Thursday, February 2, 2012

ဗကသ

အခု ဒီည ဆွေးနွေးမယ့် အဓိကအကြောင်းအရာကတော့ လက်ရှိ ဒီပွင့်လင်းမှုအချို့ မြင်လာ ရတဲ့ မြန် မာ့နိုင် ငံရေး အခြေအနေအောက်မှာ ကျောင်းသားသမဂ္ဂရဲ့ လှုပ်ရှားမှုတွေကို ကျနော်တို့ ဆွေးနွေး မှာ ဖြစ် ပါတယ်။ 
အသင်းအပင်း သမဂ္ဂ လွတ်လပ်စွာဖွဲ့စည်းခွင့်၊ လွတ်လပ်စွာ ရပ်တည်လှုပ်ရှားခွင့်ဆိုတာ ဒီမိုကရေစီစနစ်ရဲ့ စံနှုန်းစံထားတခု ဖြစ်ပါတယ်။ အဲဒီတော့ အခု ဒီမိုကရေစီ အသွင်ကူးပြောင်းရေးလုပ်နေပြီဆိုတဲ့ အခြေအနေမှာ ဘာပဲပြောပြော တနေ့နေ့ တချိန်ချိန်မှာ ဒီ သမဂ္ဂတွေ တရားဝင် ရပ်တည်ခွင့် ရပ်တည်လှုပ်ရှားနိုင်တဲ့ အခြေအနေ ဝန်းကျင်တွေ ရှိလာရမှာ ဖြစ်ပါတယ်။ အဲဒီတော့ အခုလက်ရှိ အခြေအနေနဲ့ ပတ်သက်ပြီးတော့ ကျောင်းသားသမဂ္ဂတွေ ဘယ်လောက်အထိ လှုပ်ရှားနိုင်မလဲ၊ ရပ်တည်နိုင် မလဲ၊ ကျောင်းသားအင်အားစုတွေရဲ့ သဘောထား ဘယ်လိုရှိလဲ၊ ဒါတွေကို ကျနော်တို့ ဆွေးနွေး မှာ ဖြစ်ပါတယ်။ အဓိက ပါဝင်ဆွေးနွေးပေးဖို့ ကျနော် နှစ်ဦးကို ဖိတ်ခေါ်ထားပါတယ်။

မကြာခင်က ပြန်လည်ဖွဲ့စည်းလိုက်တဲ့ ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် ဗဟိုစည်း ရုံးရေး ကော်မတီက ဥက္ကဋ္ဌ ကိုကျော်ကိုကို ရှိပါတယ်။ နောက်တဦးကတော့ ဒီ ဗဟိုစည်းရုံးရေးကော်မတီရဲ့ အထွေထွေအတွင်းရေးမှူး မဖြိုးဖြိုးအောင် ရှိပါတယ်ခင်ဗျ။

VOA ။ ။ ကိုကျော်ကိုကိုတို့ မကြာခင်ကပဲ ဗကသများအဖွဲ့ချုပ်ကို ပြန်ဖွဲ့လိုက်တယ်ဆိုတော့ ကျနော်သိချင်တာက ၂၀၀၇ ခုနှစ်က စပြီးတော့ ဒီရွှေဝါရောင်လှုပ်ရှားမှုကာလမှာ ဗကသ ကို မြေပေါ်ပြန်ပြီးတော့ ပြန်လည်ဖွဲ့စည်းခဲ့တာ ကိုကျော်ကိုကိုတို့ ဦးဆောင်ပြီးတော့ ဖွဲ့စည်းခဲ့တာပေါ့နော်။ အခုက ပြန်ဖွဲ့စည်းတယ်ဆိုတော့ ဒီအခြေအနေ နှစ်ရပ်က ဘာများကွာလဲခင်ဗျာ့။
ကိုကျော်ကိုကို ။ ။ ဒီအခြေအနေက ဘာကွာလဲဆိုတော့ ကျနော်တို့က ၂၀၀၇ ခုနှစ်မှာ ဖွဲ့စည်းခဲ့တဲ့ အခြေအနေမှာ ကျနော်တို့ ဖြိုခွဲခံရတယ်။ ကျနော်တို့ ကျောင်းသား တော်တော်များများကို အကျဉ်းချခံခဲ့ရတယ်။ အဲဒီ အကျဉ်းချခံရစဉ် ကာလမှာ ကျန်ရှိနေတဲ့ ကျောင်းသားတွေ က မြေအောက်အသွင် ပြန်ရောက်သွားပြီးတော့ ဆက်လက်လုပ်ဆောင်နေတယ်။ ဆက်လက် ကျနော်တို့ရဲ့ တာဝန်တွေကို ထမ်းဆောင်နေတယ်။ အခု ကျနော်တို့ ပြန်လွတ်လာပြီဆိုတဲ့အချိန်မှာ ယခင် အကျဉ်းကျခံခဲ့ရတဲ့ ပြန်လွတ်လာတဲ့ ကျောင်းသားခေါင်းဆောင်တွေနဲ့ အခု ဆက်လက် တာဝန် ထမ်းဆောင်နေတဲ့ ကျောင်းသားခေါင်းဆောင်တွေနဲ့ ပြန်လည်ပူးပေါင်းပြီးမှ ဖွဲ့စည်းပုံကို ပြင်ဆင်ပြောင်း လဲဖွဲ့ စည်း တာ ဖြစ်တယ်။ သမဂ္ဂကို ပြန်လည် reform လုပ်တယ်လို့ ကျနော် မြင်ပါတယ်။ ဒါ့ကြောင့်မို့လို့ ယခင် အခြေအနေနဲ့ အခု အခြေအနေက ပိုမို အားကောင်းလာတဲ့ အနေအထားရောက်ပြီလို့ ကျနော် ပြောလို့ရပါတယ်။

VOA ။ ။ ကိုကျော်ကိုကိုတို့ ကြေညာချက်ထဲမှာလည်း ကျနော် သတိထားမိပါတယ်။ တရားဝင် ကျောင်းသားသမဂ္ဂတရပ် ပေါ်ပေါက်ရေးဆိုတာ ပါပါတယ်။ လက်ရှိ ဗဟိုစည်းရုံးရေးကော် မတီအနေနဲ့ လုပ်သွားမယ်ဆိုတော့။ တရားဝင် ကျောင်းသားသ မဂ္ဂတရပ် ပေါ်ပေါက်ရေးဆိုတာ ဘယ်လိုပုံစံမျိုး တရားဝင်ပေါ်ပေါက်ရေးကို ပြောတာလဲခင်ဗျာ့။
ကိုကျော်ကိုကို ။ ။ သမဂ္ဂဆိုတဲ့သဘောမှာကတော့ လူ့အဖွဲ့အစည်းမှာ လူတွေ စုပေါင်းနေထိုင်တဲ့သဘောကို သမဂ္ဂလို့ခေါ်တယ်ဆိုရင် တူရာ တူရာ ဘဝတွေ ပေါင်းစည်းတာ မှန်သမျှကို သမဂ္ဂလို့ သတ်မှတ်လို့ရတယ်ဗျ။ ကျောင်းသားမှ မဟုတ်ပါဘူး အလုပ်သမား၊ လယ်သမား၊ ဈေးသူ၊ ဈေးသား၊ ခေါင်းရွက်ဗျက်ထိုး၊ ရှေ့နေ အစရှိတဲ့ လူတန်းစားတွေ လူ တူရာ တူရာ ဘဝတွေ ပေါင်းစည်းတာ သမဂ္ဂ၊ ကျနော်တို့ ကျောင်းသားတွေကိုလည်း လူ့အဖွဲ့အစည်းစတင်ပေါ်ပေါက် ကတည်းက လူတွေ ဒီလို တူရာ တူရာ ဖွဲ့စည်းလာသလို ကျောင်းသားတွေကလည်း အရင်ကတည်းကကို ကျောင်းသားသမဂ္ဂအဖြစ်နဲ့ သမိုင်းအစဉ်အဆက်က ဘယ်သူ့မှ တိုက်တွန်းစရာမလိုဘဲနဲ့ ဘယ်အဖွဲ့အစည်းမှ တိုက်တွန်းလို့ ဖြစ်ပေါ်လာတာမျိုးမဟုတ် ဘဲနဲ့ ကျောင်းသားသမဂ္ဂအဖြစ် ဖွဲ့စည်း တည်ထောင်လာခဲ့တယ်။ သမဂ္ဂတရားဝင် ရပ်တည်ခွင့် ရှိခဲ့တယ်။ နောက်ပိုင်း အဆက်ဆက် အစိုးရတွေက နှိပ်ကွပ်လို့ပဲ ဖြစ်စေ၊ အမျိုးမျိုး အဖုံဖုံ ဒုက္ခပေးလို့ ပဲ ဖြစ်စေ၊ တရားမဝင်သတ်မှတ်ပြီးတော့ ကျနော်တို့ကို အသိအမှတ် မပြုခဲ့ဘူး။ ဒါပေမယ့် ဥပဒေတစ်ခုရဲ့အောက်မှာတည်ရှိမှ သမဂ္ဂတရပ် တည်ခွင့်ရတာ မဟုတ်ဘူးဗျ။ လူ့အဖွဲ့အစည်း အကျိုးစီးပွားရှိဖို့လုပ်နေတဲ့ အလုပ်မှန်သမျှဟာ တရားဝင်တဲ့အလုပ်လို့ သတ်မှတ်မယ်ဆိုရင် ကျနော်တို့ ကျောင်းသားသမဂ္ဂရဲ့ ရပ်တည်မှုဟာ ဒီနေ့လည်း တရားဝင်တယ်၊ နောက်နေ့လည်း တရားဝင်တယ်၊ နောင်တချိန် နောင်တခေတ် အနာဂတ်မှာလည်း တရားဝင်တယ်။ ကျနော်တို့ဆိုနေကျစကားအတိုင်းပဲ ကျောင်းသားသမဂ္ဂတွေ ခေတ်အဆက်ဆက် ကျောင်းသားထုရဲ့ကြားမှာ တရားဝင်နေတယ်ဆိုတဲ့ အနေအထားမျိုးလည်း ကျနော်တို့ ဆက်လက် ရပ်တည်သွားမှာပါ။ အခုအချိန်မှာ ရပ်တည်ရေးအတွက် ဖွဲ့စည်းတယ်ဆိုတာဟာ သဘောတရားအားဖြင့်တော့ ပိုမိုကျယ်ပြန့်စွာ လွတ်လွတ်လပ်လပ် လုပ်ဆောင်နိုင်ဖို့အတွက် ဖွဲ့စည်းတယ်လို့ဆိုမှ မှန်မယ်ထင်ပါတယ်။

