ကျောင်းသားတပ်မတော်ကို ခပ်ကြမ်းကြမ်းဝေဖန်ထားတဲ့ဝေဖန်စာတစောင်ပါ။ ဘာပဲဖြစ်ဖြစ် ကျောင်းသား တပ်မတော် ကိုသူမြင်တဲ့အမြင်နဲ့ ဒီလိုရုပ်ပျက်ဆင်းပျက်လူသတ်ပွဲဘာကြောင့်ဖြစ်ခဲ့သလဲဆိုတဲ့ ပီတာကြည်သာဆိုသူရဲ့ အမြင် ကို လေ့ လာသင့်တယ်ထင်လို့ တင်လိုက်ပါတယ်။
အမှန်ကို ဖေါ်ထုတ်ချင်တယ် ဆိုရင် အမှန်အတိုင်း ကျိုးကြောင်းဆင်ခြင်ကြည့်ဖို့ လိုတယ်။ ခုဟာက ရန်သူ့လူ ရန်သူ့သူလျှိုဆိုပြီး အပေါစားစွပ်စွဲနည်းနဲ့ ပြော နေတဲ့ကိစ္စပဲ။ ၀ိပဿနာတရားရှု တရားထိုင်တဲ့အခါ မခံ မရပ်နိုင်အောင်စိတ်ကောခန္ဓာကိုယ်ကော အစပထမမှာနာကျင်ကိုက်ခဲရသလို အခု အေဘီ မြောက်ပိုင်း ကိစ္စ မှာအမှန်အတိုင်း ကျိုးကြောင်းဆင်ခြင်ကြည့်မယ်ဆိုရင် တွေ့နိုင်တဲ့အချက်တွေကို ထောက်ပြတဲ့သူ က ထောက်ပြရင် နာကျင်ကိုက်ခဲ မခံမရပ်နိုင် ဖြစ် ကြမယ် ဆိုတာ ကြိုပြောထားပါရစေ။ တရားထိုင်ရင်း ရ လာတဲ့ နာကျင်ကိုက်ခဲတဲ့ ဝေဒနာကို တည့်တည့်ရှုရင်း နာကျင်ကိုက်ခဲမှုတွေ တစတစ သက်သာ ပျောက် ကွယ်ပြီး စိတ်တွေ ကြည်လင်သန့်ရှင်း တရားထူးတရားမြတ်ကို ခံစားရရှိသလိုမျိုး ဖြစ် လာလိမ့်မယ် လို့ ပြော ပါရစေ။ အစပထမမှာ မခံမရပ်နိုင် ဖြစ်ကြ ရပေမယ့် အမှန်အတိုင်း ကျိုးကြောင်းဆင်ခြင်ကြည့်ရင် အကျိုးသင့် အကြောင်းသင့် အချက်အလက်တွေကို တွေ့ရှိရမှာ ဖြစ်ပါတယ်။
စစ်စည်းကမ်းတွေ အမိန့်နာခံမှုတွေ စနစ်တကျနဲ့ လေ့ကျင့်ထားပြီး နှစ်ပေါင်းများစွာ နိုင်ငံတကာစစ် တပ်တွေ လို အသားကျနေတဲ့ မြန်မာနိုင်ငံက အစိုးရ စစ် တပ်အတွက်ကတော့ အေဘီအက်စိဒီအက်ဖ် ဆိုတာ ကို လေးလေးစားစား မရှုမြင်ပါ။ တခြားသော ဗကပ တို့လို တိုင်းရင်းသားလက်နက်ကိုင်တပ်တွေလို တဦးချင်း မှာ နိုင်ငံရေးတွေ သဘောတရားရေးတွေ ခိုင်ခိုင်မာမာ ယုံကြည်မှုနဲ့ နှစ်ပေါင်းများစွာ တည်ဆောက်ထားတဲ့ စနစ်တကျ လက်နက်ကိုင်စစ်တပ်တွေ လို လေးလေးစားစား မရှုမြင်ပါဘူး။ ၁၉၈၈ လူထုအုံကြွမှုကြီး ဖြိုခွင်းခံ ရတော့မခံချင်စိတ်တွေစိတ်ခံစားမှုemotion တွေနဲ့ တောထဲကို စနစ်မကျ အစီအစဉ် မဲ့ ကျောထောက်နောက် ခံ resources မရှိကြပဲ ပရမ်းပတာ ထွက်လာကြတဲ့ ကလေးသာသာလေးတွေလို့ပဲ အေဘီအက်စိဒီအက်ဖ်ကို အစိုးရစစ်တပ်က မြင်ပါ တယ်။
