ကျွန်တော်သိခဲ့သော ABSDF(NB) ကောက်ကြောင်း-အပိုင်း(၄)

by Maungmaung Skw on Tuesday, 31 January 2012 at 03:16

          ဦးစီး လွှမ်းမိုးကို မျိုးဝင်းတို့ သံချောင်းတို့က သတ်လိုက်နိုင်ပေမဲ့ အများဆန္ဒနဲ့အညီ လွှမ်းမိုး ဖွဲ့ပေး ခဲ့တဲ့ ကော်မရှင်နဲ့ ကော်မရှင်ရဲ့လုပ်ပိုင်ခွင့် တွေကိုတော့ တားဆီးလို့ မရတော့ပေ။
          ကော်မရှင်က တပ်ဖွဲ့ဝင်ထုအတွင်း ရှေ့တန်းများပါမကျန် နေရာအနှံ့အပြားသို့ သွားရောက် ရှင်းလင်း ချပြပြီး ကျယ်ကျယ်ပြန့်ပြန့် ဆွေးနွေး စည်းရုံးခဲ့ကြသည့်အတွက် မြောက် ပိုင်းရောက် ကျောင်း သားတပ်ဖွဲ့ဝင်များ အားလုံးပါဝင်မဲပေးနိုင်ခဲ့ကြပြီး ၁၉၉၀ခုနှစ်မေလအတွင်းတွင် ဗဟိုကော်မတီဝင်(၁၉)ဦး ကို ရွေးချယ် တင်မြှောက် နိုင်ခဲ့လေသည်။
          မဲဆန္ဒ ရရှိမှု အနည်းအများ အစီအစဉ်အတိုင်း ရေတွက်လိုက်တော့ မျိုးဝင်းအတွက် နေရာ မရခဲ့ပါဘူး။ မဲပေးလို့ပြီးပေမဲ့ ကော်မတီမဖွဲ့စည်းရသေးတော့ ယခင်ကော်မတီဖြစ်တဲ့ABSDF(KS) ဗဟိုကော်မတီက အာဏာ လက်ရှိဖြစ်နေတယ်။အဲ့ဒီအချိန်မှာ မျိုးဝင်းက သူမဲမရရှိမှုကို အကြောင်းပြုပြီး အဖွဲ့အတွင်း ရန်ရှာမှု ပြသနာရှာ မှုတွေကို လုပ်ဆောင်လာခဲ့ပါတယ်။
          တပ်ဖွဲ့ဝင်များအတွင်း မျိုးဝင်းက “ငါတို့တောရွာ ကျေးလက်က လယ်သမား သားသမီးများကသာ  မ.ဆ.လ ရဲ့ ၂၆ နှစ်တာ နှိပ်စက်မှုဒဏ်ကို ခံခဲ့ကြရတာ ၊မြို့ပေါ်က ကုန်သည်ပွဲစား ဝန်ထမ်းသား သမီးတွေဟာ ရေပေါ်ဆီတွေသာဖြစ်တယ်- မ.ဆ.လ ရဲ့ဒဏ်ကိုခံခဲ့ကြရတဲ့သူတွေ မဟုတ်ဘူး။ပြည်တွင်းစစ် ရဲ့ အနိဌာရုံတွေ ကို ငါတို့လို ပြည်နယ်မှာနေရတဲ့သူတွေသာ မျက်မြင်ကိုယ်တွေ့ တွေ့ကြုံ ခံစားရတာ- ရန်ကုန်တို့ မန္တလေးတို့ စစ်ကိုင်းတို့လို မြို့ကြီးတွေပေါ်ကလာတဲ့သူတွေထဲမှာ ပေါ်တာ ဆိုတဲ့စကားလုံးကို မသိတဲ့သူ မကြားဘူးတဲ့သူ တွေ အများကြီး----ဒါကြောင့်  မြို့ပေါ်ကလူတွေရဲ့ တော်လှန်ရေးဆိုတာ သူတို့ကိုယ်ပိုင် အခွင့်အရေး အတွက် ဘဲဖြစ်တယ်----ငါတို့လို ပြည်နယ်မှာနေတဲ့ တောင်သူလယ် သမား သားသမီးတွေ လုပ်တဲ့ တော်လှန်ရေး သည် သာ စစ်မှန်တဲ့ တော်လှန်ရေးဖြစ်တယ် ”ဟုပြောဆိုပြီး စည်းရုံးလာပါသည်။