VOA ။ ။ အခု ကိုကျော်ကိုကိုတို့အနေနဲ့ ဗဟိုစည်းရုံးရေးကော်မတီ ဖွဲ့လိုက်ပြီဆိုတော့ တခြား ကျောင်းသားအင်အားစုတွေ အရင် ဒီ ၂၀၀၇ ခုနှစ်မှာ ပါဝင်ခဲ့ကြတဲ့ ကျောင်းသားတွေလည်း ရှိပါလိမ့်မယ်။ ဒီကျောင်းသားတွေနဲ့ ကျယ်ကျယ်ပြန့်ပြန့် ဖွဲ့စည်းနိုင်ဖို့ စုစည်းနိုင်ဖို့ ရော ဘယ်လောက် စဉ်းစားချက်ရှိပါလဲ။ ဘယ်လိုရည်မှန်းထားတာ ရှိပါသလဲ။
ကိုကျော်ကိုကို ။ ။ ရှိပါတယ်။ ကျနော်တို့က အခုအချိန်မှာ ကျယ်ကျယ်ပြန့်ပြန့် ဖွဲ့စည်း စုစည်းနိုင်ဖို့အတွက်ကို လက်ငင်း တာဝန်တွေကိုလည်း ထမ်းဆောင်ရမှာ ဖြစ်တယ်၊ ရေရှည်တာဝန်တွေ ကိုလည်း ထမ်းဆောင်ရမှာဖြစ်တယ်။ လက်ငင်း တာဝန်အနေနဲ့က သမဂ္ဂရဲ့လှုပ်ရှားမှုကို အခုလို ပိုမို ကျယ်ကျယ်ပြန့်ပြန့် လွတ်လွတ်လပ်လပ်ဖြစ်စေဖို့အတွက် နည်းလမ်းမျိုးစုံ ရှာဖွေစဉ်းစားပြီးတော့ ကျနော်တို့ စည်းရုံးရေးလုပ်ငန်းတွေ ဆက်လုပ်ရမှာ ဖြစ်ပါတယ်။ ကျန်ရှိနေကြတဲ့ နိုင်ငံရေးအကျဉ်းသားတွေအားလုံး လွတ်မြောက်ရေးအတွက်လည်း တောင်းဆိုရင်းနဲ့ ကျနော်တို့ စည်းရုံးရေးတွေကို စတင် ဆောင် ရွက်သွားမှာ ဖြစ်ပါတယ်။ ရေရှည်တာဝန်တွေအနေနဲ့ကတော့ နယ်အသီးသီးမှာ သမဂ္ဂတွေ ဖွဲ့စည်းနိုင် ဖို့ ဒေသခံ ကျောင်းသားသမဂ္ဂတွေ ဖွဲ့စည်းနိုင်ဖို့ တိုင်းရင်းသား ကျောင်းသား သမဂ္ဂတွေ ပေါ်ပေါက်နိုင်ဖို့အတွက် လှုံ့ဆော် ဆောင်ရွက်ကြမှာ ဖြစ်တယ်။ ကျောင်းသားအားလုံးပါဝင်နိုင် တဲ့ ကျောင်းသားညီလာခံကြီး ပေါ်ပေါက်လာပြီး မဲဆန္ဒနဲ့ ရွေးကောက်တင်မြှောက်တဲ့ ကျောင်းသား သမဂ္ဂ ပေါ်ပေါက်လာဖို့လည်း ကျနော်တို့ ဆက်လက်ဆောင်ရွက်သွားမှာ ဖြစ်ပါတယ်။ ဒါကတော့ ရေရှည် တာဝန် သဘောပါ။

VOA ။ ။ ကျနော် မဖြိုးဖြိုးအောင်ကိုလည်း မေးချင်ပါတယ်။ မဖြိုးဖြိုးအောင်က ဗဟိုစည်းရုံးရေးကော်မတီရဲ့ အတွင်းရေးမှူးဆိုတော့ မဖြိုးဖြိုးအောင် အရင်ဆုံး ကျောင်းသားသမဂ္ဂ အခုလို ဗဟိုစည်းရုံးရေးကော်မတီမှာ စပြီးတော့ ဖွဲ့စည်းပြီးတော့ ပါလာတယ်။ ဘယ်လို စိတ်ကူးစိတ်သန်းမျိုးတွေ ရှိပါသလဲ။
မဖြိုးဖြိုးအောင် ။ ။ ကျမတို့ ကျောင်းသားသမဂ္ဂကို ခုန ကိုကျော်ကိုကို ပြောသွားသလို ကျောင်းသားရှိရင် သမဂ္ဂရှိရမယ်၊ ပါလီမန်ရှိရင် သမဂ္ဂရှိရမယ်။ ကျောင်းသားသမဂ္ဂက ခေတ်အဆက် ဆက် ကျောင်း သားထုကြားမှာ ပြည်သူကြားမှာ တရားဝင်တယ်။ ကျမတို့ အခု တရားဝင်ရပ်တည်နိုင်ရေးဆိုတာက အာဏာ ပိုင်တွေဆီမှာ မှတ်ပုံတင်ရမယ့်ကိစ္စမျိုးကို ဆိုလိုတာမျိုး မဟုတ်ပါဘူး။ ကျမတို့ သမိုင်းအစဉ်အလာအတိုင်း ဆက်လက်ပြီးတော့လည်း ရပ်တည်သွားမှာပါ။ လက်ရှိ ဗဟိုစည်းရုံးရေးကော်မတီအနေနဲ့ မှတ်ပုံတင်ဖို့ မဆုံးဖြတ် ထားရသေးပါဘူး။ နောက် ကျောင်းသားညီလာခံ ခေါ်ယူပြီးတော့ ရွေးကောက် တင်မြှောက်တဲ့ ကျောင်းသားသမဂ္ဂမှသာလျှင် သူက ဆုံးဖြတ်ရမှာပါ။

