အမှတ်တမဲ့ခရီးသွားခြင်းများ

ဂျွန်လ (၆)ရက်
“ဟေ့ကောင်ထစမ်း”
စကားသံနှင့်အတူ ဖြောင်းခနဲ။ ကျွန်တော့် ဘယ်ဘက်ပါးပူခနဲ။ ကျွန်တော် ကျင့်သားရနေသူလို ငေါက်ခနဲထိုင်မိသည်။ ဒီလိုညဉ့်နက်ချိန်ရောက်တိုင်း လူတစ်စုရောက်လာမြဲ။ မေးခွန်းတွေမေး
သည်။ ပြီးရင် အားရအောင်ရိုက်သည်။ ကျွန်တော့ကို မေးခွန်းတွေမေးလိုက် ရိုက်လိုက်။ ကျွန်တော်လည်း
ဘာဖြေမိမှန်းမသိ။ အသိတစ်ခုပဲခေါင်းထဲမှာရှိသည်။ လုပ်ဖော်ကိုင်ဖက်တွေကိုတော့ တက်နိုင်
သမျှမပေါ်အောင် နုတ်ပိတ်နေရမည်။ ဒီအသိရှိသည်။ မြေအောက်လှို့ဝှက်လုပ်ဆောင်ရာတွင် တစ်စုံတစ်ခု
ကြောင့် အာဏာပိုင်တွေသိသွားလျှင် မိမိလုပ်ဖော်ကိုင်ဖက်တွေအတွက် (၄၈)နာရီတောင့်ခံထားရမည်။ ဒီအသိခေါင်းထဲစွဲနေသည်။ မဖော်ဖြစ်။ ကျွန်တော်ထောက်လှမ်းရေး (၆) စစ်ကြောရေးစခန်းကိုရောက်တာ ဒီနေ့ဆို (၇)ရက်ပြည့်သည်။ ရေမချိုးရ။ မျက်နှာမသစ်ရ။ သန့်ရှင်းရေးဘာတစ်ခုမှမလုပ်ရ။

ကျွန်တော် ခေါင်းတွေမူးနောက်နေသည်။ ကောင်းကောင်းမအိပ်ရတာတာလည်း (၇) ရက်ရှိပြီ။ ထမင်းလည်းမစားနိုင်။ ရေကိုလည်း တစ်နေ့ကိုနည်းနည်းလေးပဲတိုက်သည်။ နေရောင်လည်းမမြင်ရ။ မျက်လုံးကို သားရေပြားဖြင့်ပိတ်ထားသည်။ ဘာမှမမြင်ရ။ ကျွန်တာ့်မျက်လုံးမှာ သားငန်ရည်လို မျက်လုံးထဲက ကျလာသည်။ တော်တော်လေးအနံဆိုးလာသည်။ နှားခေါင်းဒဏ်ရာကလည်း တစ်စစ်စစ်နာကျင်နေသည်။ တမံတလင်းပေါ်တွင်ကျွန်တော့်ကိုထားသည်။

အုပ်စုသုံးစုခွဲ၍ ကျွန်တော့်ကိုစစ်သည်။ မနက်မိုးလင်း ၆ နာရီလောက်ထင်သည် အုပ်စုတစ်စုရောက်လာ
သည်။ ဘာမှမမေး။ တွေ့သမျှ ကြုံးရိုက်သည်။ ပုံစံမျိုးစုံလုပ်ခိုင်းသည်။ တစ်ခါမှ မကြားဖူး မမြင်ဖူးသည့်
ပုံစံတွေ။ လက်မြောက်ခိုင်းသည်။ ရိုးရိုးမြောက်ခိုင်းခြင်းမဟုတ်။ လက်ကိုအလယ်တစ်ဝက်ပဲ မြှောက်ရသည်။ ဘေးကရိုက်မည့်လူက စောင့်နေသည်။ လက်ကျလျှင်ရိုက်သည်။ လက်နည်းနည်းအပေါ်တင်မိလျှင်ရိုက်
သည်။ လဲကျလျှင်လည်းရိုက်သည်။ တုတ်ဖြင့်ရိုက်ခြင်းဖြစ်သည်။ လေယာဉ်စီးပုံစံ၊ ဆိုင်ကယ်စီးပုံစံ၊မိချောင်း
သွားပုံစံ၊ ကျောက်စရစ်ခဲများပေါ်တွင် လေးဘက်ဒူးထောက်သည့်ပုံစံ၊ ကုန်းကုန်းကွကွပုံစံမျိုးစုံ။ သူတို့လိုချင်
သည့်ပုံစံမဖြစ်လျှင် ရိုက်သည်။ နောက်ဆုံး ဘာလုပ်လုပ်ရိုက်တော့သည်။