          မျိုးဝင်း၏ သွေးခွဲနေမှုများကို သိရှိခဲ့သော်လည်း အများပေးသော ဆန္ဒမဲ မရသဖြင့် ရှက်ရမ်း ရမ်းနေ ခြင်းသာ ဖြစ်မည်အချိန်ရလာလျှင်ပြီးသွားလိမ့်မည်ဟုထင်ခဲ့ကြသဖြင့်မည်သူကမှတုန့်ပြန်ခြင်း  ဖြေ ရှင်းခြင်း မလုပ်ခဲ့ကြပါ။
          အဲ့ဒီအချိန်မှာ မျိုးဝင်းက သူ့ထက် မဲအရေအတွက် ပိုမိုရရှိခဲ့သူ တိုက်ပိတ်(ခေါ်)သန်းထွန်းစိုး အား  ABSDF(KS) ဗဟိုကော်မတီ၏ အမိန့် အာဏာဖြင့် “စစ်အစိုးရ သူလျှို” ဟု စွတ်စွဲပြီး ဖမ်းဆီးလိုက်ပါသည်။ထိုသို့ ဖမ်းဆီးပြီးနောက် အရေးကြီးသော အမှုဖြစ်သဖြင့် မျိုးဝင်းကိုယ်တိုင် ကိုင်တွယ် မည်ဟုဆိုကာ သီးသန့်စစ်ကြော ရေး ကို မျိုးဝင်းကိုယ်တိုင် ကိုင်တွယ်ပြုလုပ်ပါသည်။
          နောက်ထပ် ရွေးချယ်တင်မြှောက်ခံထားရသူများမှာ ကော်မတီမဖွဲ့ရသေး သဖြင့် ဘာမှ ၀င်ရောက် စွက် ဖက်ပိုင်ခွင့် မရှိကြပါ။
          မည်သို့မည်ပုံ စစ်ဆေးလိုက်သည်မသိရဘဲ တိုက်ပိတ်(ခေါ်) သန်းထွန်းစိုးက “တပ်ဖွဲ့ဝင်များက မဲဆန္ဒ ပေး ရွေးချယ်လိုက်ကြသော်လည်း မိမိ တာဝန်မထမ်းဆောင်နိုင်ပါ-ဗဟိုကော်မတီမလုပ်လိုပါ” ဟု စာရေးပြီး လက်မှတ်ရေးထိုးပေးလိုက်သော အခါတွင်မှ မျိုးဝင်းက စစ်အစိုးရသူလျှို ဟု စွတ်စွဲမှုကို ရုတ်သိမ်းပြီး အချုပ်မှ လွှတ်ပေးခဲ့ပါသည်။ချက်ချင်းပင် ဗဟိုစခန်းတွင်နေထိုင်မှု မပြုစေဘဲ ရှေ့တန်းသို့ ပို့လွှတ်ခဲ့ပါသည်။
          ရှေ့တန်းစခန်းသို့ တိုက်ပိတ်အရောက် စခန်းသို့ တပ်မတော်မှဝင်ရောက်တိုက်ခိုက်သည်နှင့် ကြုံရ သဖြင့် တိုက်ပိတ် မှာ တပ်မတော်၏ ဖမ်းဆီးခြင်းကို ခံခဲ့ရလေသည်။တပ်မတော်မှ တိုက်ပိတ်၏ ခန္တာကိုယ် ကို ရှာဖွေသောအခါ ရှေ့ တန်းမှ တပ်ဖွဲ့ ဝင်များထံ မျိုးဝင်းရေးပေးလိုက်သော အမိန့်စာ ချိပ်ပိတ် လျှက် တွေ့  သွားခဲ့ သည်။ တပ်မတော် အရာရှိမှ စာကိုဖောက်ဖတ်လိုက်သောအခါ စာထဲတွင် တိုက်ပိတ်(ခေါ်) သန်းထွန်းစိုး အား သုတ်သင်ပြစ်လိုက်ရန် ရှေ့ တန်း စခန်းမှုးထံ ညွှန်ကြားသော စာ ဖြစ်နေ သည်ကိုတွေ့ရှိရသည်။