VOA ။ ။ လေလှိုင်းပေါ်မှာ နောက်တစ်ဦးလည်း ရှိပါတယ်။ ကိုရဲမော်ထူး အမေရိကန် ပြည်ထောင်စုကပါ။ ကိုရဲမော်ထူးဟာလည်း အရင်တုန်းက ကျောင်းသားသမဂ္ဂလှုပ်ရှားမှုတွေမှာ ပါဝင်ခဲ့သူဆိုတော့ ကိုရဲမော်ထူး ကြားရမယ် ထင်ပါတယ်။ ကိုရဲမော်ထူး အခု ဗကသ ဗဟိုစည်းရုံးရေးကော်မတီ သူတို့ ပြန်ဖွဲ့ တယ်၊ ကျောင်းသားလှုပ်ရှားမှုတွေ ဘာပဲပြောပြော ဗကသ မြေပေါ်မှာ ပြန်ပြီးတွေ့လာရပြီ။ ဒီအခြေအနေ ပတ်သက်လို့ ဘယ်လောက်အထိ လုပ်လာနိုင်မလဲ။ ဒီအခြေအနေ အပေါ်မှာ ကိုရဲမော်ထူး ဘယ်လိုမြင်လဲခင်ဗျ။
ကိုရဲမော်ထူး ။ ။ ကျောင်းသားသမဂ္ဂ ဒီ လှုပ်ရှားမှုတွေနဲ့ပတ်သက်ပြီးတော့ အခု ရောက်ရှိနေတဲ့ အခြေအနေနဲ့ ပတ်သက်ပြီးတော့ ခုန ကိုကျော်ကိုကို ပြောသလို စိတ်တိုင်းကျမှု မဖြစ်သေးဘူး။ စိတ်တိုင်းကျ ဒီ ကျောင်းသားတွေရဲ့ အလွတ်လပ်ဆုံး လွတ်လပ်တဲ့ အခြေအနေမျိုးအထိကိုတော့ မရောက်သေးဘူးပေါ့။ ဗမာပြည်မှာ ဒီ ခေတ်နှစ်ခေတ်လို့ ပြောလို့ရတဲ့ ဖဆပလ ခေတ်၊ နောက်ပြီးတော့ ဒီဘက်က စစ်အာဏာစနစ်ခေတ်လို ခေတ်နှစ်ခေတ်မှာ ရှိခဲ့တယ်။ ဒီခေတ်နှစ်ခေတ်မှာ ဟို ဖဆပလ ခေတ်မှာတော့ ကျောင်းသားသမဂ္ဂ လှုပ်ရှားမှုတွေက အတော်ကို ကျယ်ကျယ်ပြန့်ပြန့် နိုင်တယ်။ ဒီဘက် မဆလခေတ် ဒီ စစ်အာဏာရှင်စနစ် ဒီဘက်နောက်ပိုင်းထိကာလပေါ့။ အခု ဦးသိန်းစိန်အစိုးရ လက်ထက် အထိပေါ့။ ဒီကာလအထိမှာတော့ ဒီကျောင်းသားသမဂ္ဂလှုပ်ရှားမှုတွေက အင်မတန် ပျောက်ကွယ်လုနီးနီး ဖြစ်သွားပြီးတော့ မြေအောက်လှုပ်ရှားမှု နိုင်ငံရေးပုံသဏ္ဌာန်နဲ့ ဖြစ်လာခဲ့တယ်။ အဲဒီတော့ ဦးသိန်းစိန်အစိုးရရဲ့ နိုင်ငံရေး ရပ်တည်ချက်ဆိုတာ ခုနပြောတဲ့ ကိုကျော်ကိုကို ပြောသလိုမျိုး ဒီ တရားဝင်ခြင်း မဝင်ခြင်းဆိုတာ သူတို့ဆီကနေပြီး ကျနော်တို့က ပြောစရာမလိုဘူးပေါ့နော်၊ ကျနော်တို့က သာလျှင် ကျောင်းသားသမဂ္ဂကသာလျှင် သူတို့ရဲ့ အသိအမှတ်ပြုမှု သူတို့ကို ဒီ တရားဝင်ခြင်း မဝင်ခြင်းဆိုတာကို ကျောင်းသားသမဂ္ဂကသာလျှင် ဆုံးဖြတ်ရလိမ့်မယ်လို့ ထင်တယ်။ ဘာဖြစ်လို့လဲဆိုတော့ ဦးသိန်းစိန် အစိုးရရဲ့ ဒီမိုကရေစီ ရေခံမြေခံ ဘယ်လောက်ကောင်းသလဲ မကောင်းသလဲ ဆိုတာကို ကျနော်တို့ ကျောင်းသားသမဂ္ဂ ရှိခြင်း မရှိခြင်း၊ ကျောင်းသားသမဂ္ဂရဲ့ ဘယ်လောက် လွတ်လွတ်လပ်လပ် လှုပ်ရှားနိုင်မလဲ ဆိုတဲ့ အခြေခံအပေါ်မှာ မူတည်ပြီးတော့ ဒီအစိုးရဟာ ဒီမိုကရေစီကို ဖော်ဆောင်သလား မဖော်ဆောင်ဘူးလား ဒါ တိုင်းတာရမှာဖြစ်တဲ့အတွက် ကျနော်ကသာလျှင် သူတို့ဟာ အသိအမှတ်ပြုခြင်း ခံရ မခံရဆိုတာ ကျနော်တို့ ဆုံးဖြတ်ရမှာ ကျောင်းသားသမဂ္ဂက ဆုံးဖြတ်ရမှာပါ။

VOA ။ ။ ကျနော် ဒါနဲ့ တဆက်တည်း မဖြိုးဖြိုးအောင်ကို မေးချင်ပါတယ်။ မဖြိုးဖြိုးအောင် ခုနက ပြောသွားတဲ့ လက်ရှိတော့ မှတ်ပုံတင်မှာ မဟုတ်ဘူး။ ကျောင်းသားသမဂ္ဂဆိုတာ တရားဝင် ရပ်တည်ခွင့်ရှိတယ်။ ရပ်တည်သွားမှာပဲ။ အဲဒီတော့ လက်ရှိ ဗကသ ဗဟိုစည်းရုံးရေးကော်မတီဖွဲ့ကြောင်း ကြေညာပြီး တဲ့ နောက်ပိုင်းမှာ ကျောင်းသားတွေရဲ့ တုံ့ပြန်ချက်၊ အာဏာပိုင်တွေရဲ့ တုံ့ပြန်ချက် ဘယ်လိုရှိသလဲ ခင်ဗျာ့။
မဖြိုးဖြိုးအောင် ။ ။ လက်ရှိတော့ အာဏာပိုင်တွေရဲ့ တုံ့ပြန်ချက်ကိုတော့ ဘာမှ ကျမတို့ မသိရသေးပါဘူး။ ကျောင်းသားတွေကတော့ လက်ရှိကျောင်းသားတွေကတော့ ဒီ ကျောင်းသားတော်တော် များ ပြန်ပြီးတော့ ပူးပေါင်းပါဝင်လာကြတာ သူတို့ ပြန်ပြီးတော့ လုပ်ရဲကိုင်ရဲ ဖြစ်လာကြတာလေးတွေ တွေ့ လာရပါတယ်။

VOA ။ ။ ကျနော်တို့ ဒီမတိုင်ခင်မှာ ၂၀၀၇ ခုနှစ်တုန်းကတော့ ကျောင်းသားလူငယ်တွေ တော်တော်များများ ထွက်ပါတယ်။ ဒါပေမယ့် ဒီကြားကာလမှာ သတိထားမိတာက ကျောင်းသားလူငယ်တွေ တော်တော် များများက နိုင်ငံရေးနဲ့ပတ်သက်လို့က ခြိမ်းခြောက်ခံရတယ်။ နောက် ကျောင်းတွေကို ခွဲထုတ်နေတဲ့ အခါကျတော့ နိုင်ငံရေးနဲ့စာရင် တခြားဟာတွေကို စိတ်ဝင်စားနေတဲ့အခါကျတော့ အခုအချိန်မှာရော ဘယ်လောက်အထိ နိုင်ငံရေး၊ အထူးသဖြင့် ကျောင်းသားသမဂ္ဂအရေးကို စိတ်ဝင်စားမှု ရှိနိုင်ပါ့မလဲ။
မဖြိုးဖြိုးအောင် ။ ။ အခုအချိန်မှာတော့ ကျမတို့ အနီးစပ်ဆုံးဆိုရင် ဒီ ကျောင်းသားသမဂ္ဂအလံကို ရင်ထိုးပုံစံတွေ လုပ်တဲ့ဟာကို ကျောင်းသားတော်တော်များများက ဒီအလံလေးတွေကို စိတ်ဝင်စားကြတယ်။ သူတို့ရင်ဘတ်မှာ တပ်ဆင်ဖို့ကို သူတို့ အရမ်းလိုလားကြတယ်။ အဲဒါကို ကြည့်ခြင်းအားဖြင့် ကျောင်း သားတွေ ရဲ့ ရင်ထဲမှာ ကျောင်းသားသမဂ္ဂက ရှိနေတယ်၊ ရှိနေတုန်းပဲ၊ ရှိနေဆဲ နောင်လည်း ရှိဦးမယ်ဆို တာကို ကျမတို့ ဒါက မြင်သာထင်သာတာပဲပေါ့။ ဒီကျောင်းသားသမဂ္ဂကို သူတို့အနေနဲ့ လိုလိုလားလားကို ပါဝင်ချင်ကြတယ်ဆိုတာ ကျမတို့ တွေ့နေရပါတယ်။