ကျွန်တော်အမေ့ကိုသတိရသည်။ ကျွန်တော့်အမေလည်း အရိုက်ကြမ်းသည်။ အမေအရိုက်ကြမ်းသည်ဟု ထင်ခဲ့သမျှ စစ်ကြောရေးစခန်း ရောက်မှ အမေရိုက်တာပမွှားဆိုတာသိသည်။ အမေက ကျွန်တော့ကို လူကောင်းဖြစ်စေချင်၍ ရိုက်ပြီးဆုံးမခြင်းဖြစ်သည်။ ပုဆိုးချွတ်ပြီး ခဏခဏအရိုက်ခံရသည်။ လူပျိုပေါက်အရွယ်။ ရှက်သည်။ ကျွန်တော်ကလည်း တော်တော်လေးဆိုးခဲ့သည်။ မကောင်းတာ တော်တော်
များများလုပ်ခဲ့ဖူးသည်။ထားတော့။ ထောက်လှမ်းရေးမှာတော့ ရိုက်ပဲရိုက်နိုင်လွန်းသည်။ တစ်ကိုယ်လုံးရစ
ရာမရှိ။ အကုန်နာနေသည်။ ထပ်ရိုက်သည်။ ရည်ရွယ်ချက်မရှိ။

နောက်အုပ်စုတစ်စုက မွန်းလွဲပြီးလောက်တွင်ရောက်လာသည်။ ဖေးဖေးမမပြောသည်။ ချိုချိုသာသာမေး
သည်။ ဆေးလိပ်တိုက်သည်။ ဘာစားချင်လည်း ဘာလိုချင်လည်းမေးသည်။ မင်းမှာရှိတာ လုပ်ခဲ့တာ အကုန်ဖော်လိုက်ပါဟု တိုက်တွန်းသည်။ ကျွန်တော်လည်း စိတ်ကယိုင်နေပြီ။ ပြောချင်နေပြီ။ သေမှာလည်း
ကြောက်သည်။ အရိုက်လည်းထပ်မခံချင်တော့။ ကျွန်တော်လုပ်ခဲ့တာလေးတွေကို နည်းနည်းအစပျိုးဖော်
လိုက်သည်။ သူတို့လိုက်မှတ်သည်။ အေးအေးဆေးဆေးထပ်စဉ်းစားဖို့ ပြောပြီးပြန်ထွက်သွားသည်။

ညဘက် နောက်တစ်စုရောက်လာသည်။ ဘာမှမမေးပဲ ရိုက်တော့သည်။ ဘာဖြစ်လို့အခုမှမင်းကဖော်တာ
လည်းဆိုပြီးထပ်ရိုက်ပြန်သည်။ သူတို့ကိုလိမ်သည်ဆိုပြီးရိုက်သည်။ ထို့နောက် မေးခွန်းတွေထပ်မေးပြန်
သည်။ ကျွန်တော်ထပ်ဖြေရသည်။ မေးတာတွေကစုံသည်။ ကျွန်တော်လည်း ဘာလုပ်ရမှန်းမသိတော့။
လိမ်တာတွေများသွားသည်။ ပြီးခဲ့သည် (၇) ရက်က ကျွန်တော်ဘာဖြေခဲ့မှန်းမမှတ်မိတော့။ အဲ့ဒါတွေ
ပြန်မေးတော့ ကျွန်တော်မမှတ်မိတော့။ ဒါနဲ့ပဲ ဂျာအေးသူ့အမေရိုက်ဖြင့် ဂျာဂျာလည်တော့သည်။ နောက်ဆုံး
ကျွန်တော်လုပ်သမျှကို အကုန်ပြောပါ့မယ်ဟုသူတို့ကို ပွင့်ပွင့်လင်းလင်းပြောသည်။ အခုလောက်ဆို ကျွန်တော့်လုပ်ဖော်ကိုင်ဖက်တွေ ရှောင်တိမ်း(သို့)လွတ်မြောက်နေလောက်ပြီ။ ကျွန်တော်လုပ်ခဲ့သမျှ
တစ်ချို့ကိစ္စတွေကို ချန်ခဲ့သည်မှအပ ကျန်တာကို အကုန်ပြောပြခဲ့ရသည်။ ကျွန်တော် မောနေပြီ။ သူငယ်
ချင်းတွေ လွတ်မြောက်ပါစေလို့သာဆုတောင်းမိသည်။

။(မင်းငြိမ်)။