          တိုက်ပိတ်(ခေါ်)သန်းထွန်းစိုးမှာ တပ်မတော်၏ ဖမ်းဆီးခြင်းကို (ကံကောင်းထောက်မစွာ)ခံခဲ့ရသဖြင့် အသက်ရှင်ခဲ့ရခြင်းဖြစ်ပါသည်။
          ထို့နောက် မျိုးဝင်းက ဆန္ဒမဲ အများစုရရှိသူများထဲမှ အောင်ကျော်(ရန်ကုန်)ကို စစ်အစိုးရ၏သူလျှိုဟု စွတ်စွဲကာ ဖမ်းဆီးပြန်ပါသည်။အောင်ကျော်၏ အမည်ရင်းကို မသိရှိပါ-ရန်ကုန် လသာ အ.ထ.က (၂) မှ ဆရာမတစ်ဦး၏သား ဟုဆိုပါသည်။
          အောင်ကျော်က အစောပိုင်းအချိန်က မျိုးဝင်းကို ဦးနေဝင်းနှင့်နှိုင်းယှဉ်ပြီး ကာတွန်းပုံရေးဆွဲကာ သင် တန်း ခန်းမတွင် ကပ်ခါ လှောင်ပြောင်ခဲ့ဘူးသဖြင့် မျိုးဝင်း၏ အမျက်သိုခြင်းကို ခံခဲ့ရသူဖြစ်သည်။
          ထုံးစံအတိုင်း အရေးကြီးသော အမှုဖြစ်သဖြင့် မျိုးဝင်းကိုယ်တိုင် စစ်ဆေးရာ (၂) ရက်အကြာတွင် စစ်ကြောရေးအတွင်း သေဆုံးသွားခဲ့သည်။ တပ်ဖွဲ့ ဝင်များအား မျိုးဝင်းက နှလုံး ရောဂါဖြင့် သေဆုံးသွား သည် ဟု ပြော သည်။နောက်ဆုံးနှစ် ဆေးတက္ကသိုလ်တက်ရင်း တောခိုလာခဲ့သူ ရော်နယ် အောင်နိုင်က မျိုးဝင်းပြော သော နှလုံးရောဂါ နှင့် သေတာ မှန်ကန်ကြောင်း ထောက်ခံ ခဲ့သည်။
          ထိုအခြေအနေများအတွင်း ABSDF(NB) ဖွဲ့ စည်းရေးကို မျိုးဝင်းက အကြိမ်ကြိမ်ရွှေ့ ဆိုင်းနေသည်ကို ထွန်းအောင်ကျော်က မရမနေ ညှိနှိုင်းပြီး ဆွေးနွေးမှုများ ပြုလုပ်ကာ ၁၉၉၀ ခုနှစ် ဇွန်လ (၁) ရက်နေ့ တွင် အောက်ပါ တာဝန်များအတိုင်း ABSDF(NB)၊မြန်မာနိုင်ငံလုံးဆိုင် ရာ ကျောင်းသားများ ဒီမိုကရက်တစ်တပ်ဦး (မြန်မာပြည်-မြောက်ပိုင်း) ကို ဖွဲ့ စည်းနိုင်ခဲ့လေသည်။

(၁)ဥက္ကဌ-ထွန်းအောင်ကျော်-မန္တလေး-(နောက်ပိုင်း-အသတ်ခံရ)
(၂)ဒု-ဥက္ကဌ-၁-မြင့်စိုး(ခ)သံချောင်း-မိုးညှင်း-စစ်ရေးတာဝန်ခံ-(SSAစပ်ခွန်ကျော် အဖြစ်အဖမ်းခံရ)