VOA ။ ။ ကျနော်တို့ လေလှိုင်းပေါ်မှာ နောက်တစ်ဦးရှိပါတယ်၊ ကိုမောင်မောင်လွင်။ ကိုမောင်မောင်လွင်က အမေရိကန်ပြည်ထောင်စုကပါ။ ကိုမောင်မောင်လွင် ဆွေးနွေးပေးလို့ရပါတယ်ခင်ဗျာ့။
ကိုမောင်မောင်လွင် ။ ။ ကျနော့်အနေနဲ့ ဗကသ ဖွဲ့စည်းတဲ့ကိစ္စကို ကျနော်ကလည်း သဘောတူတယ်ပေါ့။ ဒါပေမယ့် ကျနော်တို့ တက္ကသိုလ်ကျောင်းသားဘ၀ ၁၉၈၀ ခုနှစ် ပတ်ဝန်းကျင်တွေ ၈၅၊ ၈၆ ကာလတွေတုန်းကတော့ ကျနော်တို့ ဗကသ ဆိုတာတွေကတော့ ကျနော်တို့ ရှေးတုန်းကပြောတဲ့ ဟာတွေကိုပဲ သမိုင်းအထောက်အထားတွေနဲ့ကျနော်တို့က သိခဲ့ရပြီးတော့ နောက် ဗကသတွေရဲ့ ကျနော်နားလည်သလောက်ကတော့ ဗကသ အဓိက စပြီးမြစ်ဖျားခံလာတာ ကိုလိုနီခေတ် ဗမာ့လွတ် လပ်ရေး ကြိုးပမ်းမှုကာလကနေ စတာကိုး။ အဲဒီတော့ ကျောင်းသားအစဉ်အဆက်တွေကလည်း ဗကသတွေကနေတဆင့် ကျောင်းသားထုကိစ္စတွေကနေတဆင့် နိုင်ငံရေးတွေမှာ အများဆုံးဆက်နွယ် သွားကြတာ။ ကျနော်ကတော့ အခုလက်ရှိ ဗကသ ဖွဲ့တဲ့ ကျနော်တို့ ညီလေးတွေ ညီမလေး တွေပေါ့နော် သူတို့ကို ကျနော်ကတော့ မေတ္တာရပ်ခံချင်တာ လောလောဆယ်မှာ သူတို့လုပ်တာကို ကျနော် အားပေးတယ်။ သို့သော်လည်း ဒါနဲ့ပတ်သက်လို့ အခုလက်ရှိမှာ အုပ်ချုပ်နေတဲ့ အာဏာပိုင်တွေကို တရားဝင်သဘောမျိုး ခွင့်တောင်းသင့်တယ်ပေါ့။ ဆိုလိုတာက အသင်းအပင်းဆိုင်ရာ ဒီကျနော်တို့ မြန် မာပြည်မှာက တော်တော်ဆိုးတဲ့ပြဿနာက အသင်းအပင်းဆိုင်ရာ မှတ်ပုံတင်ရေး ဆိုတဲ့ဟာက သူတို့က မလိုရင် မလိုသလို ဒါတွေက သူတို့အရေးယူလို့ရတယ်။ ကျနော်တို့ အစဉ်အဆက်ကလည်း ဒီ ဗကသ ဖွဲ့စည်းတဲ့ကိစ္စနဲ့ပတ်သက်ပြီးတော့ စတေးခံခဲ့ရတဲ့ပုဂ္ဂိုလ်တွေကလည်း ဒီ ၆၂ ခုနှစ်ကနေပြီးတော့ ဒီနေ့ထက်ထိဆိုရင် မရေမတွက်နိုင်အောင် အသက် သွေးချွေးတွေ အများကြီး ပေးခဲ့ကြရတာပေါ့။ ကျနော်တို့က ရှေ့လျှောက်ကိုလည်း မလိုလားအပ်တဲ့ ထိပ်တိုက်တွေ့မှုတွေ မဖြစ်စေချင်ဘူး။ ဗကသနဲ့ပတ်သက်လို့ ကျနော်တို့ကတော့ ရှိနေတဲ့ ကျနော်တို့က လူကြီးပိုင်းတွေရောက်နေပေမယ့်လည်း ဒီဟာ ဖွဲ့စည်းတာအတွက်ကို ကျနော်တို့ အပြည့်အဝ ထောက်ခံပါတယ်။ ဒီဟာနဲ့ပတ်သက်လို့ ကျနော်တို့လည်း တတ်နိုင်သမျှ ပံ့ပိုးကူညီချင်တယ်။ ဆိုလိုချင်တာက အခု လက်ရှိလုပ်နေတဲ့ ပြည်တွင်းက ကျောင်းသားတွေ လူငယ်ပိုင်းတွေအနေနဲ့လည်း ကျနော်တို့ ပြည်ပမှာ ရှိနေ တဲ့ ကျနော့်လို စိတ်ဝင်စားတဲ့လူတွေနဲ့လည်း တတ်နိုင်သမျှ ဆက်သွယ်စေချင်သလို၊ နောက်ခုနပြောသလို လုပ်နိုင်သမျှ နည်းလမ်းပေါ့၊ အခု လက်ရှိမှာတော့ ကျနော်နားလည်သလောက်ဆိုရင်တော့ သူတို့ လက်ရှိဖွဲ့စည်းထားတဲ့ဟာက ခွင့်မတောင်းဘဲ ကိုယ့်ဟာကိုယ် လုပ်ထားတာ။ ဒါပေမယ့်လည်း ဒီဟာနဲ့ဆက်နွယ်ပြီးတော့ ခုနပြောသလို တရားဝင်အဖွဲ့အစည်းဖြစ်အောင် ကြိုးစားသင့်တယ်လို့ ကျနော်ကတော့ အကြံပြုချင်ပါတယ်ခင်ဗျာ့။

VOA ။ ။ ဒါနဲ့ပတ်သက်လို့ ကိုကျော်ကိုကို တုံ့ပြန်စရာ ရှိပါသလားခင်ဗျာ့။
ကိုကျော်ကိုကို ။ ။ ကျောင်းသားအားလုံးပါဝင်တဲ့ ညီလာခံမှသာလျှင် ကျနော်တို့ရဲ့ Tempo တွေကို ဆုံးဖြတ်ချက် ချပိုင်ခွင့် ရှိပါတယ်ဗျာ့။ ကျနော်တို့ လက်ရှိ ဗဟိုစည်းရုံးရေးကော်မတီအနေနဲ့က မှတ်ပုံတင်ဖို့ ဘယ်လိုမှ စိတ်ကူးမရှိပါဘူး။ ကျောင်းသား အားလုံးက ဆုံးဖြတ်ချက်ချမှသာလျှင် ဒီအခြေအနေတွေ ဖြစ်မှာပါ။ ဒါပေမယ့် ကျနော့်ကိုယ်ပိုင်စိတ်ကူးကိုပဲ ပြောမယ်ဗျာ ဒီနေရာမှာ။ ကျနော်တို့ ကိုယ်ပိုင်စိတ်ကူးအရဆိုလျှင် မှတ်ပုံတင်ခြင်း မတင်ခြင်းဟာ ခုန ကျနော်ပြောခဲ့သလိုပဲ မလိုအပ်ဘူးလို့ ထင်တယ်ဗျ။ မလိုအပ်ဘူး ဆိုတာက ကျနော်တို့ ကျောင်းသားသမဂ္ဂရဲ့ လုပ်ကိုင်ဆောင်ရွက်မှုကို မူတည်ပြီးတော့သာလျှင် အစိုးရရဲ့ ဒီမိုကရေစီစံနှုန်းကို တိုင်းတာမယ်လို့ ကိုရဲမော်ထူး ပြောခဲ့တဲ့အတိုင်း ကျနော် အဲဒါမျိုးကို သဘောပိုကျတယ်။ ကျနော်တို့လုပ်နေတဲ့ကိစ္စက လူ့အဖွဲ့အစည်း အကျိုးစီးပွားကို ယုတ်လျော့ဖို့လုပ်နေတာလည်း မဟုတ်ဘူးဗျ။ အကျိုးစီးပွားရှိဖို့လုပ်နေတာ။ အဲဒါကြောင့်မို့လို့ ကျနော်တို့ကျောင်းသားသမဂ္ဂက ဘယ်သူ့ကိုမှ အကျိုးစီးပွား ပျက်ယွင်းအောင် မလုပ်ဘူး။ ထိခိုက်အောင် မလုပ်ဘူး။ ဒါကြောင့် ကျောင်းသားသမဂ္ဂကို အစိုးရအဆက်ဆက်က သဘောထားကြီးကြီးထားပြီးတော့ ဆက်ဆံသင့်တယ်။ သဘောထားကြီးကြီးထားပြီးတော့ ကျောင်းသားသမဂ္ဂ တည်ရှိရေးကို သူတို့ဘက်က အားပေးသင့်တယ်လို့ ထင်တယ်ဗျ။ ကျောင်းသားသမဂ္ဂဆိုတာ ကျောင်းသားလွှတ်တော် တစ်ခုဖြစ် တယ်ဗျာ။ ကျောင်းသားတွေက ဒီ သမဂ္ဂကွင်းပြင်ထဲနေ နိုင်ငံရေးဘဝ အစပျိုးခဲ့ကြတယ်ဗျ။ နိုင်ငံတကာမှာ ဒါမျိုးက ရှိနေပြီးသား အသွင်သဏ္ဌာန်တရပ်ပဲ။ ဒါကြောင့်မို့လို့ သမဂ္ဂဟာ ရှိသင့်တယ်။ ရှိသင့်တဲ့ အပြင်ကို အစိုးရအနေနဲ့ မည်သည့် အချုပ်အချယ် အကန့်အသတ်မှမရှိဘဲနဲ့ လှုပ်ရှားခွင့်ပေးသင့်တယ်လို့ ထင်ပါတယ်။