လက်နက်ကိုင်တိုက်ပွဲတွေ ဆင်နွှဲဖို့ နေနေသာသာ လက်နက်ကိုင်ခွင့်ရဖို့ကိုပဲ စိတ်ကူးယဉ်နေရတဲ့ မလောက် လေး မလောက်စား စစ်တိုက်တမ်း ကစား ချင်တဲ့ ကလေးအရွယ်တွေ လို့ပဲ အေဘီအက်စိဒီ အက်ဖ်ကို အစိုး ရစစ်တပ်က သဘောထားပါတယ်။ ဘာကြောင့်လဲဆိုတာကို အစိုးရစစ်တပ် ပေါ်ပေါက် ပေါက် ဖွားလာပုံ နဲ့ အေဘီအက်စိဒီအက်ဖ် ပေါ်ပေါက်လာပုံကို နှိုင်းယှဉ်ကြည့်ဖို့လိုတယ်။ အေဘီအက်စိဒီအက်ဖ် ခေါင်းဆောင်တွေ ဟိုနိုင်ငံသွားဒီနိုင်ငံသွား လုပ်နေ ကြတာကို ရန်သူက မျက်စေ့နောက်တာနဲ့ ဗီဇာတွေ မရအောင်ဆိုပြီး အေ ဘီအက်စိဒီအက်ဖ်ကို မတရားသင်းတို့ အကြမ်းဘက်အဖွဲ့တို့ အဖြစ် တခြားနိုင်ငံတွေ ကို အသံပေးချင်တာနဲ့ တံဆိပ်တပ်ထားတာပါ။ ဗကပ တို့လို တိုင်းရင်းသားလက်နက်ကိုင်တပ်တွေလို ရန်သူက လေးလေးစားစား ရှိနေလို့ မဟုတ်ပါဘူး။ ဂလိထိုးထားတာလောက် လုပ်တာပါ။
ဒီကနေ့ အစိုးရစစ်တပ်ရဲ့ ဘီအိုင်အေ ဆိုတာက စတဲ့ သူ့သမိုင်းကို ပြန်ကြည့်ရင် လူရိုသေရှင်ရိုသေ တဲ့ ခေါင်းဆောင်တွေရဲ့ နှစ်နဲ့ချီ အချိန်ယူ စဉ်းစားစီစဉ် ကြံဆမှုတွေနဲ့ စနစ်တကျ လုပ်ကိုင်ဆောင်ရွက် ခဲ့ကြလို့ ဒုတိယကမ္ဘာစစ်က ဘီအိုင်အေကို ပေါက်ပေါက်လာစေဖို့ အခင်းအကျင်းအနေအထား ပေးခဲ့လို့ ဒီအခင်းအကျင်းကိုလည်း မျိုးချစ်မြန်မာ့ခေါင်းဆောင်တွေ ဉာဏ်ပညာနဲ့ အသုံးချနိုင်လို့ ဆိုတာတွေ ကို ပြန်တွေ့ရလိမ့်မယ်။ ဗိုလ်ချုပ်အောင်ဆန်းနဲ့ အတူ ကျဆုံးခဲ့တဲ့ သခင်မြလို ဒေါက်တာသိမ်းမောင်တို့လို လူရိုသေရှင်ရိုသေ ခေါင်းဆောင်အကြီးပိုင်းတွေက ဒုတိယကမ္ဘာစစ်နဲ့ ဂျပန်နဲ့ကို အသုံးချပြီး နှစ်နဲ့ချီ အချိန်ယူ စဉ်းစားစီစဉ်ကြံဆမှုတွေနဲ့ စနစ်တကျ လုပ်ကိုင်ဆောင်ရွက်ခဲ့ကြတာဟာ ဘီအိုင်အေတပ်ပေါ်ပေါက် လာစေ ဖို့ ရှေ့ပြေးအကြောင်းတရားဖြစ်တယ်။ ရဲဘော်သုံးကျိပ်ဆိုတာကို