(၃)ဒု-ဥက္ကဌ-၂-ကျော်ကျော်-မြစ်ကြီးနား-မာနယ်ပလောရောက်၊
(၄)ဒု-ဥက္ကဌ-၃-သံလွင်-လားရှိုး-(ရှမ်း-ရင်း ၄၀၁-နောက်ပိုင်း-အလင်းဝင်)
(၅)အထွေထွေအတွင်းရေးမှုး-ရော်နယ်အောင်နိုင်-မန္တလေး-(နောက်ပိုင်း-ဥက္ကဌကိုသတ်ပြီးဥက္ကဌတက်လုပ်သူ)
(၆)တွဲဘက်အထွေထွေအတွင်းရေးမှုး(၁)-မျိုးဝင်း-မိုးညှင်း-ဒုစစ်ရေးတာဝန်ခံ(ဆားမှော်တိုက်ပွဲတွင်-သေဆုံး)
(၇)တွဲဘက်အထွေထွေအတွင်းရေးမှုး(၂)လှဆိုင်း-မြစ်ကြီးနား-စီတာပူ-(လက်ရှိမြောက်ပိုင်းခေါင်းဆောင်)
(၈)ဘဏ္ဍာရေးမှုး-အောင်ကြီး-မိုးကောင်း၊
(၉)နိုင်ငံရေး/စည်းရုံးရေးမှုး-စိုးလင်း-မန္တလေး-(မာနယ်ပလောရောက်-အဖမ်းခံရ-အလင်းဝင်)
(၁၀)စီးပွားရေးတာဝန်ခံ-နေထွန်း(ခ)နေဒွန်း-မြစ်ကြီးနား-(ဖားကန့်)
(၁၁)တရားရေးနှင့်စည်းကမ်းထိမ်းသိမ်းရေး-ဦးစိန်-ရန်ကုန်-(မှိုင်းရာပြည့်ဟောင်း/ဒီးဒုတ်ဂျာနယ်/အသတ်ခံရ)
(၁၂)လုပ်ငန်းစစ်ဆေးရေး-မြင့်ကျော်-မိုးညှင်း-(မြို့ပေါ်တာဝန်နှင့်မန္တလေးတွင်အဖမ်းခံရ)
(၁၃)ကျန်းမာရေး-ရန်နိုင်စိုး-စစ်ကိုင်း/တန့်ဆည်-(ရင်း-၇၀၂ သို့ရောက်သွား)
(၁၄)သတင်းနှင့်ပြန်ကြားရေး-တင်မောင်အေး(ခ)အားစိုက်-စစ်ကိုင်း/ကသာ-(စစ်ကြောရေးဒဏ်ဖြင့် သေ)
(၁၅)ကချင်ဒေသတာဝန်ခံ-စိန်အေး-မိုးညှင်း-(မိုးညှင်းခရိုင်မှူး)
(၁၆)ရန်ကုန်ဒေသတာဝန်ခံ-ရဲလင်း-ရန်ကုန်-(ရွှေကူခရိုင်မှူး)
(၁၇)မန္တလေးဒေသတာဝန်ခံ-ညီညီကျော်-မန္တလေး-(ဗန်းမော်ခရိုင်မှူး)
(၁၈)စစ်ကိုင်းဒေသတာဝန်ခံ-ဦးကျော်ကျော်အုန်း-စစ်ကိုင်း/တန့်ဆည်-(အသတ်ခံရ)
(၁၉)ရှမ်းဒေသတာဝန်ခံ-ဝင်းသိန်း-လားရှိုး(ဦးမထုနော်အဖွဲ့နှင့်အတူအလင်းဝင်)
                  အထက်ပါအတိုင်းဖွဲ့ စည်းခဲ့ပါသည်။တပ်ရင်းမှူးများအဖြစ်(၁)၄၀၁-ရင်းမှူးဇော်နော်။(၂)၇၀၁-ရင်းမှူးအောင်သန်း။(၃)၅၀၁-ရင်းမှူးသိုက်ထွန်းဦး။(၄)၇၀၂-ရင်းမှူး-အမည်မသိ တို့ အားလည်း ခန့် အပ်
တာဝန် ခွဲဝေခဲ့လေသည်။
မောင်မောင်(ရွှေကရဝိက်)
ဆက်လက်ဖော်ပြပါမည်။
Maungmaung (skw) facebook မှကူးယူဖော်ပြသည်။