သိဒ္ဓတ္ထလှိုင်
by Nyein Chan Aye on Monday, 20 February 2012 at 21:31 ·
ဟိုနိုလူလူမှာ ကုန်စုံဆိုင်လေးဖွင့်မယ်
ဟိုနိုလူလူမှာ
နာနတ်ဝိုင်၊ မလိုင်ချောကလက်
ဝက်သားစည်သွပ်ဗူး၊ ကော်ဖီဗူး
ပစ္စည်းထူးထူးဆန်းဆန်းလေးတွေရောင်းဖို့
ဝါရွှေညိုနီဆေးရောင်စုံနဲ့
ကုန်စုံဆိုင်လေးဖွင့်မယ်။
ဗိသိုဗင်
လီနင်၊ ဂျက်ကလင်း
နေမင်းအောက်က ပြည်သူများတို့
မရယ်(ရီ)ကြပါနဲ့၊ ဒါဟာ
နီလာရည်၊ စိန်ရည်၊ မြရည်လူးတဲ့
စိတ်ကူးထဲက ရည်ရွယ်ချက်လေ။
ပိုက်ဆံမရှိသော နေ့များ
စီးကရက်တစ်လိပ်
ပေါင်မုံ့တစ်လုံး၊ လဘ္ဘက်ရည်တစ်ခွက်ပဲ
တမ်းတပါတယ်။
မာဇဒါ၊ ရီကော်တာ
မန္တလေးဘီယာ
ဒေါက်တာဇီဗားဂိုးရုပ်ရှင်
တင်တင်လှရဲ့ တေးဂီတများ
သတိမရနိုင်ပါ။
၂၂ (သို့မဟုတ်) ကျွန်ုပ်၏ရုပ်ပုံလွှာ
ဆေးပြင်းလိပ်
ကိတ်မုန့်၊ ကျောက်ခဲ
ငရဲမီး၊ လမင်း
ဂျုံခင်း၊ ပိတောက်ဝါ
ဟစ်တလာ့ နှုတ်ခမ်းမွှေး
'ဒက်ဗလင်' မွေးတဲ့သား
ဘီတယ်လ်ဓါတ်ပြားများ
အားလုံးဟာ ငါဖြစ်တယ်။
မာရီလင်မွန်ရိုးသို့တမ်းခြင်း
“ဆင်းရဲခြင်းကဒုက္ခ” တဲ့။
နီလာရောင် ရေချိုးခန်း
ပဲရစ်ရေမွှေးဖြန်းထားသော ပန်းခြံ
မရမ်းရောင်ရှန်ပိန်၊ ရေခဲစိမ် “မာတီနီ”
ငွေခြည်ရောင် ရေခဲသေတ္တာတို့ ကြားမှာ
အဆိပ်သောက် သေဆုံးသွားသော
ဟောလီးဝုဒ်၏ ကြယ်ပွင့်အပြာ
အို မာရီလင်မွန်ရိုး။
“ချမ်းသာခြင်းမှာဘာဒုက္ခများတွေ့ခဲ့သလဲ” ။
ငှက်ပျောသီးစားသူ သို့
လမ်းမအနက်ရောင်ပေါ်မှာ
ငှက်ပျောခွံမပစ်ပါနဲ့။
ဆူကာနို၊ နစ်ဆင်
ဂျွန်ဆင်၊ ဒေါက်တာနိုး
ဘားဒိုး၊ ဂိုးလ်ဖင်းဂါးတို့
နင်းမိသွားလျှင်အရေးမကြီးပါ။
ဇီးသီးရောင်းသူလေး
ဆေးလိပ်သမလေး၊ ကျေးရွာသူလေး
မြို့ ကျောင်းသူလေးများ
နင်းမိသွားလျှင် သနားစရာ။
လဘ္ဘက်ရည် တစ်ခွက်
ငွေလရောင်ခြည်ကို
ချစ်သူ့ ထမီထဲမှာ ထည့်ချင်တယ်။
ဆိုဖီယာလောရင်း နှုတ်ခမ်းကို
နမ်းစုတ်ချင်တယ်။
အားလုံးအာသာပြေအောင်