အသုတ်လိုက် စနစ်တကျ မြန်မာပြည် ထဲ ကနေ လျှို့ဝှက်ထွက်ခွာနိုင်အောင် သခင်ချစ်တို့လို ခေါင်းဆောင်လတ်တွေက အသက် စွန့်ပြီး စီစဉ်နိုင် ခဲ့ကြ တယ်။ တခါ အင်္ဂလိပ်နဲ့ အမေရိကန်က တရုတ်ပြည်မှာ ဂျပန်တပ်တွေကို ခံချနေတဲ့ ချန်ကေရှိတ်တရုတ် တပ်တွေဆီကို တရုတ်-ဗမာလမ်း မကြီးကနေ လက်နက်တွေပို့ပြီးကူညီနေတာကို ရပ်သွားစေဖို့ ဂျပန်က အင်္ဂလိပ်ကိုလိုနီမြန်မာပြည်ကိုပါ စစ်တိုက်ရတော့မယ့် ဒုတိယကမ္ဘာစစ်ရဲ့ အခင်းအ ကျင်းတခုက ထပ်ပြီးပေါ်ပေါက်လာပြန်တယ်။ အဲဒီအချိန်မှာမှ သခင်အောင်ဆန်းလို အရည်အချင်းပြည့် တနိုင်ငံလုံး သိပြီးသား ကျောင်သားခေါင်းဆောင်နဲ့ ဒို့ဗမာအစည်းအရုံးခေါင်းဆောင်ဟာ အင်္ဂလိပ်ကို လက်နက်ကိုင်တော် လှန်ဖို့ တရုတ်ကွန်မြူနစ်ပါတီနဲ့ အဆက်အသွယ်ရဖို့ မြန်မာပြည်ပြင်ပကို ရောက်နေလို့ ဒီလိုလူတော်ခေါင်း ဆောင်နဲ့ ဂျပန်နဲ့ ဆက်မိလို့ နောင်မှာ ဘီအိုင်အေတပ် ပေါ်ပေါက်လာခဲ့ တာ ဖြစ်တယ်။
မြန်မာပြည်ပြင်ပရောက်နေတာ ဘာကြောင့် ထည့်ပြောရလဲဆိုတော့ သခင်အောင်ဆန်းထက် ၀ါရင့်တဲ့ တခြားခေါင်းဆောင်တွေ တန်းတူခေါင်းဆောင်တွေ ထောင်တွေကျနေကြ နယ်စပ်ရောက်ပြီးမှ အင်္ဂလိပ် အစိုးရစုံထောက်တွေရဲ့ အဖမ်းခံရပြီး ပြည်ပကိုထွက်လို့ မရနဲ့ ဖြစ်ခဲ့ကြတာကြောင့်၊ အရည် အချင်းပြည့်ခေါင်းဆောင်တွေ ရှိပေမယ့် အခြေအနေ မပေးရင်လည်း ဘာမှ ဖြစ်မလာဘူးဆိုတာ ကျိုးကြောင်း ဆင်ခြင်စေချင်လို့ပါ။ မြန်မာပြည်ပြင်ပကို ရောက်နေတဲ့ ခေါင်းဆောင်က ခပ်ညံ့ညံ့ဆိုရင်လည်း ဒီကနေ့ အစိုးရရဲ့စစ်တပ်ကြီးမပြောနဲ့ ဘီအိုင်အေတောင် ဖြစ်လာမှာ မဟုတ်ဘူ။ ခေါင်းဆောင်က ညံ့လို့ ဘီအိုင်အေလောက်ဖြစ်မလာပဲ ဒီကနေ့ အေဘီ အက်စ်ဒီအက်ဖ်လောက်ပဲ ဖြစ်ခဲ့ရင်လည်း ပါဂျောင်က လူသတ်ပွဲမျိုး အဲဒီတုန်းကတည်းက ဖြစ်ပေါ်နိုင်တယ်။ တခါ ကမ္ဘာ့တန်းမှီ စစ်ပညာသင်ကြားနိုင်တဲ့ ဂျပန်စစ်တပ်ရဲ့ လေ့ကျင့်ပေးခံရတဲ့ အထက်အောက်အဆင့်ဆင့် အမိန့်နဲ့ စစ်စည်းကမ်းလိုက်နာရိုသေမှု ဆိုတာကိုလည်း