပြုလာနေတာကို ကျွန်တော်ခံစားရတယ်ဗျ။

အလုပ်သမားသမဂ္ဂတွေပေါ်လာတော့မယ်
မကြာသေးခင်ကတည်း အလုပ်သမားအဖွဲ့အစည်းဆိုင်ရာဥပဒေ နည်းဥပဒေတွေ ထွက်ပေါ် လာခဲ့ပြီး အဲဒီဥပဒေ မတ်လ ၉ ရက်နေ့ကစပြီး အာဏာတည်ကြောင်းသမ္မတရဲ့ အမိန့်လည်း ထွက်ပေါ်လာတာကြောင့် မကြာခင်မှာ အလုပ်သမားသမဂ္ဂတွေ အလျှိုလျှို အပြိုင်းအရိုင်း ထွက်ပေါ်လာ လိမ့်မယ် လို့ မျှော်လင့်ရ တယ် ဗျ။ အဲဒီလိုပဲ တစ်လျှောက်လုံး ဗဟိုဦးစီးစနစ်နဲ့ ဖွဲ့စည်းတည်ရှိလာခဲ့တဲ့ မြန်မာနိုင်ငံရုပ်ရှင်အစည်းအရုံး
ဟာလည်း မကြာခင် ရုပ်ရှင်လောကသားများကို အမှန်တကယ် ကိုယ်စားပြုတဲ့အဖွဲ့ အစည်း ဖြစ်လာတော့ မယ်ဆိုတဲ့ အသံတွေ ကြားနေရတယ်ဗျ။ တစ်ချိန်တည်းမှာပဲ ကျွန်တော် တို့ စာပေနဲ့ စာနယ်ဇင်းလောက မှာလည်း လွတ်လပ်စွာ ဖွဲ့စည်းခွင့်ရှိမယ့် သမဂ္ဂတွေ မကြာခင် ပေါ်ထွက်လာတော့မှာ ဖြစ်တယ်ဗျ။

ဒီအချိန်မှာ မြန်မာနိုင်ငံတစ်ဝန်းမှာတက်ကြွထက်သန်တဲ့ကျောင်းသားတွေက ဦးဆောင်ပြီး ဒေသ ဆိုင် ရာ ကျောင်းသားသမဂ္ဂတွေဖွဲ့စည်း နေကြပြီဆိုတဲ့ သတင်းတွေ တစ်ခုပြီးတစ်ခု ကြားလာနေရတယ်ဗျ။

ဒီမိုကရေစီနဲ့ အရပ်ဘက်အဖွဲ့များ
တကယ်တော့ လွတ်လပ်အမှီအခိုကင်းတဲ့ သမဂ္ဂတွေဆိုတာလူထုအခြေပြု အရပ်ဘက် အဖွဲ့အစည်းတွေ ထဲမှာ ပါဝင်တယ်ဗျ။ ဒီမိုကရေစီဆိုတာ ကလည်း လူထုဆန္ဒကိုအလေးထား တဲ့ နိုင်ငံရေးစနစ် ဖြစ်တာမို့ လူထုအခြေပြု အရပ်ဘက် အဖွဲ့အစည်းတွေ လွတ်လပ်တက်ကြွစွာ ရှင်သန်လှုပ်ရှားခွင့် မရှိ တဲ့ နိုင်ငံရေး စနစ်ကို ဒီမိုကရေစီလို့ မခေါ်နိုင်သလို ဒီမိုကရေစီစနစ် မရှိဘဲလူထုအခြေပြု အရပ်ဘက်အဖွဲ့ အစည်းတွေ လည်း လွတ်လပ်တက်ကြွစွာ ရှင်သန်နိုင်ခြင်း၊ မရှိဘူးဗျ။ ဒါကြောင့်ဒီမိုကရေစီ စနစ်ကို ဦးတည်လျှောက် လှမ်းမယ်ဆိုရင်ဦးဆောင်သူတွေဟာသမဂ္ဂ၊ ဖောင်ဒေးရှင်းစတဲ့ လူထုအခြေပြု အရပ် ဘက်အဖွဲ့ အစည်းတွေ ကို ရှင်သန်ခွင့်ပြုရုံသာမက တက်နိုင်သမျှ အားပေးကူညီရမှာဖြစ်တယ်ဗျ။

ပြီးခဲ့တဲ့ နှစ်ငါးဆယ်အတွင်းမှာတော့ ကျောင်းသားသမဂ္ဂဆိုတာ အုပ်ချုပ်သူလူတန်းစားအတွက် သရဲတစ္ဆေ သို့မဟုတ် မစင်ဘင်ပုတ် ဖြစ်ခဲ့တယ် ဗျာ။ ကျောင်းသားသမဂ္ဂဆိုတာ အားအားရှိ ဆူချင်ပူချင်ပြဿနာ ရှာချင်တဲ့ လူ့အမှိုက်သရိုက်ကလေးတွေ စုဝေးရာနေရာအဖြစ် ယခင်အုပ်စိုးသူတွေက မြင်ခဲ့ကြတယ်ဗျာ။

ဒါပေမဲ့ ဒီကနေ့လို ခေတ်ပြောင်းသွားချိန်မှာတော့ အဲဒီအတွေးအခေါ်ကို အမှိုက်ပုံထဲ ပစ်ထည့်လိုက်ကြတော့ မှာ ဖြစ်တယ်ဗျ။ ဒီအခြေအနေမှာ တာဝန်ရှိသူများအနေနဲ့ မသိလိုက်ဘာသာနေမလား၊ ကူညီပံ့ပိုးမလားဆိုတဲ့ လမ်းနှစ်လမ်းအနက် လမ်းတစ်လမ်းကို ရွေးချယ်ကြရဖွယ် ရှိတယ်ဗျာ။

(မတ်၁၉ ထုတ် The Messenger အတွဲ (၂) အမှတ် (၄၄) မှ ကူးယူဖော်ပြသည်။)