လဘ္ဘက်ရည် တစ်ခွက်ပဲ သောက်လိုက်ပါတယ်။
တနင်္ဂနွေတစ်ခုရဲ့ ခံစားမှု
လမ်းထိပ် ကွမ်းယာဆိုင်က
သကြားလုံးဟာ ချိုတယ်။
ဂျယ်ရီလူးဝစ္စနဲ့
သန်းနွဲ့က ရီရတယ်။
နှင်းဆီမလေးရဲ့ အပြုံးများဟာ
ငါ့ကို ဖမ်းစားသွားခဲ့တယ်။
လှပတဲ့ ရပ်ကွက်များ
အမိုးနီနီ အိမ်များ
ရေဒီယိုတေးသံများ
ရှမ်ပိန်ရောင်မီးပွင့်များ
စန္ဒယားရောင် လမ်းမများနဲ့
ခမ်းနားပေ့ မြို့တော်ရဲ့ ရပ်ကွက်များ။
ရပ်ကွက်မှာ နေသူများကား
အရက်သမား၊ ဖဲသမား
ဘုရားလူကြီး၊ မြို့သူဗိုလ်ကတော်
ဗိုက်သားပေါ်တဲ့ အရာရှိ မယားငယ်နဲ့
အခြားဟန်ဆောင်ကောင်းကြသူများ။
ပေါင်မုံ့စားသူများအကြောင်း
နက်စ်ကဖီးရယ်
ရှယ်နယ်နံပါတ်ငါးရယ်
စတော်ဘယ်ရီပင်ရယ်
သင်တို့ကို ကျွန်ုပ်လေးစားပါတယ်။
သင်တို့ရဲ့ အရှင်သခင် လူတွေကတော့
'ဘယ်ရီကရင်း လိမ်းရတယ်'
'ဆံပင်တိုတို ညှပ်ရတယ်'
'ကောလိပ်ပညာ တတ်ရတယ်'
'ဘုရားရှိခိုးရတယ်'
'ရွန်နယ်လ်ကား စီးရတယ်'
'ဗက်၆၉ သောက်ရတယ်'
ဒီစာတမ်းတွေ ရှေ့မှာပြပြီး
ဒေါသဖြစ်ကြ အတင်းပြောကြ
မနာလိုကြ၊ စိတ်ထားညစ်ကြ
ဒီလိုနဲ့ စစ်ဆိုတာဖြစ်လာကြတယ်။
စိတ်ကူးထဲက ချိုချဉ်များ
ကျနော်လိုချင်တာ
သုံးခုရှိပါတယ်။
မေရှင်ရဲ့ 'ပျို့မှာတမ်း' ဓါတ်ပြား၊
ပီကာဆိုရဲ့ ပန်းချီကားတစ်ချပ်၊
၃၁လမ်းက ဂွက်ထော်။
ကျနော်မလိုချင်တာ သုံးခုကတော့
နစ်ဆင်၊ သူ၏ လမ်းစဉ်နဲ့
ငြိမ်းချမ်းရေး။
သိဒ္ဓတ္ထလှိုင် (သုခမိန်လှိုင်) ရဲ့ "ဂျွန်လ၏မိုးရေများ" (၁၉၇၁) ကဗျာစာအုပ် မှ ကဗျာတချို့ကို ကူးယူဖော်ပြပါတယ်။ စာလုံးပေါင်းမှား၊ စာလုံးကျန်ခဲ့ပါက ကဗျာဆရာနဲ့ မသက်ဆိုင်ပါ။ စာရိုက်သူ ကျွန်တော်ရဲ့ အမှားသာဖြစ်ပါတယ်။
Copyright @ Thukhamein Hlaing. All Rights Reserved. This is your personal copy and non-commercial use ONLY.
Nyein Chan Aye facebook မှကူးယူဖော်ပြသည်။
Nyein Chan Aye facebook မှကူးယူဖော်ပြသည်။
No comments:
Post a Comment