ဒီကနေ့ အစိုးရစစ်တပ်ကို ဖြစ်ပေါ် လာစေတဲ့ ရဲဘော်သုံးကျိပ်မှာ ရရှိခဲ့ကြတယ်။ ဒါတွေက စစ်တပ်တခုအတွက် ရုပ်ဝတ္ထုပစ္စည်းစစ်လက်နက်တွေထက် စိတ်ဓါတ်ရေးရာအရ ပိုပြီးအရေးကြီး တဲ့ သေရေး ရှင်ရေး တမျှလိုအပ်မှု ဖြစ်တယ်။ ကျောထောက်နောက်ခံ resources အဖြစ် အင်္ဂလိပ် အမေရိကန်နဲ့ တန်းတူ ရည်တူ စစ်တိုက်နေတဲ့ ဂျပန်စစ်တပ်ရဲ့ စစ်ရေးလေ့ ကျင့်ပေးမှုကို ရဲဘော်သုံးကျိပ်က ရရှိခဲ့ကြတယ်။
ဒီလိုအကြောင်းတရားတွေနဲ့ ဘီအိုင်အေ ဘီဒီအေ မျိုးချစ်ဗမာ့တပ်မတော် နောက်ဆုံး ဒီကနေ့အစိုးရရဲ့ စစ်တပ်အထိ ဖြစ်လာခဲ့တယ်ဆိုတာကို ကျိုးကြောင်းဆင်ခြင်ကြည့်ရင် တွေ့နိုင်ပါပြီ။ ရဲဘော်သုံးကျိပ်တို့ စနစ်တကျ ရရှိခဲ့တာမျိုးတွေ အေဘီအက်စ်ဒီအက်ဖ်မှာ မရှိဘူး။ အခြေအနေအချိန်အခါတွေ မတူလို့ ဆိုတာကိုလည်း အချက်တချက်အဖြစ် တွေ့ရမယ်။
အခု ဒီကနေ့အစိုးရစစ်တပ် ပေါက်ဖွားလာပုံနဲ့ အေဘီအက်စ်ဒီအက်ဖ် ပေါက်ဖွားလာပုံက်ု အားမနာတမ်း အရှိကိုအရှိအတိုင်း နှိုင်းယှဉ်ကြည့်ပါ။ တူနေတာ ဆိုလို့ တစ်ခုပဲ ရှိတာကို တွေ့ရပါမယ်။ အဲဒီခေတ်က မျိုး ချစ်ခေါင်းဆောင်တွေ အင်္ဂလိပ်အစိုးရကို မခံချစ်စိတ်နဲ့ လက်နက်ကိုင်တပ်မတော် တည်ထောင်ချင် တာဖြစ် သလို၊ ၁၉၈၈ မှာလည်း စစ်အစိုးရ မဆလကို မခံချင်စိတ်နဲ့ စွန့်စားရဲသူ ကျောင်း သားကျောင်းသူတွေ နဲ့ အရပ်သားတချို့ လက်နက်ကိုင်တပ်မတော် တည်ထောင်ချင်ကြတာမှာ စိတ်အခံ emotion ချင်းမှာ တူ ညီနေ ကြပါတယ်။ ဒီတခုမှပဲ တူပါတယ်။
ကျန်တာတော့ တခုမှ မတူဘူး။
၁၉၈၈ လူထုအုံကြွမှု မတိုင်ခင်က ဘယ်ကျောင်းသားခေါင်းဆောင်ကမှ သို့မဟုတ် ကျောင်းသားတွေအပေါ် သြဇာလွှမ်းနိုင်သည့် ဘယ်အဖွဲ့အစည်းဖြစ်စေ လူပုဂ္ဂိုလ်တွေက ဖြစ်စေ၊ တနေ့မှာ လက်နက်ကိုင်တပ်မတော် တည်ထောင်နိုင်ရေး (သခင်မြတို့ ဒေါက်တာသိမ်းမောင်တို့လို) ရှေ့ပြေးစဉ်းစားစီစဉ် ကြံဆတာ တွေနဲ့ အေဘီအက်စ်ဒီအက်ဖ် ပေါ်ပေါက်ခဲ့တာ မဟုတ်ဘူး။ အပေါ်က ဘီအိုင်အေ ပေါ်ပေါက်လာစေတဲ့ အကြောင်း တရားတွေနဲ့ တချက်ချင်း တိုက်ဆိုင်နှိုင်း ယှဉ်ကြည့်ပါ။ စစ်အစိုးရနဲ့ တန်းတူရည်တူ စစ်မ တိုက်နိုင် တဲ့ တိုင်း ရင်းသားလက်နက်ကိုင်တပ်ဖွဲ့တွေဆီ ကျောင်းသားတွေ ရောက်သွားခဲ့ခြင်းကလည်း မတူတဲ့ တချက်ဖြစ် ပါ တယ်။ ရဲဘော်သုံးကျိပ်က သူတို့အတွက် ကျောထောက်နောက်ခံ resource ဖြစ်တဲ့ ဂျပန်စစ်တပ်ကြီး ဆီ ရောက်သွားခဲ့တာ ဖြစ်တယ်။ ဒီတော့ စစ်ရေးလေ့ကျင့်မှု military training အထက်အောက်အဆင့်ဆင့် အမိန့်နဲ့ စစ်စည်းကမ်းလိုက်နာရိုသေမှု ဆိုတာတွေမှာလည်း၊ ဒီကနေ့ အစိုးရစစ်တပ်နဲ့ အေဘီအက်စ်ဒီအက်ဖ် တို့ ကြားမှာ သိပ်ကို ကွာခြားသွားတယ်။
ဒါတွေကြောင့် ဒီကနေ့ အစိုးရစစ်တပ်က အေဘီအက်စ်ဒီအက်ဖ်ကို မလောက်လေး မလောက်စား စစ်တိုက်တမ်းကစားချင်တဲ့ ကလေးအရွယ်တွေလို့ပဲ သဘောထားတယ်။ ဒီလို အကြောင်းတရားတွေကြောင့် ဒီကနေ့ အစိုးရစစ်တပ်က အေဘီအက်စ်ဒီအက်ဖ်လို ပါချီပါချက်ကို သူလျှိုလွှတ်ပြီး ဖျက်ဆီးပစ်ဖို့ ထိ အချိန်ကုန်ခံ ကြံစည်စရာအကြောင်း မရှိပါ။
အစိုးရစစ်တပ်က သူတို့လိုပဲ စစ်ရေးအရ တန်းတူထားတဲ့ ဗကပနဲ့ တခြားတိုင်းရင်းသား လက်နက်ကိုင် တပ်ဖွဲ့တွေဆီတောင် သူလျှိုလွှတ် ဖျက်ဆီးခဲ့တဲ့ သမိုင်း မရှိခဲ့ပါ။ ဒီနေရာမှာ အစိုးရစစ်တပ်ဘက်ကို ကြည့်ရင် လည်း သူ့ရန်သူတွေထဲ တသီးတသန့်လွှတ်ပြီး သူလျှိုထည့်ထားနိုင်လောက်တဲ့ အနေအထားကော အရည် အချင်းကော အစိုးရစစ်တပ်မှာ မရှိပါ။ ဒေသခံနယ်မြေခံ သတင်းပေး မွေးထားတာတွေပဲ အာဏာကုန် လုပ်နိုင်တယ်။ ဒါကလည်း အရည်အချင်း မရှိ တာထက် ၁၉၀၅ မှာ ရုရှကို ဂျပန်က အနိုင်မတိုက်ခင် ဂျပန် မှာလေ့ကျင့်ထားတဲ့ နဂါးနက်သူလျှိုတွေကို နှစ်နဲ့ချီပြီး ရုရှနိုင်ငံထဲမှာ မြှုပ်ထားပြီးမှ စစ်တိုက်နိုင်တဲ့ ခေတ်မျိုး မဟုတ်တော့လို့ ပါ။ အေဘီ မြောက်ပိုင်းမှာ ရန်သူစစ်အစိုးရက လာမြှုပ်နှံထားတဲ့ သူလျိုတွေလို့ စွပ်စွဲခံရ သူတွေဟာ ရန်ကုန်လို မန္တလေးလို မြို့ကြီး တွေက ရောက်လာကြတဲ့ ကျောင်း သား ခေါင်းဆောင်တွေဖြစ်ကြ ပြီးတော့ ရုရှဆိုက်ဘေးရီးယားမှာ ဂျပန်က နဂါးနက်သူလျှိုတွေ လွှတ်ပြီးနှစ်နဲ့ချီ မြှုပ်နှံထား တာမျိုး စွပ်စွဲခံကြ ရတာပါ။ ပါဂျောင်လိုဒေသနဲ့ (ရန်ကုန် မန္တလေးလိုနဲ့) နှိုင်းယှဉ်ပြောရင် စွပ်စွဲသူတွေကမှ အဲဒီဘက်နဲ့နီးတဲ့ နယ်သားတွေပါ။ ရန်သူစစ်အစိုး ရက သူ့ရေသူ့မြေ ရန်ကုန် မန္တလေးလို နေရာတွေမှာ လေ့ကျင့်ထားတဲ့ (ဂျပန်နဂါးနက်လို) သူလျှိုတွေကို ပါဂျောင်လိုနေရာမှာ လာပြီြးဲမှုပ်နှံဖို့ ဘယ်လိုမှ မဖြစ် နိုင်ပါ။ မဖြစ်နိုင်တဲ့ အကြောင်းက ခုနကပြောသလို ရန်သူစစ်အစိုးရက သူတို့လိုပဲ စစ်ရေးအရ တန်းတူထားတဲ့ ဗကပနဲ့ တခြားတိုင်းရင်းသား လက်နက်ကိုင် တပ်ဖွဲ့တွေဆီမှာတောင် ဂျပန်နဂါးနက်လို သူလျှိုတွေကို (ရန်သူစစ် တပ် က အရည်အချင်းမရှိလို့ပဲ ဖြစ်ပါစေ) မြှုပ်နှံတဲ့ အလုပ်မလုပ်တာမှာ၊ သူတို့အတွက် ပါချီပါချက် အေဘီ မြောက်ပိုင်း ကို သူလျှိုလွှတ်စရာ အကြောင်းမရှိပါ။ ဒါ့အပြင် ဂျပန်နဂါးနက်တွေလို သူလျှိုတွေကို ပါဂျောင် လိုနေရာကို သွားပြီးမြှုပ်နှံဖို့ဆို တာ အဘက်ဘက်က ဘယ်လိုပဲတွက်တွက် ရန်သူအတွက် အမြတ်မရှိပါ။ ရန်သူက သူလျှိုတွေပို့မယ့်အစား ပါဂျောင်ကို မီးလောင်ဗုံးတွေ ကြဲချဖို့သာ စဉ်းစားမှာ ဖြစ်တယ်။
ဗကပ ပြိုကွဲသွားတာကို ရန်သူအစိုးရက သူလျှိုလွှတ်လို့ပါလို့ သ္ခိက္ခာမဲ့စကား ဗကပဆီက မကြားဖူးပါ။
ကိုယ့်အချင်းချင်း ပညာပေးစည်းရုံးနိုင်မှု လစ်ဟင်း ပျက်ကွက်ခဲ့လို့ စစ်တပ်ကြီးအဖြစ်ကနေ ပြိုကွဲသွား ပြီးတော့ အခု ယူဂျီမြေအောက်ပါတီအဖြစ် ရပ်တည်နေ ပါတယ်လို့ အကြောင်းတိုက်ဆိုင်တိုင်း ဗကပက ဂုဏ်သိက္ခာရှိရှိ ၀န်ခံရေးသားပြောဆိုပါတယ်။ ၁၉၆၆ – ၆၈ သခင်သန်းထွန်း အချိန်အခါက ဖြုတ်-ထုတ်- သတ်တွေ ဖြစ်ခဲ့တာမှာလည်း ရန်သူလွှတ်ထား တဲ့သူလျှိုမို့ သတ်ပစ်လိုက်ရပါတယ်လို့ (ဒီကနေ့ အေ ဘီမြောက်ပိုင်းလူသတ်ပွဲတာဝန်ရှိသူတွေကို ကာကွယ်နေတဲ့ စကားမျိုး) ဗကပက မပြောခဲ့ပါ။ ဖြုတ်-ထုတ်-သတ်တွေလုပ်ခဲ့တာမှာလည်း ဟုတ်တာမဟုတ်တာ အပထား နိုင်ငံရေး သဘောတရားရေး အရ ဖေါက်ပြန်သူတွေအဖြစ် စွဲချက်တွေတင်ပြီးမှ (ပါဂျောင် မှာလို လူမဆန်တဲ့ ညှင်းပန်းနှိပ်စက်တာတွေ မလုပ် ပဲ) သတ်ပစ်ခဲ့တာကြောင့် အေဘီမြောက်ပိုင်း ပါဂျောင်လူသတ်ပွဲနဲ့ နှိုင်းယှဉ်ရင် ဗကပရဲ့ ဖြုတ်-ထုတ်- သတ် က အများကြီးဂုဏ်ရှိပြီး ဖြုတ်-ထုတ်- သတ်ခံခဲ့ရသူတွေမှာလည်း အေဘီမြောက်ပိုင်း ချစ်သူတွေ fan တွေလို သူတို့ခေါင်းဆောင်တွေ သတ်ခဲ့သူတွေ ဟာ ရန်သူ့သူလျှိုပါလို့ ထပ်ပြီး သိက္ခာချခံနေကြရတာမျိုး မဖြစ်ခဲ့ပါ။
အားလုံးကို ခြုံကြည့်လိုက်ရင် နိုင်ငံရေးသဘောတရားရေးအခံ မရှိပဲ စိတ်ခံစားမှု emotion သက်သက်နဲ့ အစီအစဉ်မရှိ ကျောထောက်နောက်ခံမရှိ တောခို လာခဲ့ကြပြီး စစ်ရေးအရ အမိန့်နာခံမှုတို့ စစ်စည်းကမ်း ရိုသေ လိုက်နာမှုတို့ကို စနစ်တကျလေ့ကျင့်ပေးထားတဲ့ professional လက်နက်ကိုင်တပ် မဟုတ် တဲ့ အေ ဘီအက်စ်ဒီအက်မှာ ဒေသစွဲ ကျောင်းစွဲ အဆင့်အတန်းစွဲတွေနဲ့ အတွင်းကြိတ်ပဋိပက္ခတွေ ရှိလာရာကနေ professional စစ်တပ်လို တကယ့်သေအတူ ရှင်မကွာ ညီအစ်ကိုစိတ်ဓါတ် ရဲဘော်ရဲဘက်စိတ်ဓါတ်လည်းမရှိ အထက်ကနေ မှန်မှန်ကန်ကန် အမိန့်ပေးကွပ်ကဲနိုင်မှုလည်း မရှိကြပဲ အာဏာရူးထာထက် စာမတတ် ပေမ တတ် ရပ်ကွက်လူမိုက်လို ရပ်ရွာလူမိုက်လိုလူတွေက ပဋိပက္ခအတွင်းမှာ လက်နက်အားကိုးနဲ့ အထက် စည်းနေရာရအောင်ယူပြီး ရွေဘရုပ်ရှင် ကားတွေထဲက ဆင်ခြင်တုံဉာဏ်ပညာမဲ့ တောလူမိုက်တွေလို ကိုယ်မကျေနပ်ကြည့်မရခဲ့သူတွေကို မိုက်ဂုဏ်ပြ သောက်စားမူးရူးရင်း ရမ်းကားနှိပ်စက်ပြီးမှ သတ်ဖြတ်ပစ်တဲ့ အဆင့်အတန်းမရှိ လူတွေသတ်တဲ့လုပ်ရပ်ဆိုးကြီးကို အဓိပ္ပါယ်မဲ့ ကျူးလွန်ခဲ့ကြတာ ဖြစ်တယ်။
လူသတ်ပွဲကြီးကျူးလွန်ပြီးခါမှ အရိုးတွန် ချိန်တန်လို့ တွန်သံတွေထွက်လာတေှာ့ လူသတ်သမားတွေနဲ့ မကင်း ရာမကင်းကြောင်းတွေ ဒီလို လနဲ့ချီ နှစ်နဲ့ချီဖြစ်ခဲ့တဲ့ ပါဂျောင်လူသတ်ပွဲကြီးအတွက် တာဝန်ရှိသူတွေက ဒီလူသတ်မှုကြီးထက် ပိုမိုအောက်တန်းကျလှစွာ ပိုမိုဆိုးရွားစွာ မိုးကြိုးပစ်တာကို ထန်းလက်နဲ့ ကာလိုကာ အရိုးတွေတွန်လာတာကို မတွန်ရဘူးလို့ ခြိမ်းခြောက်လိုခြောက် တော်လှန်ရေးအကြောင်းပြီး ဒါတွေ မပြောနဲ့တော့နော်လို့ မိန်းမသံနဲ့ ချော့လိုချော့ အသတ်ခံသွားရတဲ့လူတွေကို တကယ့်သူလျှိုတွေလိုလို ထပ်ထပ်ပြီးစွပ်စွဲချင်သလိုလို ထမင်းရည်ပူကို စစ်ထောက်လှမ်းရေးဆီ လျှာလွှဲလိုလွှဲနဲ့ ဖြစ်ပျက်နေကြတာ အင်မတန်ရွံဖို့ ကောင်းနေတယ်။
ရန်သူအစိုးရစစ်တပ်က အေဘီအက်စ်ဒီအက်ဖ်ကို ပါချီပါချက်ကလေးကလား ဖုတ်လေတဲ့ငါးပိ ရှိလေ တယ်တောင် သဘောမထားတာမှာ ကိုယ့်ကိုယ်ကို ရန်သူအစိုးရ စစ်တပ်က တလေးတစားအရေးထားတဲ့ တိုင်းရင်းသားလက်နက်ကိုင်တပ်ဖွဲ့တွေလို အိုက်တင်ထုတ်ပြီး အေဘီအေဘီနဲ့ လုပ်နေကြတာ သိက္ခာ ကို လုံးဝမရှိဘူး။ အခုလည်း ရန်သူအစိုးရက ငြိမ်းချပ်းရေးဆွေးနွေးဖို့ခေါ်တယ်ဆိုတာ ကေအင်ယူက သူတို့ထဲမှာ ၀င်ကစွပ်ကောင်လို လာပြီး အငှားခန္ဓာ မြှောင်နေတဲ့ အေဘီအက်စ်ဒီအက်ဖ်ကို မြန်မာပြည်ထဲ သိက္ခာလေး တပဲသားလောက်နဲ့ လက်နက်ချပြန်ဝင်သွားနိုင်အောင် ရန်သူအစိုးရကို ပွဲစားလုပ်ပြော ပေးထားလို့ ရန်သူက လည်း သူ့အကွက်နဲ့သူ လက်ခံလိုက်တယ်ဆိုတာ ရန်သူအစိုးရကော ကေအင် ယူကော အေဘီအက်စ် ဒီ အက်ဖ်ပါ သိပြီးသားပါ။ ကိုယ့် ကိုယ်ကို ရန်သူက လေးစားတဲ့ တိုင်းရင်းသားလက်နက်ကိုင်တပ်ဖွဲ့တွေလို ပဲများ မနေပဲ မြောက်ပိုင်းလူသတ်ပွဲက အမှန်တရားကို ဖေါ်ထုတ်ဝန်ခံတဲ့ အလုပ်ကို ရန်သူ့ဆီ ခေါင်းလေး ငုံ့ ပြန် မ သွားခင် အရင်လုပ်သွားလိုက်ကြဦး။
အခုလို ရှင်းရှင်းလင်းလင်းထောက်ပြလိုက်လို့ ၀ိပဿနာတရားရှု တရားထိုင်တဲ့အခါ မခံမရပ်နိုင်အောင် စိတ်ကော ခန္ဓာကိုယ်ကော အစပထမမှာ နာကျင် ကိုက်ခဲကြသလို မခံမရပ်နိုင် ဖြစ်ကြမှာပဲ။ တရားထိုင်ရင်း ရလာတဲ့ နာကျင်ကိုက်ခဲတဲ့ ဝေဒနာကို တည့်တည့်ရှုရင်း ဝေဒနာတွေ တစတစ သက်သာ ပျောက် ကွယ်ပြီး စိတ်တွေ ကြည်လင်သန့်ရှင်း တရားထူးတရားမြတ်ကို ခံစားလာရမယ် ဆိုတာ မမေ့ကြနဲ့။
နေ့ သစ် မှကူးယူဖော်ပြသည်။
နေ့ သစ် မှကူးယူဖော်ပြသည်။