VOA ။ ။ ဟုတ်ကဲ့ ကိုကျော်ကိုကို ကျေးဇူးပါ။ ကျနော်တို့ ဒီဆွေးနွေးပွဲအတွက်ဆိုပြီးတော့ ဦးဖိုးသာအောင် နော်ဝေကနေပြီးတော့ စာရေးဆွေးနွေးထားတာရှိပါတယ်။ ကျနော်ဒီမှာပဲ ဖတ်ပြပါမယ်။ “ဒီမိုကရေစီရဲ့အခြေခံမှာ လွတ်လပ်စွာ အသင်းပင်းထူထောင်ခွင့်ဆိုတာ ပါပါတယ်။ အဲဒါ လူထုက ဒီမိုကရေစီနည်းကျ တရားမျှတစွာ တင်မြှောက်ထားတဲ့ အစိုးရမျိုးဖြစ်ပြီးတော့ လူထုဆန္ဒနဲ့မှန်ကန်စွာ အတည်ပြုထားတဲ့ အခြေခံဖွဲ့စည်းပုံဥပဒေလည်း ရှိပြီးဖြစ်ရပါမယ်။ လက်ရှိ မြန်မာအစိုးရသစ်ဟာ လူထု တင်မြှောက်တဲ့အစိုးရသစ်မျိုး မဟုတ်သလို ဖွဲ့စည်းပုံဥပဒေကလည်း လူထုဆန္ဒနဲ့ အတည်ပြုထားတာ မဟုတ်သေးပါဘူး။ စစ်မှန်တဲ့ဒီမိုကရေစီအစိုးရ၊ မှန်ကန်တဲ့ အခြေခံဖွဲ့စည်းပုံဖြစ်ဖို့ အစိုးရတွင်း ကပုဂ္ဂိုလ်တွေရော အတိုက်ပါတီတွေနဲ့ လူတွေကပါ ဝိုင်းဝန်းကြိုးပမ်းနေတဲ့အချိန်ဆိုတာကို သတိပြု ကြရပါမယ်တဲ့။ နိုင်ငံတကာနဲ့ပြည်သူကလည်း အပြုသဘောဆောင်တဲ့ဘက်ကို ရောက်လာပြီဆိုတာကို လက်ခံနေကြပါပြီ။ ဒီအချိန်မှာ ဗကသလိုမျိုး အရေးကြီးတဲ့အဖွဲ့အစည်းကို အသစ်ဖွဲ့ဖို့ဆိုတာ၊ ဘယ်လောက်အထိ လိုအပ်နေတယ်ဆိုတာ ဘယ်သူတွေက ဆုံးဖြတ်လုပ်ဆောင်တာလဲ” ဆိုပြီးတော့ မေးခွန်းထုတ်လိုက်ပါတယ်တဲ့။ “နိုင်ငံရေး နှေးကွေးနေမှုအပေါ် တွန်းအားပေးတဲ့သဘောနဲ့ ကိုမင်းကိုနိုင် အပါအဝင် ဗကသ အမှုဆောင်တွေ စုံညီစည်းဝေးပြီးတော့ ဆုံးဖြတ်ချက်ချပြီးတော့ လုပ်ကြတာလား။ ဒါမှမဟုတ် ၈၈ ကစပြီးတော့ ယနေ့အထိ ကျောင်းသားအားလုံးရဲ့ဆန္ဒလား။ ဒါမှမဟုတ် နိုင်ငံရေးလက်ဦးမှုယူပြီးတော့ လက်ရှိနိုင်ငံရေးလမ်းကြောင်းကို ကပျက် ယပျက်လုပ်တာ လားဆိုတာ သေသေချာချာ ရှင်းဖို့လိုပါတယ်။” တဲ့။ ဒါ ဦးဖိုးသာအောင် နော်ဝေရဲ့မေးမြန်းချက်ဖြစ်ပါတယ်။ ကိုကျော်ကိုကို ဒါနဲ့ပတ်သက်လို့ တစုံတရာ တုံ့ပြန်ဖြေရှင်းနိုင်ပါတယ်။

ကိုကျော်ကိုကို ။ ။ ကျနော်ပြောချင်တာက ကျနော်တို့ရဲ့ ရှေ့မျိုးဆက်တွေက ကျနော်တို့ကို သမိုင်းတာဝန် လွှဲအပ်ပေးလိုက်ပြီဗျ။ အခုခေတ်ကျောင်းသားတွေကလည်း မညံ့ကြတော့ဘူးဆိုတာ သက်သေပြ ချင်ကြတယ်။ အဲဒီ စိတ်ဓာတ် အခြေခံတယ်ဗျ။ အဲဒီစိတ်ဓာတ် အခြေခံပြီးတော့ ကျနော်တို့ ဒီ ခွပ်ဒေါင်းအလံ ကို ခိုင်ခိုင်မာမာ ဆုပ်ကိုင်ခဲ့ကြတယ်။ ၂၀၀၇ ခုနှစ် ရွှေဝါရောင် သံဃာ့အရေးအခင်းကစပြီးတော့ ဒီနေ့ ဒီအချိန်အထိ ကျနော်တို့ နိုင်ငံရေး လက်ဦးမှုရယူပြီးတော့ လုပ်ဆောင်ခဲ့တာ တစ်ခုမှမပါဘူး။ တကယ့် အမျိုးသားရေးအသိ စိတ်စစ်စစ်နဲ့ ကျနော်တို့ လုပ်ဆောင်ခဲ့တာပါ။

VOA ။ ။ ဟုတ်ကဲ့ခင်ဗျ။ ကျနော် မဖြိုးဖြိုးအောင်ကိုလည်း မေးချင်ပါတယ်။ ခုနက ဦးဖိုးသာအောင်မေးသွားတဲ့အထဲမှာ ပါပါတယ်။ အခု ဗကသဖွဲ့လိုက်တာက ရှေ့က ကိုမင်းကိုနိုင်တို့ ပါဝင်ပြီးတော့ဆုံးဖြတ်လို့လား။ တခြား နိုင်ငံရေးပယောဂပါလား။ ဒါမှမဟုတ် ကိုယ့်ဘာကိုယ်ပဲ စဉ်းစားပြီး လုပ်တာလား။ ဘယ်လို စဉ်းစားချက်ရှိပါသလဲ။ မဖြိုးဖြိုးအောင် ဖြေပေးပါလား။
မဖြိုးဖြိုးအောင် ။ ။ ဟုတ်ကဲ့ရှင့်။ ကျမတို့ ဒီ ၁၉၈၈ မတိုင်ခင် ရှေ့ရှေ့မှာ ကျောင်းသားသမဂ္ဂတွေဟာ ဒီ ကျောင်းသားတွေကနေပြီး တော့ ဖွဲ့စည်းထားတဲ့ ကျောင်းသားသမဂ္ဂတွေပါပဲ။ ကျမတို့လည်း ၂၀၀၇ ခုနှစ် သြဂုတ်လ ၂၈ ရက်နေ့မှာ ဗကသများအဖွဲ့ချုပ်ကို ပြန်လည်ဖွဲ့စည်းလိုက်တယ်။ (ကျမတို့ ကျောင်းသား ဘဝတုန်းက ဒီ ၈၈ မျိုးဆက် ကျောင်းသားတွေရဲ့ အားပေးကူညီမှုတွေလည်း အများကြီးပါပါတယ်ရှင့်။) ဖွဲ့စည်းလိုက်ပြီးတော့ အခု ၂၀၁၂ ခုနှစ် အထိပေါ့နော် ကျမတို့ ဒီ ဗကသများအဖွဲ့ချုပ်ဟာ ဆက်လက် ရပ်တည်နေခဲ့ပါတယ်။ ကျမတို့ နိုင်ငံရေးအရ အမြတ်ထုတ်မှုလည်း မရှိပါဘူးရှင့်။ ဘာဖြစ်လို့လဲဆိုတော့ ကျမတို့ ဒီ တလျှောက်လုံးက အကျဉ်းထောင်အသီးသီးမှာလည်း ကျမတို့ ကျောင်းသား ရဲဘော်တော်တော်များများ ဖမ်းဆီးထိန်းသိမ်းခံရတယ်။ ကျမတို့ အထဲဝင်သွားတဲ့အခါမှာ ၂၀၀၇ မှာ ဖမ်းဆီးထိန်းသိမ်းခံရတဲ့သူတွေ ရှိတယ်။ ကျမတို့ ပုန်းကွယ်နေရတဲ့သူတွေ ရှိတယ်။ နောက် ၂၀၀၈ ခုနှစ်မှာ ဆက်ပြီးတော့ ကျမတို့ ကျောင်းသားသမဂ္ဂတရပ် မျိုးဆက်တစ်ဆက် လက်ဆင့်ကမ်းတယ်။ ကျမတို့အကုန်လုံး အထဲဝင်သွားတဲ့အခါမှာ ဆက်လက်ပြီးတော့ အပြင်မှာဆက်လုပ်နေတဲ့ ကျောင်း သားသမဂ္ဂတွေရှိတယ်။ အခု ၂၀၁၂ ကျမတို့ ပြန်ထွက်လာတဲ့အခါမှာ ကျမတို့နဲ့အတူ လက်တွဲ လုပ်နေ တဲ့ ကျောင်းသားတွေရှိတယ်။ ဒါတွေအားလုံးက ကျမတို့ မျိုးဆက် အလိုက်ပေါ့နော်။ သူတို့အားလုံး ပူးပေါင်းပါဝင်တယ်။ ကျောင်းသားမျိုးဆက်တောက်လျှောက် ၂၀၀၇ ကနေစပြီးတော့ ပူးပေါင်းပါဝင် တဲ့ ကျောင်းသားတွေကနေပြီး ဖွဲ့စည်းလိုက်တာပါ။ ဗဟိုစည်းရုံးရေးကော်မတီကို ဖွဲ့စည်းလိုက်တာပါ။ အဲဒီ ဗဟိုစည်းရုံးရေးကော်မတီမှာ ၂၀၀၃ က ကျောင်းသားသမဂ္ဂ ကျောင်းသားတစ်ယောက်ပါတယ်။ နောက် ၂၀၀၇ မျိုးဆက် ကျမတို့ ကျောင်းသားတွေ အပါအဝင်ကို လက်ရှိ ဗကသ တာဝန်ကို ထမ်းဆောင်နေ တဲ့ ကျောင်းသား အားလုံး ပါဝင်ပါတယ်ရှင့်။

