Friday, March 16, 2012

သူ့ကြွေးရှိက ဆပ်ရမည်။ (၇)

by Soe Lynn on Friday, 16 March 2012 at 08:46 ·
        ကျွန်တော့်ကိုစဖမ်းကတည်းက ဒိုင်ယာရီပါသိမ်းသွားတဲ့အတွက် နေ့ရက်တွေကို အတိအကျ မသိရတော့ပါဘူး။ တပ်ရင်း ၂၁၀ အပေါ်ကုန်းမှာရှိစဉ် မှတ်မှတ်ရရ ရှိနေတာက ရေချိုးတဲ့ကိစ္စပါပဲ။ တစ်လ ၂ ခါလောက်တော့ ရေထုတ်ချိုးခိုင်းပါတယ်။ စခန်းကုန်းအောက်က သံလွင်မြစ်ထဲစီးဝင်သွား တဲ့ ချောင်းကလေး မှာပါ။ ရေချိုးချိန်က ညသန်းခေါင်လောက်ဖြစ်ပါလိမ့်မယ်။ အခြားလူတွေမမြင်မသိနိုင်အောင်အဲဒီအချိန်လောက်ကိုရွေးတယ်ထင်ပါတယ်။ ရေချိုးရမှာကြောက်ပေ
မယ့် ပြန်ပြောလို့လည်း မရတဲ့အခြေအနေ ပါ။ ရေချိုးမယ်လို့သူတို့ပြောတာနဲ့ အ၀တ်အစားတွေ ချွတ်ပြီး   ခွေးအိမ်လေး ထဲက   စောင့်နေ  ရပါတယ်။ တံခါးလာဖွင့်ရင် လက်နှစ်ဖက်ထုတ်ပေးရပြီး လက်ထိပ်အရင် ခတ်ပါတယ်။ ပြီးရင်တော့ ၀က်တစ်ကောင်လို ဇွတ်ဆွဲပြေးတာခံရတော့တာပါပဲ။ အကွေ့တစ်ခုရောက်တာနဲ့ ထိုးကြိတ်တာကန်ကျောက်တာ အမြဲခံရ တယ်။ အသွားရော အပြန်ရော အဲဒီလိုနှုတ်ဆက်ကြပါတယ်။
ဒါကြောင့် ရေချိုးမယ်ဆိုတိုင်း ကျွန်တော်ကြောက်နေမိတာပါ။
-----------------------------------------------------------------------------------------------------------------------
...အဖွဲ့အစည်းရဲ့အကြီးဆုံးပုဂ္ဂိုလ်၊ စဉ်းစားဆင်ခြင်ဥာဏ်ပြည့်ဝတဲ့၊ စီမံခန့်ခွဲမှုအား ကောင်းတဲ့ ဥက္ကဌ။ ဒီအခွင့်အရေးကို ကျွန်တော် လက်လွှတ်မခံနိုင်ပါဘူး။ ကျွန်တော်ရန်သူ့လူမဟုတ်တဲ့အကြောင်းနဲ့ ဒီကိစ္စတွေမှာ တစ်ခုခုတော့ မှားယွင်းနေပြီဖြစ်တဲ့အကြောင်း ပြော ပါတယ်။ ပြောရင်း မျက်ရည်လည်း ကျမိ ပါတယ်။ အကျိုးဆက်ကတော့ လက်ထိပ်ကြိုးတန်းလန်းဆွဲပြီး တစ်ညလုံးနီးပါး အရိုက်ခံရတာပါပဲ။  .....အနည်းဆုံးအရိုက်ခံရမယ်။ အခန့် မသင့်ရင်အသတ်တောင်ခံရနိုင် တဲ့လူတစ်ယောက်ကဘာလို့ ဒီလိုပြော လာသလဲဆိုတာ ကိုနိုင်အောင်သေချာသုံးသပ်စေချင်လို့ပါ။ ပြန်စဉ်းစားကြည့်တော့ ဒီလမ်းကြောင်းကို ဘာဖိအားပေးမှုမှမခံရဘဲကိုနိုင်အောင် ဖာသာရွေးချယ်ခဲ့တာပါ။ ပြန်လှည့်လို့ရတဲ့အခြေအနေတွေကို
လည်းသူကိုယ်တိုင် ပစ်ပယ်ခဲ့တာပါ...

