ဖေ့ဘွတ်ကွန့်မက်များနှင့် ရေစီးကြောင်းကိုလက်နဲ့ကာကြခြင်း

သီရိဆောင်း  

 ယနေ့အမျိုးသမီးများဝတ်စားဆင်ယင်မှုနှင့်ပတ်သက်၍ တခါတခါ ဖေ့ဘွတ်များ ဘလော့
များတွမှာဖတ်ရသောကွန်မက်တွေကိုကျနော်တော်တော်စိတ်ညစ်မိပါသည်။ ထိုယဉ်ကျေးမှု
အကြောင်းအော်နေကြသောသူတို့သည် မိမိတို့ကိုယ်တိုင်ယဉ်ကျေးမှုကင်းမဲ့နေကြောင်း
တပါးသူ၏လွတ်လပ်ခွင့်ကိုအသားလွတ်စော်ကားနေကြောင်း မေ့နေကြသည်။ အမျိုးသ
မီးများ ဝတ်စားမှုပွင့်လင်းလာမှုအပေါ် ဝိုင်းဆဲနေကြသော ထိုယောင်္ကျားတို့သည် မိမိကိုယ်
တိုင်က ပင်နီတိုက်ပုံနှင့် တောင်ရှေပုဆိုးဝတ်ခါ ယောင်ထုံးထုံးမထားကြောင်းကိုလဲမေ့နေ
ကြသည်။
-------------------------------------------------------------------------------------------------------------
 .....ကမ္ဘာဦးအစကထဲက အဝတ်အစားမဝတ်တတ်သေးသူများ၏ ယဉ်ကျေးမှုအား အဝတ်အစား ဝတ်တတ် သူများ၏ ယဉ်ကျေးမှုကဖုံးလွှမ်းကူးစက်သည်။ ချက်ပြုတ်မစားတတ်သူများထံသို့ ချက်ပြုတ်စား တတ်သူ များ၏ ယဉ်ကျေးမှုကဖုံးလွှမ်းကူးစက်သည်။ မီးများ တောတောင်များ အရည်းကြီးများ တစ္ဆေသရဲများကိုသာ ကိုးကွယ်တတ်သည့်လူများထံသို့ ဘာသာကြီးလေးခုက အဓိကဖုံးလွှမ်းကူးစက်လိုက်သည်။  
အင်အားကြီးမားသူ၏ဝတ်စားဆင်ယင်မှု၊အစားအသောက်၊အနေအထိုင်၊တေးဂီတအစရှိသည်တို့သည် အင်အားနဲပါးသူတို့အားဖုံးလွှမ်းကူးစက်ကြသည်သာ......
--------------------------------------------------------------------------------------------------------------
အထူးသဖြင့် ဒီနှစ် အကယ်ဒမီဆုပေးပွဲမှ မင်းသမီးတချို့၏ ဓာတ်ပုံများကိုဆဲဆိုကြသော
အခါတွင်တော့ ကျနော့်အနေဖြင့်ယဉ်ကျေးမှုအကြောင်းကိုစဉ်းစားလာမိသည်။ပုံမှန်အား
ဖြင့်ကျနော်သည် မြန်မာရုပ်ရှင်ကားများကိုကြည့်လေ့မရှိပါ။ ထို့ကြောင့် မြန်မာမင်းသမီးများ
ကိုမသိ။ အမှတ်တမဲ့ထိုမင်းသမီးကို ဆဲနေသည့်ကွန့်မက်များကိုတွေ့ရာမှ ကြည့်မိသွားခြင်း
ဖြစ်သည်။ ကျနော့အနေဖြင့်ထိုမင်းသမီးဘာအမှားဝတ်ထားလဲမတွေ့မိပါ။ သို့သော်ဆဲသူတို့
က ပက်ပက်စက်စက်ဆဲကြသည်။ ဘာရည်ရွယ်ချက်နဲ့ဝတ်ထားလဲ မေးကြသည်။ ဤသို့ဖြင့် ကျနော်လဲတွေးမိပါတော့သည်။