VOA ။ ။ ဟုတ်ကဲ့ပါ။ ဒါ မဖြိုးဖြိုးအောင် ဖြစ်ပါတယ်။ ကျနော်တို့ လေလှိုင်းပေါ်မှာ နောက်တစ်ဦးလည်း ရှိပါတယ်။ ကိုမင်းနိုင်။ ကိုမင်းနိုင်ကတော့ ဗကသများအဖွဲ့ချုပ် နိုင်ငံခြားရေးရာကော်မတီ။ လက်ရှိ နယ်စပ်မှာအခြေစိုက်နေတာပါ။ ကိုမင်းနိုင် ခုနကဆွေးနွေးသွားတဲ့အထဲမှာ ဦးဖိုးသာအောင် ဆွေးနွေးသွား တဲ့ကိစ္စပါပါတယ်။ ကျနော် အဲဒီမှာ နည်းနည်း မေးချင်တာက ဗကသများအဖွဲ့ချုပ်ကို ဖွဲ့စည်းတိုင်း ဟိုတုန်းကလည်း ၈၈၊ နောက် ဒီမတိုင်ခင်ကာလတွေမှာလည်း တခြား နိုင်ငံရေးပယောဂပါတယ်ဆိုပြီးတော့ အစိုးရအပါအဝင် အချို့အင်အားစုတွေက ပြောကြဆိုကြတာတွေ ရှိပါတယ်ခင်ဗျ။ ဒီအခြေအနေနဲ့ပတ်သက် လို့ ကိုမင်းနိုင် ဘာများပြောချင်လဲ။
ကိုမင်းနိုင် ။ ။ ဟုတ်ကဲ့ခင်ဗျ။ အဲဒီအပေါ်မှာ ကျနော်လည်း ဆွေးနွေးချင်ပါတယ်။ ဆွေးနွေးချင်တဲ့ကိစ္စက ကျနော်တို့ ဗကသ စပြီးတော့ဖွဲ့စည်းခဲ့တယ်ဆိုတာ။ ဗိုလ်ချုပ်အောင်ဆန်းတို့လက်ထက်ပေါ့နော်။ ဒီကာလက ကိုအောင်ဆန်း လက်ထက်မှာ ၁၉၃၆ ကတည်းက စဖွဲ့စည်းကတည်းက ဘယ်ပယောဂမှ မပါခဲ့ဘူးဗျ။ အဓိကက သူတို့ကာလမှာ အမျိုးသားရေး၊ နောက် နိုင်ငံလွတ်လပ်ရေး စတဲ့ ဒီအခြေခံစိတ် ဓာတ်တွေအပေါ်မှာပဲ ဒီကျောင်းသားလူငယ်တွေရဲ့ လွတ်လပ်တဲ့စိတ်ဓာတ်နဲ့ ဖွဲ့စည်းခဲ့တာဖြစ်ပါတယ်။ ဒီ အစဉ်အလာက တစ်လျှောက်လုံးရှိခဲ့တယ်လို့ ကျနော်ကတော့ ယူဆပါတယ်။ ပြောမယ်ဆိုရင် ဒီ လွတ်လပ်ရေးရပြီးကာလမှာလည်း ကျောင်းသားသမဂ္ဂတွေ ပေါ်တဲ့အခါမှာလည်း အားလုံးက လွတ်လွတ်လပ်လပ်နဲ့ သူတို့ရဲ့ နိုင်ငံချစ်စိတ် တိုင်းပြည်ချစ်စိတ်နဲ့ သူတို့ဟာ တစ်လျှောက်လုံး ဒီ စိတ်ဓာတ်တွေနဲ့ပဲ ဖွဲ့စည်းပါဝင်ခဲ့ကြတာဖြစ်တယ်။ ၁၉၆၂ စစ်အာဏာသိမ်းပြီးကာလမှာ လည်း မြေအောက်ရောက်ရတဲ့အခါမှာလည်း ဒီ ကျောင်းသားတွေအကုန်လုံးက စစ်အာဏာရှင်စနစ်အောက် က လွတ်မြောက်ရေး၊ ပြည်တွင်းငြိမ်းချမ်းရေးတွေအတွက်ကိုပဲ စုစည်းမှုတွေနဲ့ သူတို့ဆောင်ရွက်ခဲ့ကြ တာဖြစ်တယ်။ ဥပမာ ၁၉၈၈ ကိုမင်းကိုနိုင်တို့ကာလမှာလည်း ဒီဦးတည်ချက်တွေနဲ့ပဲ ဖွဲ့စည်းခဲ့ကြ တာဖြစ်တယ်။ ဘာ အမှောက်ပယောဂမှ ပါခဲ့တာ မရှိဘူး။ ဒီနောက်ပိုင်းမှာလည်း တစ်လျှောက်လုံးကြည့် မယ်ဆိုရင် မြေအောက်လှုပ်ရှားမှုတွေ၊ ဗကသ နာမည်ခံပြီးတော့မှ စုစည်းမှုတွေ အမြောက် အများပေါ်ခဲ့တယ်။ ဒီလိုစုစည်းမှုတွေအားလုံးဟာလည်း ဘာအနှောင်အဖွဲ့မှ မပါပါဘူး။ နောက်ဆုံးဆိုလို့ရှိရင် ဒီ ၂၀၀၇ မှာ ကိုကျော်ကိုကိုတို့ပေါ့ သူတို့ဖွဲ့စည်းမှုက သူတို့ပြန်လည်လွတ်မြောက်လာတဲ့အခါ ဗဟိုစည်း ရုံးရေး ကော်မတီဖွဲ့စည်းတဲ့အခါမှာလည်း ကျနော်ကတော့ ယုံကြည်တယ်ဗျ။ သူတို့ရဲ့ နိုင်ငံချစ်စိတ်၊ တိုင်းပြည် ငြိမ်းချမ်းလိုစိတ်၊ အမျိုးသား ပြန်လည်သင့်မြတ်ရေးစိတ်၊ နောက် တိုင်းပြည်ဖွံ့ဖြိုးတိုး တက်ရေးအတွက်ကို ငါတို့ကျောင်းသားလူငယ်တွေက လွတ်လွတ်လပ်လပ်နဲ့ လှုပ်ရှားဆောင်ရွက်ရမယ်ဆို တဲ့အသိနဲ့ ပေါ်ပေါက်လာတယ် ဆိုတာကို လုံးဝ ယုံကြည်ပါတယ်။

VOA ။ ။ ကျနော် ကိုမင်းနိုင်ကို တစ်ခု မေးချင်ပါတယ်။ အဓိကက ဗကသများအဖွဲ့ ချုပ် နိုင်ငံခြားရေးရာကော်မတီနဲ့ ဗဟိုစည်းရုံးရေး ကော်မတီဆိုတာပေါ်လာပြီဆိုတော့ ဗဟိုစည်း ရုံးရေးကော်မတီက ကိုကျော်ကိုကိုတို့ကို မမေးချင်ပါဘူး။ ဖြေရတာ အခက်အခဲရှိမှာမို့ပါ။ ဒါပေမယ့် ကို မင်းနိုင်ကိုမေးချင်တာက လက်ရှိ ဗဟိုစည်းရုံးရေးကော်မတီ ဗမာပြည်ထဲမှာ ဖွဲ့လိုက်ပြီ။ အခု ကိုမင်းနိုင် တို့ နိုင်ငံခြားရေးရာ ကော်မတီဆိုတာ ရှိတယ်။ ဒါနဲ့ပတ်သက်လို့ ဘယ်လိုသဘောထားရှိပါသလဲ။
ကိုမင်းနိုင် ။ ။ အဲဒါကတော့။ တကယ်တမ်း ကျနော်တို့ကျတော့ ဗကသများ အဖွဲ့ချုပ် နိုင်ငံခြားရေးရာကော်မတီဆိုတာ ပြည်တွင်းထဲမှာ လွတ်လွတ်လပ်လပ် လှုပ်ရှားခွင့်မရှိတဲ့အပေါ်မှာ လုပ်နိုင်ကိုင်နိုင်မယ့်ကိစ္စများပေါ့။ ကျောင်းသားထုအတွက်နဲ့ပတ်သက်ပြီးတော့၊ အမျိုးသားနိုင်ငံရေးနဲ့ပတ် သက်ပြီးတော့ ရနိုင်သမျှထမ်းမယ်ဆိုပြီးတော့ ရောက်တဲ့နေရာကနေပြီးတော့ ထမ်းဆောင်ရတာဖြစ်တယ်။ အခု ဗဟိုစည်းရုံးရေးကော်မတီပေါ်လာတယ်ဆိုတဲ့ အခါကျတော့ ကျနော်တို့ အရမ်းကို ဝမ်းမြောက်တယ်။ ဒါက တကယ့်တကယ်က ဗကသများအဖွဲ့ချုပ်ရဲ့အလံက ပြည်တွင်းမှာပဲ ရှိရမယ်။ ပြည်တွင်းကျောင်း သားထုရဲ့ လက်ထဲမှာပဲရှိရမယ်။ အဲဒီလိုမြင်ပါတယ် ခင်ဗျ။