------------------------------------------------------------------------------------------------------------------------
 ဒီလိုနဲ့ တစ်ညမှာ စခန်းပြောင်းရပါတယ်။ စက်လှေနဲ့ သံလွင်မြစ်အပေါ် ဘက်ကို ဆန်တက်ရပါတယ်။ လက်ထိပ်ခတ်ထားပြီး မျက်နှာ အ၀တ်စီးထား မထားကိုတော့ မမှတ်မိတော့ ပါဘူး။ အစောင့်ရဲဘော်တွေရဲ့ပြောစကားအရ ဒါးခွင် ကျောင်းသား စစ်ကြောရေး  စခန်းလို့သိရပါတယ်။ အဲဒီမှာလည်း ခွေးအိမ်လေးနဲ့ပဲ ဆက်နေရပါတယ်။ ထူးခြားတာကတော့ အရင်လို ပိတ်လှောင်မထားတော့ဘဲ အလုပ်တွေထုတ်ခိုင်းလာပါတယ်။ ကျွန်တော်နဲ့ ဆရာနေ၀င်းအောင်အပြင် အခြားနှစ်ယောက်ဖြစ်တဲ့ ကိုထင်ကျော်(၂၁၀ တပ်ရင်းမှူး)နဲ့ မြင့်ဦး(ရွာသားလေး) ရှိနေတာလည်း နောက်ပိုင်းမှာ တွေ့လာရပါတယ်။
         အဲဒီဒါးခွင်စခန်းမှာပဲ ကျွန်တော့်ဘ၀မှာ မေ့လို့မရတဲ့ ညတစ်ညကိုဖြတ်သန်းခဲ့ရပါတယ်။ ကျွန်တော့်မှာ ရိုက်နှက်လို့သာ ၀န်ခံလိုက်ရတယ်။ အဖွဲ့အစည်းနဲ့ပတ်သက်ပြီး ဘယ်လိုမှ စိတ်မချမ်း သာပါဘူး။ စဖမ်းစဉ် အချိန်ကတည်းက ဥက္ကဌ ကိုနိုင်အောင်ကိုကျွန်တော်သေသေချာချာပြောခဲ့ပါ တယ်။ စတင်စစ်ဆေးစဉ်မှာ လည်း ကျွန်တော်အတန်တန်တောင်းပန်ပြီး မဟုတ်တာကြီးကို မပြောပါ ရစေနဲ့လို့ ခဏခဏအသနားခံ ပါ တယ်။ သေချာခွဲခြားနိုင်ရင် ကျောင်းသားနဲ့ ထောက်လှမ်းရေးဆိုတာ ကွဲကွဲပြားပြား သိသာနိုင်ပါတယ်။ ဘယ်ထောက်လှမ်းရေးမှ ကုလားသေ ကုလားမောမအိပ်တတ်သလို ရုပ်ပျက်ဆင်းပျက် အမူးလွန်အောင် လည်း မသောက်ကြဘူးလို့ကျွန်တော်ထင်ပါတယ်။ (ကျွန်တော်နဲ့ ကိုလှဌေး(မြောက်ပိုင်း)ခရီးရှည်အတူတူ အကြာကြီးသွားဖူးပါတယ်။ ကျွန်တော် အိပ်ရေးကြီးတာသူသိသလို သူမူးတတ်တာကိုလည်း ကျွန်တော်သိပါ တယ်။) အခွင့်အရေးရရင် ကျွန်တော်တို့မဟုတ်ကြောင်း ပြောဖို့ အမြဲစိတ်ကူးရှိပါတယ်။

 ဆရာနေ၀င်းအောင်ကတော့ အဲလိုမလုပ်ဖို့တားပါတယ်။ အပြင်မှာအလုပ်လုပ်ကြရင်းကျွန်တော်တို့ချင်း ခိုးပြီး စကားပြောဖြစ်ပါတယ်။ တစ်ခါတစ်လေမိသွားလည်း အဆဲခံ အငေါက်ခံရပါတယ်။
          တစ်ညတော့ ကျွန်တော်စောင့်နေတဲ့ အခွင့်အရေးရလာပါတယ် ။ အဲဒီညက နိုင်ငံခြားသူတစ် ယောက် စခန်းကိုရောက်လာပြီး ကျွန်တော်တို့ကို တစ်ဦးချင်း မှတ်တမ်းဗီဒီယိုရိုက်ပါတယ်။ ကိုနိုင်အောင်လည်း ပါလာပါတယ်။ ကျွန်တော့်အလှည့်ပြီးတော့ ကိုနိုင်အောင်က ပြန်မပို့ခိုင်းသေးဘဲ စားစရာတွေကျွေးပါတယ်။ "ညီလေးစိုးလင်း မင်းကြည့်ရတာ တစ်ခုခုချန်ထားသလိုပဲ ရန်သူဖြစ်ပေမယ့် မင်းကိုငါ သံယောဇဉ်ရှိပါတယ်။ ပွင့်ပွင့်လင်းလင်းပြောကွာ အစ်ကိုနားထောင်မယ်"လို့ ကိုနိုင်အောင် ပြောလာပါတယ်။ အဖွဲ့အစည်းရဲ့အကြီးဆုံးပုဂ္ဂိုလ်၊ စဉ်းစားဆင်ခြင်ဥာဏ်ပြည့်ဝတဲ့၊ စီမံခန့်ခွဲမှုအား ကောင်းတဲ့ ဥက္ကဌ။ ဒီအခွင့်အရေးကို ကျွန်တော် လက်လွှတ်မခံနိုင်ပါဘူး။ ကျွန်တော်ရန်သူ့လူမဟုတ်တဲ့အကြောင်းနဲ့ ဒီကိစ္စတွေမှာ တစ်ခုခုတော့ မှားယွင်းနေပြီဖြစ်တဲ့အကြောင်း ပြောပါတယ်။ ပြောရင်း မျက်ရည်လည်း ကျမိ ပါတယ်။ အကျိုးဆက်ကတော့ လက်ထိပ်ကြိုးတန်းလန်းဆွဲပြီး တစ်ညလုံးနီးပါး အရိုက်ခံရတာပါပဲ။ (မြောက်ပိုင်းပြန်တွေဆုံကြတော့ ကိုသိန်းထွန်းလည်း အလားတူဖြစ်ရပ်နဲ့ခံခဲ့ရ ကြောင်း သိရပါတယ်။ ကိုညီညီကတော့ ကိုနိုင်အောင့် ပရိယာယ်ကို ရှောင်နိုင်ခဲ့ကြောင်းပြောပါတယ်။) ကျွန်တော့ ရည်ရွယ်ချက်က အနည်းဆုံးအရိုက်ခံရမယ်။ အခန့် မသင့်ရင်အသတ်တောင်ခံရနိုင်တဲ့လူတစ်ယောက်ကဘာလို့ ဒီလိုပြော လာသလဲဆိုတာကိုနိုင်အောင်သေချာသုံးသပ်စေချင်လို့ပါ။ ပြန်စဉ်းစားကြည့်တော့ ဒီလမ်းကြောင်းကို ဘာဖိအားပေးမှုမှမခံရဘဲကိုနိုင်အောင်ဖာသာရွေးချယ်ခဲ့တာပါ။ ပြန်လှည့်လို့ရတဲ့အခြေအနေတွေကို
လည်းသူကိုယ်တိုင် ပစ်ပယ်ခဲ့တာပါ။ ( ၁၉၉၃ လောက်က အဖွဲ့အစည်းတချို့ကနေ ကျွန်တော်၊ ဆရာနေ၀င်းအောင် တို့ နဲ့ပတ်သက်ပြီး ကိုနိုင်အောင့်ဆီကို စာတွေ ပို့ခဲ့ကြတယ်လို့ ပြန်ကြားခဲ့ရပါတယ်။)
          ဒီလိုနဲ့ ထောင်စကားနဲ့ပြောရရင် ကျွန်တော် တိုက်ပိတ်ခံခဲ့ရပါတယ်။ ကာလတစ်ခုအထိ အပြင် မထွက်ရတော့ပါဘူး။ ကျွန်တော့်ကိုခင်တဲ့ ရဲဘော်ဖိလစ်(တပ်ရင်း ၃၀၃)ကတော့ မင်းကွာ အေးအေး   ဆေးဆေးမနေဘူး၊ အလကားအသားအနာခံပြီး လျှောက်ပြောနေတယ်လို့ ကရုဏာဒေါသောနဲ့ပြောပါ တယ်။ နောက်တော့လည်း အလုပ်တွေပြန်ပြီးခိုင်းပါတယ်။ အဲဒီစခန်းမှာရှိစဉ် ထူးထူးခြားခြားတွေ့ခဲ့ရ တဲ့ အပြင်လူတွေလည်းရှိပါတယ်။ တစ်ရက် .. ကျွန်တော်သံလွင်မြစ်ထဲဆင်းရေထမ်းပေးရင်းနဲ့ မသက်သက်လွင် (တပ်ရင်း ၆၀၁)နဲ့ ဆုံပါတယ်။ ကျွန်တော့်ကျန်းမာရေးကို လာစစ်ဆေးပေးတဲ့ ဒေါက်တာမြင့်ချိုကိုလည်း တွေ့ ရပါ တယ်။ ဒီတစ်ခါတော့ ကျွန်တော် ဘယ်သူ့ကို ဘာစကားမှမပြော ရဲတော့ပါဘူး။

ဆရာနေ၀င်းအောင်ပြောတဲ့ သူတို့က မရတော့ဘူး၊ မကြိုးစားနဲ့တော့ဆိုတဲ့စကားကို လက်ခံလိုက်ပါပြီ။ ကျွန်တော်လေးစားတဲ့ ဒေါက်တာမြင့်ချိုကို ရင်ထဲမှာပဲ စကားတွေအများကြီးပြောပစ်လိုက်ပါတယ်။
          နောက်တော့ ကျွန်တော်နဲ့ ဆရာနေ၀င်းအောင်ကို အခိုင်အခံ့ဆောက်ထားတဲ့ မျက်နှာချင်းဆိုင် အခန်းကျယ်တွေနဲ့ပြောင်းထားပါတယ်။ ကိုထင်ကျော်နဲ့ မြင့်ဦးကိုတော့ ဘယ်လိုထားတယ်မသိရပါ ဘူး။ အလုပ်လုပ်ရင်တော့ သူတို့ကိုတွေ့ရပါတယ်။ အထူးပြောစရာရှိတဲ့အလုပ်တွေက  ကျွန်တော်က သူတို့အ၀တ် အစားတွေလျှော်ပေးရပြီး ဟင်းချက်ကောင်းတဲ့ဆရာက သူတို့စားဖိုမှူးလုပ်ပေးရတာပါပဲ။ ဒီလိုနဲ့ တစ်ရက်မှာ ကျွန်တော်နဲ့ ဆရာနေ၀င်းအောင်ကို ဒါးခွင် ကျောင်းသားဗဟိုမှာရှိတဲ့ တရားရုံးကို စက်လှေနဲ့ခေါ်သွားပြီး အလုပ်နဲ့ထောင်ဒဏ် ၁၀ နှစ်စီ ချမှတ်လိုက်ပါတယ်။ ၁၉၉၂ မေလ ၃၁ ရက်စွဲနဲ့ ကိုနိုင်အောင် လက်မှတ်ရေး ထိုးထုတ်ပြန်ခဲ့တဲ့ စာကိုဖတ်ကြည့်မှ သူမပိုင်တဲ့ မြောက်ပိုင်းက ကျွန်တော်တို့နဲ့ဘ၀တူတွေအပေါ်သဘောထားနဲ့သူပိုင်တဲ့ဗဟိုကကျွန်တော်တို့အပေါ်သဘောထားကို ကောင်းကောင်းကြီးနားလည်လိုက်ရပါတယ်။
(ကျနော်တို့ ဘယ်လိုထွက်ပြေးလွတ်မြောက်ခဲ့ရတယ်ဆိုတာကို နောက်အပိုင်းမှာဆက်ရေးပါအုံးမယ်။ )
soe lynn facebook မှကူးယူဖော်ပြသည်။

2 comments:

လင်္ကာ said...