ခေတ်တို့သည်ပြောင်းလဲကြ၏ နိုင်ငံရေး၊ လူမှုရေး၊ အသုံးအဆောင်ပစ္စည်းများ နေထိုင်မှု
ပုံသဏ္ဌာန်များ၊ ဘာသာရေးဆိုင်ရာတွေးခေါ်မှုများ၊ ရုပ်ရှင်များ၊ ဝထ္ထုဇာတ်လမ်းများ ဝတ်စား
ဆင်ယင်မှုများစသည်ဖြင့်အသစ်အသစ်သော ပုံသဏ္ဌာန်တို့သည် ခေတ်အဆက်ဆက်ဖြစ်
ထွန်းခဲ့ခြေ၏။ ထိုသို့အသစ်အသစ်တို့ပေါ်ထွန်းလာတိုင်း ကမ္ဘာကြီးပေါ်မှလူတို့သည် အမြဲ
တမ်းနှစ်စုကွဲလေ့ရှိသည်။ အပြောင်းအလဲကိုလက်ခံသောအုပ်စုနှင့်ကဲ့ရဲ့ရှုံ့ချသောအစုဟူ
၍ဖြစ်လေ၏။

ခေတ်တို့၏ပြောင်းလဲမှုတို့နှင့် အတူအဓိကဆက်စပ်ပြောင်းလဲနေမှုသည်ကားယဉ်ကျေးမှုဖြစ်
သည်။ ယနေ့ကမ္ဘာကြီးတခုလုံးအား ကွန်ယက်တခုဖြင့် ဖုန်းအုပ်ဆက်သွယ်လိုက်သောအခါ
၌ အပြောင်းအလဲတို့သည်အလွန်လျင်မြန်လှသည်။ ထိုအပြောင်းအလဲတို့သည်နိုင်ငံတခုနှင့်
တခုလဲလျင်မြန်စွာကူးစက်ပြန့်ပွားကြသည်။ ထိုအခါကမ္ဘာ့အချို့နိုင်ငံတို့သည် မိမိတို့၏
မိရိုးဖလာယဉ်ကျေးမှုများပြောက်ဆုံးရတော့မည် ဟုထိပ်လန့်တကြားတွေးတောလာကြ
သည်။ ကျယ်လောင်စွာအော်ဟစ်လာကြသည်။ ထို့ကြောင့်မိရိုးဖလာယဉ်ကျေးမှုဆိုသည်မှာ
ကျနော့အတွက်စဉ်းစားတွေးတောစရာတခုအဖြစ် သို့ရောက်ရှိလာတော့သည်။

အမှန်တကယ်တော့ ထိုကဲ့သို့အော်ဟစ်လာကြသည်မှာ ယနေ့ခေတ်မှစတင်ခြင်းမဟုတ်။
ယနေ့ခေတ်မှကျယ်လောင်လာခြင်းသာဖြစ်သည်။ အဘယ့်ကြောင့်ထိုသို့ခေတ်အဆက်
ဆက်ထိုသို့အော်ဟစ်ခဲ့ကြပါသနည်း။ လူတို့သည်မိမိတို့နိုင်ငံ၏ယဉ်ကျေးမှုက အခြားနိုင်
ငံကယဉ်ကျေးမှုထက် ပိုကောင်းသည်၊ ပို၍အဆင့်အတန်းမြင့်မားသည်ဟုယူဆကြသော
 ကြောင့်ဖြစ်သည်။

သင်သည် တခုခုကို အခြားတခုခုထက်ပိုကောင်းကြောင်းပြောနိုင်ရန်အတွက်တခုနှင့်တခု
ယှဉ်ကြည့်ဖို့လိုအပ်သည်။  ထို့ကြောင့် လူတို့သည် မိမိတို့နိုင်ငံနှင့်အခြားနိုင်ငံများ၏ယဉ်
ကျေးမှုများ အားနှိုင်းယှဉ်ကြည့်တတ်ကြသည်။ ထို့နောက် မည်သို့ပင်ဖြစ်စေမိမိတို့နိုင်ငံ၏
ယဉ်ကျေးမှုက သာလွန်အဆင့်အတန်းမြင်မားကြောင်း၊ ပို၍ကောင်းကြောင်းသုံးသပ်လိုက်
ကြတော့သည်။

ဤသို့ဖြင့် နိုင်ငံတခုနှင့်တခု၏ ယဉ်ကျေးမှုအဆင့်အတန်းများကို နိူင်းယှဉ်ကြည့်ခြင်းသည်
ကျနော့၏ ဆက်လက်တွေးတောစရာတခုဖြစ်လာရတော့သည်။ ပထမ ထိုသို့နှိုင်းယှဉ်ရန်
အတွက် မိမိတို့နိုင်ငံယဉ်ကျေးမှုကိုစတင်သတ်မှတ်ဖို့လိုလာသည်။ မိမိတို့၏ ကိုယ်ပိုင်ယဉ်
ကျေးမှုကိုမည်ကဲ့သို့သတ်မှတ်ပါမည်လဲ။ သို့ မည်သည့်အချိန်မှစတင်သတ်မှတ်ပါမည်လဲ။
ယနေ့ခေတ်လော။ သို့ ယခင်နှစ်ငါးဆယ်လောက်ကလော။ သို့ ယခင်နှစ်တရာခန့်ကလော။
သို့သော် မိမိတို့နှိုင်းယှဉ်ကြည့်မည့်နိုင်ငံ၏ယဉ်ကျေးမှုသည် ယနေ့ခေတ်ဖြစ်သဖြင့် မိမိတို့နိုင်
ငံ၏ယဉ်ကျေးမှုကိုလည်း ယနေ့ခေတ်တွင်ခေတ္တထားကာသုံးသတ်ကြည့်ကြမည်။


ဝတ်စားဆင်ယင်မှု၊ ဘာသာရေး၊ အနုပညာ အစရှိသည်ဖြင့် ယနေ့ခေတ်ကျနော်တို့နိုင်ငံ
တွင်ရှိနေသောယဉ်ကျေးမှုသည် ကျနော်တို့၏မိရိုးဖလာ ယဉ်ကျေးမှုများပင်လော။
သင်သည် မိမိတို့နိုင်ငံသို့ သူများယဉ်ကျေးမှုများကူးစက်ခံထားရသည်ဟု ယူဆရတိုင်း
ယူဆရတိုင်း အချိန်ကိုနောက်သို့တဖြည်းဖြည်းရွှေ့၍စဉ်းစားကြည့်ပါလေ။ မညှာမတာတွေး
ကြည့်ပါက ယနေ့ခေတ်မှမဟုတ်။ ဟိုးယခင်ကမ္ဘာဦးအစကထဲက ယဉ်ကျေးမှုများအပြန်
အလှန်ကူးစက်ပြန့်ပွားမှုများရှိခဲ့ကြောင်း သင်တွေ့လာရမည်ဖြစ်သည်။

ထင်ရှားသောဥပမာတခုပြရမည်ဆိုပါက ကျနော်တို့ပြောနေလေ့ရှိသော မြန်မာ့ယဉ်ကျေးမှု
သည် တစ်လင်တစ်မယားစံနစ်ဖြစ်သည်ဆိုသည်မှာအမှန်လော။ မြန်မာနိုင်ငံသည် အင်္ဂလိပ်
တို့မအုပ်ချုပ်ခင်ကအထိ တစ်လင်တစ်မယားစံနစ်မဟုတ်ချေ။အာဏာရှိသူတို့၊ ငွေကြေးဥစ္စာ
ကြွယ်ဝသူတို့ သည်ဇနီးမယားတစ်ယာက်မကတပြိုင်ထဲယူပိုင်ခွင့်ရှိသည်။ တချိန်က မြန်မာ့
ယောင်္ကျားမိန်းမတို့၏ လိင်မှုဆက်ဆံရေးသည် ယခုခေတ်ထက်ပို၍ပွင့်လင်းခဲ့သည်။

ထို့နောက် သင်တွေ့လာရမည်မှာတစ်လင်တစ်မယားစံနစ်သည်အင်္ဂလိပ်တို့ထံမှယဉ်ကျေးမှု
ကူးစက်ခံခဲ့ရခြင်း ဖြစ်ကြောင်းဖြစ်သည်။ အင်္ဂလိပ်တို့သည် အလွန်ပြင်းထန်သော တစ်လင်
တစ်မယားစံနစ်ကိုလက်ခံသူများဖြစ်ခဲ့သည်။ သူတို့၏ဘုရင်များသည်ပင် ဇနီးမယားနှစ်
ယောက်ယူခွင့်မရှိချေ။ ယနေတော့ ထိုစံနစ်ကိုမြန်မာ့ယဉ်ကျေးမှုဟု ကျနော်တို့ပြောနေ
ကြပြီ။

နိုင်ငံစွဲများကိုခေတ္တဖယ်ထား၍စဉ်းစားကြည့်ပါက ကမ္ဘာဦးအစကထဲက အဝတ်အစားမဝတ်
တတ်သေးသူများ၏ယဉ်ကျေးမှုအား အဝတ်အစားဝတ်တတ်သူများ၏ ယဉ်ကျေးမှုကဖုံး
လွှမ်းကူးစက်သည်။ ချက်ပြုတ်မစားတတ်သူများထံသို့ ချက်ပြုတ်စားတတ်သူများ၏ ယဉ်
ကျေးမှုကဖုံးလွှမ်းကူးစက်သည်။ မီးများ တောတောင်များ အရည်းကြီးများ တစ္ဆေသရဲများ
ကိုသာ ကိုးကွယ်တတ်သည့်လူများထံသို့ ဘာသာကြီးလေးခုက အဓိကဖုံးလွှမ်းကူးစက်
လိုက်သည်။ ဤသို့ဖြင့် သင်သည် ယဉ်ကျေးမှုများတွင် ဖုံးလွှမ်းကူးစက်နိုင်သောအင်အားကို
သတိပြုမိလာမည်ဖြစ်သည်။ အင်အားကြီးမားသူ၏ ဝတ်စားဆင်ယင်မှု၊ အစားအသောက်၊
အနေအထိုင်၊တေးဂီတ အစရှိသည်တို့သည် အင်အားနဲပါးသူတို့အားဖုံးလွှမ်းကူးစက်ကြ
သည်သာ။ ဤသို့ အပြန်အလှန်ကူးစက်ပြန့်ပွား ပွတ်တိုက်ရင်းဖြင့် ယဉ်ကျေးမှုများဖွံ့ဖြိုးတိုး
တက်ခဲ့ကြသည်။ အကယ်၍ ထိုသို့ကူးစက်ပြန့်ပွားမှုကိုလက်မခံခဲ့ပါက ထိုနိုင်ငံတို့သည်အ
ရည်းကြီးကိုးကွယ်မှုမျိုး သို့ ကျောက်ခေတ်ဝတ်စားဆင်ယဉ်မှုမျိုးနှင့် ကမ္ဘာ့အလယ်တွင်
ခေတ်နောက်ကျကျန်နေခဲ့တော့မည်သာဖြစ်သည်။

ထို့ကြောင့်မိမိယဉ်ကျေးမှုကိုထိမ်းသိမ်းခြင်းဟူသော စကားရပ်သည် အလွန်စဉ်းစားစရာ
စကားရပ်အဖြစ်သို့ရောက်ရှိလာတော့သည်။ ဒီအတိုင်းရပ်နေတော့မည်လား၊ ကမ္ဘာနှင့်အ
တူပြောင်းလဲမည်လား။ သို့သော် မည်သည့်အချက်ဖြစ်စေ ဘေးထွက်ဆိုးကျိုးများပါဝင်လာ
မည်ဆိုသည်ကိုတော့သင်သတိပြုရမည်ဖြစ်သည်။

ခေတ်များပြောင်းလဲလာသည်နှင့်အမျှယဉ်ကျေးမှုအင်အားတွင် ပါဝင်သောအင်အားစုများ
သည်လည်းတဖြေးဖြေးပြောင်းလဲခဲ့သည်။ အင်တာနက်၊ သတင်းမီဒီယာ၊ ရုပ်ရှင်၊ တေးဂီတ
လူတို့၏ စိတ်ဓာတ်အဆင့်အတန်းမြင့်မားမှု၊ အစရှိသည်ဖြင့် ပါဝင်လာသည်။ ထိုအရာတို့ကို
အင်အားကြီးမားစွာပိုင်ဆိုင်သူတို့ထံမှ ယဉ်ကျေးမှုများသည် အင်အားနဲပါးစွာပိုင်ဆိုင်သူတို့
ထံသို့ ကူးစက်ခံရမည်သာဖြစ်သည်။ ထို့ပြင်မိမိတို့နိုင်ငံအားတခါးဖွင့်ထားသည်နှင့်အမျှ
တစ်နိုင်ငံနှင့်တနိုင်ငံကူးလူးဆက်ဆံမှုများ များပျားလာသည်နှင့်အမျှ မလွဲမသွေကြုံကြရ
မည်ဖြစ်သည်။ ထိုသို့ကူးစက်ခြင်းမခံလို၍တော့မဖြစ်နိုင်။ နည်းပါးသက်သာလိုပါက မိမိ
ကိုယ်တိုင် ထိုနိုင်ငံတို့ကဲ့သို့ အင်အားကြီးမားစွာပိုင်ဆိုင်ဖို့လိုအပ်ပေတော့သည်။

ထို့အတွက်သင့်တွင်လဲတာဝန်ရှိသည်။ သင်ကိုယ်တိုင်လဲ သူများယဉ်ကျေးမှုများကို ကူးယူ
အသုံးမပြုဖို့လိုအပ်သည်။ အကယ်၍ သင်ကိုယ်တိုင် သူတပါးယဉ်ကျေးမှုဖြစ်သော ဝတ်စား
ဆင်ယဉ်မှုများ၊ တေးဂီတများနှင့် မကင်းနိုင်ပါက အခြားမကင်းနိုင်သူများကိုလည်း လက်ခံ
ရမည်ဖြစ်သည်။ ဖေ့ဘွတ်တွင် ဘလော့များတွင်ဆဲနေယုံမျှဖြင့်တော့ သင်သည်ယဉ်ကျေး
သူတစ်ယောက်မဖြစ်ဘဲ မိုက်ရိုင်းသူငပေါတစ်ယောက်သာဖြစ်လာပေလိမ့်မည်။

အနောက်နိုင်ငံများသည် တချိန်က စကတ်များကိုကျမ်းပြင်ပေါ်ပုံနေအောင်ဝတ်စားကြ
သည်။ပန်းသာမစာဥဟု မြန်မာလိုမြန်မာမှုပြုထားသောမူရင်းအင်္ဂလိပ်ဝထ္ထုကို ရုပ်ရှင်ရိုက်
ကူးသောအခါ ဇာတ်ဝင်ခန်းတခန်း၌ ချောင်းကလေးတခုကိုကျော်ဖြတ်ရန် မင်းသမီးအား
မင်းသားက ပွေ့ချီ၍ ကူးရသောအခန်းတခုပါလာခဲ့သည်။ ထိုဇာတ်ဝင်ခန်းအား အလွန်မ
ဖွယ်မရာ အမြင်မတော်သော ဇာတ်ဝင်ခန်းအဖြစ် ထိုခေတ်က အနောက်နိုင်ငံရုပ်ရှင်
ပရိတ်သတ်များက ကျယ်လောင်စွာဝေဖန်ခဲ့ကြသည်။

ယနေ့တွင်တော့ ထိုဝေဖန်မှုတို့သည် ရယ်ရွှင်ဘွယ်ဖြစ်ခဲ့ပြီ။ ထိုနိုင်ငံသားတို့သည် လူတဦး
တယောက်ခြင်းစီ၏ သဘောသဘာဝကို၎င်း၊ ခေတ်၏ပြောင်းလဲမှုတို့အကြောင်းကို၎င်း နား
လည်ခဲ့ကြပြီ။ မိမိ၏ခံစားမှုဖြစ်သော ကြိုက်ခြင်း မကြိုက်ခြင်းသည် ခေတ်တခုအပေါ်သို့မည်
သို့မျှအကျိုးသက်ရောက်လိမ့်မည်မဟုတ်သည်ကိုသိခဲ့ကြပြီ။ ထိုအချင်းအရာတို့ကိုမည်သို့
အကျိုးရှိစွာအသုံးချရမည်ကိုလည်းသိခဲ့ကြပြီ။ ထို့ကြောင့် သူတို့သည် အနုပညာနယ်ပယ်
တွင်အလွန်အင်အားကြီးမားစွာလွှမ်းမိုးထားခဲ့ကြလေသည်။

ယခုအခါသူတို့ကဲ့သို့နားလည်သဘောပေါက်လာသောအာရှနိုင်ငံ အချို့တို့သည်လည်း
အပြောင်းအလဲများကိုလက်ခံရင်း အနုပညာနယ်ပယ်တလျောက်ထိုးဖေါက်ရန်ကျိုးစားကြ
သည်။ သူတို့၏ယဉ်ကျေးမှုပါဝါကိုတိုးမြှင့်ရန်အားထုပ်ကြသည်။သူတို့ထိုက်သင့်သလောက်
အောင်မြင်လာကြသည်။ ဤသို့ဖြင့်အနောက်နိုင်ငံတို့၏ ယဉ်ကျေးမှုလွှမ်းမိုးနိုင်စွမ်းသည် လှုပ်ရှားသွားခဲ့သည်။

သို့သော် ထိုသို့သောအပြောင်းအလဲတို့အပေါ်အလွယ်တကူလက်မခံနိုင်သောနိုင်ငံတို့သည်
လဲရှိနေသည်သာ။ ထိုနိုင်ငံတို့၏ အကြောင်းပြချက်သည်ကား မိမိတို့၏ ရိုးရာယဉ်ကျေး
မှုများပြောက်ကွယ်ကုန်တော့မည်၊ ဒီအတိုင်းထိမ်းသိမ်းကာကွယ်ထားရမည် ဟူ၏။


သီရိဆောင်း
colour parliament မှကူးယူဖော်ပြသည်။