VOA ။ ။ ဟုတ်ကဲ့ခင်ဗျ။ ကျနော် ကိုရဲမော်ထူးကို ဒီမှာ တဆက်တည်းမေးချင်ပါတယ်။ ဒီ ဗကသ လှုပ်ရှားမှုအပါအဝင် ကျောင်းသား လှုပ်ရှားမှုတွေဟာ မြန်မာနိုင်ငံ နိုင်ငံရေးမှာကြည့်လိုက်လို့ရှိရင် ပို ပြီးတော့ နိုင်ငံရေးဘက်ကိုသန်တာ သတိထားမိပါတယ်။ အထူးသဖြင့် ဒီ အစိုးရနဲ့ပတ်သက်လို့ အတိုက် အခံလုပ်တာတွေရှိတယ်။ အဲဒါကြောင့်မို့လို့ သူပုန်လှုပ်ရှားမှုဆိုပြီးတော့ အစိုးရတွေက သတ်မှတ်တာတွေ ရှိပါတယ်။ ဒီတော့ နောက်ပိုင်း ကျောင်းသားလှုပ်ရှားမှုတွေကရော ဒီ Platform အရရော အခုထက်ထိရော အခြေအနေတွေက ဘယ်လောက်အထိ ဖြစ်မလဲ။ နောက်ပိုင်းလှုပ်ရှားမှုက ဘယ်လိုဖြစ်သင့်လဲ။ ကိုရဲမော် ထူးရဲ့အမြင် သိချင်ပါတယ်။
ကိုရဲမော်ထူး ။ ။ ကျနော့်အမြင်ကတော့ ဗမာနိုင်ငံလုံးဆိုင်ရာကျောင်းသားသမဂ္ဂ ရဲ့ နိုင်ငံရေးလှုပ်ရှားမှုပေါ့နော်၊ အဲဒီ ဗကသ အဖွဲ့ချုပ်ရဲ့ အခြေခံမူတွေထဲမှာပါတဲ့ အမျိုးသားနိုင်ငံရေးပေါ့နော် ထင်ရှားတဲ့ အမျိုးသားနိုင်ငံရေး။ ဒီ အမျိုးသားနိုင်ငံရေးဆိုတဲ့ ဝေါဟာရပေါ့နော် Political Category က ခေတ်ကာလအခြေအနေပေါ်မူတည်ပြီးတော့ ရွေ့လျားတယ်ပေါ့နော်။ အဓိကပြောချင်တာကတော့ နယ်ချဲ့ခေတ် အင်္ဂလိပ်လက်ထက်မှာဆိုလို့ရှိရင် ဒီ အင်္ဂလိပ်ခေတ်မှာရှိတဲ့ ဗမာပြည်သူလူထုရဲ့ အမျိုးသားနိုင်ငံရေးက နယ်ချဲ့ဆန့်ကျင်ရေးဖြစ်တယ်ဗျ။ အဲဒီတော့ ဒီဘက်ကိုပြန်ပြောမယ်ဆိုရင် ၁၉၆၂ ခုနှစ်နောက်ပိုင်း ဒီဘက် ဦးသိန်းစိန်အစိုးရလက်ထက်အထိ ကျနော်တို့ရဲ့ ဗကသရဲ့ အမျိုးသားနိုင်ငံရေးဆိုတာက ပြည်တွင်းစစ်ရပ်စဲရေး၊ ပြည်တွင်းငြိမ်းချမ်းရေးနဲ့၊ စစ်အာဏာရှင်စနစ်ဆန့် ကျင်ရေး ဖြစ်တယ်။ ဒီ စစ်အာဏာရှင်စနစ် ဆန့်ကျင်ရေးနဲ့ ပြည်တွင်းငြိမ်းချမ်းရေး အတွက် ကျောင်းသား လှုပ်ရှားမှုဆိုတာက ကျောင်းသားလှုပ်ရှားမှုရဲ့သမိုင်း ဖြစ်တယ်။ အဲဒီတော့ ဒီအခြေခံပေါ်မှာ ဒီ အမျိုး သားနိုင်ငံရေးဆိုတဲ့ အခြေခံရပ်တည်ချက်အပေါ်မှာ မူတည်ပြီးတော့ ကျနော်တို့ ဆက်လက်လှုပ် ရှားနေမယ်ဆိုလို့ရှိရင် ဘယ်လိုအခြေအနေမျိုးမှာ ဘယ်လိုနာမည်မျိုးပဲတပ်တပ် ဒီ အမျိုးသားနိုင်ငံရေး ဆိုတဲ့ ပြည်တွင်းစစ်ရပ်စဲရေး၊ ပြည် တွင်းငြိမ်းချမ်းရေးနဲ့၊ စစ်အာဏာရှင်စနစ်ဆန့်ကျင်ရေးဆိုတဲ့ အခြေခံမူ ကနေပြီးတော့ လှုပ်ရှားနိုင်မယ်၊ လှုပ်ရှားနေရမယ်လို့ ကျနော်တို့ ယုံကြည်တယ်။ ဒီအတွက်ကြောင့်မို့လို့ ဘယ်လိုအခြေအနေမျိုးပဲဖြစ်နေဖြစ်နေ ဒီ အမျိုးသားနိုင်ငံရေးရဲ့ အခြေခံအပေါ်မှာ ရပ်တည်သင့်တယ်လို့ ကျနော်ကတော့ အဲဒီလိုမြင်ပါတယ်။

VOA ။ ။ ကိုကျော်ကိုကို တလှည့်ပြန်မေးချင်ပါတယ်။ ကိုကျော်ကိုကိုရေ ခုနက ပြောသွားကြတဲ့အထဲမှာ လက်ရှိ ဗကသအဖွဲ့ချုပ် ကျောင်းသားသမဂ္ဂသမိုင်းတွေ ပြောသွားပါတယ်။ ကိုကျော်ကိုကိုတို့ အခုပြန် ဖွဲ့ကြတဲ့၊ ဗဟိုစည်းရုံးရေးကော်မတီလုပ်ကြတဲ့၊ ဗကသများ အဖွဲ့ချုပ်လုပ်ကြတဲ့အခါကျတော့ အရင်တုန်းက ရှိခဲ့တဲ့ မူတွေ စံတွေ နောက်တစ်ခုက ရည်ရွယ်ချက်တွေ ဒါနဲ့ပတ်သက်လို့ တချို့ဟာက အခုထက်ထိ ဆက်ပြီးကျင့်သုံးဖို့လိုလား၊ ခေတ်နောက်ကျနေတယ်လို့မြင်လား၊ ဘယ်လိုဆက်ပြီးတော့ သဘောထားရှိပါ သလဲခင်ဗျ။
ကိုကျော်ကိုကို ။ ။ ကျနော့်သဘောထားကတော့ ဗကသများအဖွဲ့ချုပ် စတင်ပေါ်ပေါက်ကတည်းက ကိုင်စွဲလာခဲ့တဲ့ ဗကသရဲ့ မူ ၅ ချက်က ခေတ်နောက်ကျနေတယ်လို့တော့ မမြင်ဘူးဗျ။ ခေတ်ကိုလျော် ညီစွာပေါ့။ ဒီ မူ ၅ ချက်ကို ကိုင်စွဲပြီးတော့ပဲ ခေတ်နဲ့လျော်ညီစွာ သုံးစွဲသွားရမယ်လို့ ထင်ပါတယ်ခင်ဗျ။ ဒီ ၅ ချက်ဆိုတာကလည်း အမျိုးသားနိုင်ငံရေး ပါတယ်ဗျ။ အမျိုးနိုင်ငံရေးဆိုတာက အမှန်တကယ်အားဖြင့်လည်း အမျိုးသားထုကြီးတစ်ခုလုံး တိုးတက်ရေးပဲ။ အမျိုးသားထုတစ်ခုလုံး ချစ်ခင်ရင်းနှီးမှုရရှိရေး၊ ဒီထက်မက တိုင်းရင်းသားအချင်းချင်း ချစ်ခင်ရင်းနှီးမှုရရှိရေး ထိုမှတဆင့် ကျနော်တို့ဆက်သွားရမယ့် ကိစ္စက ပြည် တွင်းငြိမ်းချမ်းရေး၊ ပြည်တွင်းစစ်ရပ်စဲရေး။ ဒါတွေက ခေတ်အဆက်ဆက် ရှိနေဆဲပဲဗျ။ အထူးသဖြင့် ဗမာနိုင်ငံ အခုလိုအခြေအနေမျိုးမှာ ပိုပြီးတော့တောင် လိုအပ်သေးတယ်။ ဒါကြောင့်မို့လို့ ကျနော်တို့ ဒီ မူ ၅ ချက်ကို ဆက်လက်ကိုင်စွဲသွားဖို့ လိုအပ်ပါတယ်။