Ko Oo စိုးလင်းရေ၊ဖြစ်နိုင်ရင်ခင်ဗျားကိုအဓိကစစ်ဆေးခဲ့ကြတဲ့ကိုလှဌေး၊ကချင်ကျော်ကျော်၊ကိုမျိုးဝင်း၊မိချမ်းနှင့်ကိုနိုင်အောင်တို့နဲ့ခင်ဗျားအမှတ်တရရှိခဲ့တဲ့သူတို့ရဲ့ဆက်ဆံရေးနှင့်ပြောစကားတွေကိုရေးပြနိုင်မယ်ဆိုရင်သိပ်ကြားချင်တယ်၊ဘာဖြစ်လဲဆိုတော့ကျနော်တို့ကတစ်ဦးချင်းစီအပေါ်မှာလေ့လာသုံးသပ်ချင်လို့ပါ၊ကိုဌေးနိုင်ပါတယ်လို့ခင်ဗျားပြောလိုက်ရတဲ့နေ့ကစစ်ကြောရေးဝင်တာဘယ်သူတွေလဲသိချင်တယ်၊
Yesterday at 11:54 · 1
Soe Lynn စစ်ကြောရေးဝင်တဲ့ကာလတလျှောက်လုံးစခန်းမှာရှိနေတာကကိုလှဌေး ၊ ကျော်ကျော်( မပ)နဲ့ ခင်မောင်ဆွေ။ဌေးနိူင်ကိုပြောတဲ့နေ့ ကသူတို့ ပဲရှိတယ် အသေးစိတ်တော့ကျနော်အဖမ်းခံနေ၇လို့ မသိရဘူး။သူတို့ နဲ့ ပက်သက်ပြီး အခါသင့်ရင်ရေးမှာပါ။စခန်းမှာကိုနိူင်အောင်၂ခါ ၊ကိုမျိုးဝင်း(မင်းသမိး)၁ခါ လား ပဲတွေ့ ခဲ့ရတယ်။

လင်္ကာ said...

Moe Zaw Aung ကိုစိုးလင်းခင်ဗျာ...ဘယ်လိုဖြစ်လို့ ကိုဌေးနိုင်အဖမ်းခံရပြီးသုတ်သင်ခံရသလဲဆိုတာသိချင်ပါတယ်။ကိုနေ၀င်းအောင်မနေ့တနေ့ကပိတ်ထားတဲ့နံရန်ထဲကိုဝင်ဘို့ကြိုးစားခဲ့တယ်၊ဖြစ်နိုင်ရင်အာမခံပေးမဲ့သူလေးနဲ့ဝင်လာခဲ့ပါ၊ကျနော်တို့ကြိုဆိုနေပါ့မယ်၊ခင်ဗျာတို့လွတ်မြောက်ဘို့အတွက်ကျုပ်တို့တက်နိုင်သလောက်ပြင်းပြင်းထန်းထန့်ကန့်ကွက်ခဲ့ဘူးပါတယ်။တကယ်လို့ ရန်သူ့လူဖြစ်ခဲ့ဦး၊ လွှတ်ပေးဘို့ပါ။ကိုစိုးလင်း၊ကိုနေ၀င်းအောင်ဆိုရင် ကိုဌေးနိုင်နဲ့တွဲနေတာကိုမြင်မိတယ်။သေတဲ့လူကသေခဲ့ပြီးဒါပေမဲ့ ကျနော်တို့ကတော့အမှန်တရားကိုမြတ်နိုးတယ်၊အဖြစ်မှန်အားလုံးကိုသိချင်သေးတယ်။