VOA ။ ။ ဟုတ်ကဲ့။ လက်ရှိအနေအထားအရဆိုရင် ကျောင်းသားသမဂ္ဂလှုပ်ရှားခွင့်၊ လှုပ်ရှားနိုင်တဲ့ အတိုင်းအတာရော ကျယ်ကျယ် ပြန့်ပြန့် ဘယ်လောက်အထိ ရှိလာနိုင်မလဲ။ အဓိက အနိမ့်ဆုံး အားဖြင့် ကျောင်းသားထုအခွင့်အရေး ကာကွယ်ရေးကို ကိုကျော်ကိုကိုတို့ ဘယ်လောက်အထိ လုပ်နိုင်မယ်ထင်လဲ။
ကိုကျော်ကိုကို ။ ။ ဒီ ကျောင်းသားထုအခွင့်အရေးကလည်း ဒီ မူ ၅ ချက်ထဲမှာ ပါတယ်။ အဲဒီအချက်ကိုပဲ ကျနော်တို့က ရှေ့တန်းတင်ပြီးတော့ ကျောင်းသားထုစည်းရုံးရေးကိစ္စများကို ကျယ်ကျယ်ပြန့်ပြန့် လုပ်ဆောင်နိုင်ဖို့ စဉ်းစားထားတယ်။ စဉ်းစားထားတဲ့အတိုင်း လုပ်မယ့်အခါမှာတော့ အခက်အခဲတွေ ရှိလာနိုင်တယ်။ ရှိလာနိုင်တဲ့ အခက်အခဲတွေအတွက်လည်း ကျနော်တို့ အသင့်ပြင်ထားတယ်။ ဒါကလည်း ကျနော်တို့ ၂၀၀၇ ခုနှစ်ကတည်းက ရင်ဆိုင်ကြုံတွေ့လာရတဲ့ အခြေအနေတွေဗျ။ ကျောင်းသားတွေမှာ မလုံလောက်မှုတွေ အများကြီးကြုံရတယ်။ အစစအရာရာပေါ့နော်။ ဘယ်အရာမဆို။ ပညာရေးစနစ် အားနည်းမှုရှိတယ်။ အဲဒီပညာရေးစနစ်အားနည်းမှုရဲ့ နောက်ဆက်တွဲ ရိုက်ခတ်မှုတွေ ရှိတယ်။ ကျောင်း သားထုတွေကြားထဲမှာ ချို့တဲ့မှုတွေ မလုံလောက်မှုတွေ ဖြစ်တယ်။ စီးပွားရေး အခြေအနေတွေကလည်း မကောင်းတဲ့အခါကျတော့ ဒီခေတ် ဒီကာလမှာ ကျောင်းသားထုဟာ ရှေ့ဆက်တိုးလို့မ ရအောင် ဘေးကြပ် နံကြပ်ထဲကို ရောက်သွားတဲ့ အနေအထားမျိုးဖြစ်တယ်။ စာလည်းဆက်သင်လို့မရ၊ ကျောင်းထွက်ပြီးတော့ လည်း အပြင်မှာအလုပ်အကိုင် မရှိ ဒါမျိုးအခြေအနေတွေကို ကျနော်တို့ မဖြစ်စေရအောင်လို့ ပြုပြင်ပြောင်း လဲသွားဖို့ ကျနော်တို့က တောက်လျှောက် Pressure ပေးရမှာဗျ။ အဲဒီလိုလုပ်တဲ့အခါမှာ အခြေအနေအရပေါ့ မူတည်ပြီးတော့ တစ်စချင်းစီ တစ်လှမ်းချင်းစီ ရှေ့ဆက်သွားမယ်။ အဲဒီတော့ အင်အားရှိနေဖို့တော့ လိုပါတယ်။ ကျနော်တို့ အင်အားရှိမှ အလုပ်တွေလုပ်နိုင်မှာပါ။
VOA ။ ။ ဟုတ်ကဲ့ အချိန်ကလည်းစေ့တော့မှာပါ။ ဒီမတိုင်ခင်ကပဲ ကိုလှမောင်ဆိုတာ က ပေးစာတစ်စောင် ပေးထားပါတယ်။ စာကလည်းရှည်တော့ အချိန်အကန့်အသတ်ကြောင့် စာကို အကုန်မဖတ်ပြတော့ပါဘူး။ ဒီမှာ အနှစ်ချုပ်ပြီးတော့ ကျနော်ပြောချင်ပါတယ်။ ကိုလှမောင် ရေးထားတဲ့ အထဲမှာတော့ လက်ရှိ ဒီ ဗကသများအဖွဲ့ချုပ်နဲ့ပတ်သက်လို့ သူပြောထားတာက ၁၉၈၈၊ ကိုမင်းကိုနိုင်တို့ ဖွဲ့တုန်းကအခြေအနေကို သူ ပြန်ထောက်ပြထားပါတယ်။ အဲဒီတုန်းက ကျောင်းသားအစုအဖွဲ့တွေ အများကြီး ရှိတယ်။ ကိုမင်းကိုနိုင်တို့ ဖွဲ့တယ်ဆိုပေမယ့် ပြဿနာ တစုံတရာရှိခဲ့တယ်ဆိုပြီးတော့ သူ့ရဲ့အမြင်ကို ရေး ပါတယ်။ ဒါကြောင့်မို့လို့ တရားဝင်ညီလာခံပေါ်မှပဲ ဗကသလို့ သုံးသင့်ပါတယ်တဲ့။ လက်ရှိအနေအထားမှာ (ယာယီ) လို့ ခံပြီးသုံးသင့်ပါတယ်တဲ့။ သူက စေတနာနဲ့ သတိပေးတာပါဆိုပြီး ကိုလှမောင်က ရေးသား ထားပါတယ်။ အဲဒီတော့ ကိုကျော်ကိုကိုက အခုကိစ္စနဲ့ပတ်သက်လို့ ဘာများတုံ့ပြန်ချင်ပါသလဲ ခင်ဗျ။ အထူးသဖြင့် ဗဟိုစည်းရုံးရေးကော်မတီဖွဲ့တဲ့အခါမှာ ဘယ်လောက်အထိ ကျောင်းသားထုကို ကိုယ်စားပြုမလဲ၊ တခြားကျောင်းသားအစုအဖွဲ့တွေကို ဘယ်လောက်အထိ စဉ်းစားထားပါသလဲ။
ကိုကျော်ကိုကို ။ ။ ကိုလှမောင်ပေးတဲ့ စေတနာကိုတော့ လေးစားပါတယ်။ ကျနော်တို့က လက်ခံတယ်။ ဒါတွေကလည်း စိုးရိမ်မယ်ဆို စိုးရိမ်စရာပေါ့။ ဒါပေမယ့် ဒီခေတ် ဒီအချိန်ကာလမှာ ကျနော်မြင်သလောက်ကတော့ သိပ်ပြီး ပြဿနာ ကြီးကြီးမားမား မရှိတော့လောက်ဘူးဗျ။ ကျောင်း သားထု အားလုံးကို စည်းရုံးဖို့က ကျနော်တို့က အခုစနေပြီ၊ ပျိုးနေပြီ၊ ခြေလှမ်းစနေပြီ။ ကျောင်းသားထု အကုန်လုံးကို ကျနော်တို့ လက်ကမ်းကြိုဆိုထားတယ်။ အချင်းချင်း ညီအစ်ကိုတွေပဲ။ ဒီခေတ်မှာ ဘုံတူညီချက် ကိုရှာပြီး ကျောင်းသားထုတွေက အထိုင်တစ်ခုအပေါ်ကနေ အခြေခံစဉ်းစားသွားရမှာ။ အဓိက အထိုင် ကတော့ အမျိုးသားနိုင်ငံရေးပဲ။ အဲဒီတော့ ကျောင်းသားထုမှာ ကွဲစရာအကြောင်း မရှိဘူး။ ကျနော်တို့အချင်း ချင်းလည်း ညီညွတ်တယ်။ ကျနော်တို့ ရှေ့ဆက်ပြီးတော့လည်း ညီညွတ်သွားမယ်။ ကျောင်းသား ထုညီလာခံ ပေါ်ပေါက်တဲ့အခါကျရင်လည်း တူညီတဲ့ အဖြေတစ်ခုထွက်လာမယ် ထင်ပါတယ်။

VOA ။ ။ ဟုတ်ကဲ့ အချိန်လည်းစေ့သွားပြီဖြစ်တဲ့အတွက် တိုက်ရိုက်လေလှိုင်းအစီအစဉ်ကို အဆုံးသတ်ပါရစေ။ ကိုကျော်ကိုကို အပါအဝင် ပါဝင်ဆွေးနွေးပေးခဲ့ကြသူတွေအားလုံး ကို ကျေးဇူး အထူးတင်ပါတယ်။
(၂၁-၁-၂၀၁၂ (VOA) ညပိုင်း တိုက်ရိုက်လေလှိုင်း အစီအစဉ် မှဖြစ်ပါသည်။)
လူ့ဘောင်သစ်ဒီမိုကရက်တစ်ပါတီ (အမေရိကန်ဌာနခွဲ) အင်တာနက်စာမျက် နှာမှတစ်ဆင့်ကူးယူ ဖော်ပြပါ သည်။

No comments: