ဘယ်လိုကယ်တင်ရှင်မှ မရှိနိုင်ဘူး

နွေဦးဝေ
ဟုတ်ပါသည်။ ပြည်တွင်းမှာရော ပြည်ပမှာပါပြောနေကြတဲ့တိုးတိုးတခါ ကျယ်ကျယ်တလှည့် လက်တွေ့ ဘ၀ အရ မိမိစိတ်ခံစားမှု၊ မိမိတို့၏စိတ်မွန်းကျပ်မှုတို့ကို နိစ္စဒူဝ ဖိနှိပ်မှုဒါဏ်ခံစားနေရ သောမြန်မာနိုင်ငံရှိ ပြည်သူ လူထုတရပ်လုံးကိုမိမိနှင့်ထပ်တူထပ်မျှကိုယ်ချင်းစာနာပြီးစစ်အုပ်စုရဲ့ဖိနှိပ်ယုတ်မာမှုအောက်ကလွတ်မြောက် ဖို့အတွက်စဉ်းစားမှုဖြစ်သည့်“ဒီကောင်တွေကိုဒီလိုပါးစပ်နဲ့အော်နေလို့မရဘူးပြန်ချမှရမယ်ကွ၊နိုင်ငံတကာ က စစ်ရေးအရအရေးယူမှရမယ်ကွ၊ အမေရိကန်က အီရတ်နဲ့ အာဖကန်လိုဝင်ချမှ ရမယ်ကွ” စသဖြင့် အဲသလို “ကွ" ပေါင်းများစွာ အားမလိုအားမရ မွန်းကျပ်မှုဒေါသအသံတွေကို နေ့စဉ်နေရာပေါင်း လူပေါင်းများစွာထံက ကြားသိနေရပါတယ်။

ဒီအပေါ်မှာကျနော့်အနေနဲ့ စဉ်းစားကြည့်ရာမှာ ဘယ်အပေါ်မှာအခြေခံသလဲဆိုတာ သွားတွေ့ပါ တယ်။ ဒါက မိမိတို့ကို နှိပ်စက်နေတဲ့ “ရန်သူအမျိုးအစားကို မှန်ကန်စွာမြင်သိကြတဲ့အပေါ်မှာ” အခြေခံတယ်လို့ ထင်ပါတယ်။တကယ်လည်းအခြေခံသင့်ပါတယ်။ တကယ့်လက်တွေ့မှာလည်းပဲ ဒီစစ်အာဏာရှင်စနစ်ဟာ    မြန်မာသိတင်မကကမ္ဘာပါသိအောင် ကမ်းကုန်အောင်ယုတ်မာပြနေတာနှစ်ပေါင်းလေးဆယ်ကျော်ငါးဆယ် နားကပ် နေပြီမို့လို့ပဲဖြစ်ပါတယ်။ ဒီစနစ်ရဲ့သက်တမ်းက အတော်လေးအရိုးရင့်နေပါပြီ။

ဒါကြောင့်ပဲ အထက်ပါစကားစုထဲက “ပြန်ချမှရမယ်ကွ” ဆိုတဲ့စကားကိုသာတရားသောမှန်ကန် သော စကား အဖြစ်မြင်ပါတယ်။ အဘယ်ကြောင့်ဆိုသော် မိမိလွတ်လပ်မှုအတွက် မည်သူတဦး တယောက်ကမျှ လွတ်လပ်မှုကို ကုန်ပစ္စည်းလို တင်ပို့လို့မရလို့ပါ။ ကျနော်ဒီလိုပြောလို့ မိမိ တိုင်းပြည် လွတ်မြောက်ဖို့အတွက် ငြိမ်းချမ်းစွာတောင်းဆိုတိုက်ပွဲဝင်နေတဲ့ပြည်သူလူထုနဲ့ဒီမိုကရေစီအင်အားစုများ  နိုင်ငံတကာမှ မြန်မာ့အရေး 
ထောက်ခံပံပိုးမှုများကို လျှစ်လျှုရှု့ စော်ကားပြီး ပြောခြင်းမဟုတ်ပါဘူး။

မြန်မာပြည်ထဲမှာ ရဟန်းရှင်လူ ပြည်သူတရပ်လုံး အုံကြွပါဝင်ပြီးအသက်တွေပေး စတေးခဲ့ကြတာ ကိုလှိုက် လှိုက်လှဲလှဲ ဦးညွတ်အလေးပြုနေပါတယ်၊ နောက်တခုက နိုင်ငံတကာကိုလည်းပဲ ကျေးဇူး အထူးပဲတင် ပါတယ်လို့် အလေးအနက်ပြောချင်ပါတယ၊် တကယ်လည်းငြိမ်းချမ်းတဲ့တောင်းပွဲတိုက် ပွဲတွေ၊ နိုင်ငံတ ကာထောက်ခံမှုတွေအားပေးပံပိုးမှုတွေအများကြီးပဲလိုအပ်ပါတယ်။ကျနော်ဆိုလိုတာကအဆုံးအဖြတ်အောင်ပွဲ အတွက်ဆိုရင် ဒီတိုက်ပွဲကြီးအတွင်းမှာ ဒီလိုငြိမ်းချမ်းစွာ ဆိုတဲ့နည်း တနည်းထဲနဲ့ မရနိုင်တဲ့အပေါ်မှာ ကျနော် တို့ မှာ ရှိနေတဲ့ အတွင်းအားတွေရှိပါတယ်။

ဥပမာ- စစ်အာဏာရှင်စနစ်ကို နှစ်ပေါင်းများစွာတော်လှန်ခဲ့တဲ့ ကျနော်တို့ရဲ့ ညီအကိုတိုင်းရင်းသား လက်နက်ကိုင် အဖွဲ့အစည်းတွေရယ်၊ ကမ္ဘာမှာ “သမိုင်းရဲ့လိုအပ်ချက်” အရထူးထူးခြားခြားပေါ် ပေါက်ခဲ့ရ တဲ့ ကျောင်းသားတပ်မတော် (ABSDF) ရယ် စတဲ့စတဲ့ ကျနော်တို့ရဲ့ တကယ့် ကိုယ့် အတွင်းက ကိုယ် တွင်းအားတွေကို ထိထိရောက်ရောက် အသုံးပြုဖို့လိုအပ်ပါတယ်။ ဒါတွေကိုပဲ ကျနော့်အနေနဲ့ အားကိုးပြီးပြောခြင်းဖြစ်ပါတယ်။

အထက်မှာဖေါ်ပြခဲ့တဲ့ သမိုင်းရဲ့လိုအပ်ချက်ဆိုတဲ့ စကားဟာကျနော်တို့ တိုင်းပြည်ရဲ့တကယ့် သမိုင်းရဲ့လိုအပ်ချက်အခြေအနေပါ။ ကျောင်းသားတပ်မတော်ရဲ့ ဥက္ကဋ္ဌ ရဲဘော်သံခဲရဲ့ (ABSDF) (၁၉)  နှစ်မြောက်မွေးနေ့မိန်ခွန်းမှာ ပြောသွားတဲ့အထဲမှာ “ရဲဘော်တို့ အခုလို ငါတို့နိုင်ငံရဲ့အင်မတန် အရေးကြီးနေတဲ့အချိန်မှာ ငါတို့ မကဒတ ကျောင်းသားတပ်မတော်အပေါ်မှာ မျှော်လင့်အားထား နေတဲ့ အသံတွေ၊ တောင်းဆိုမှုတွေကြားနေရတယ်။ ဒါဟာအမှန်ပဲ။ ငါတို့အနေနဲ့ လူထုတိုက်ပွဲနဲ့ လက်နက်ကိုင်တိုက်ပွဲ ပေါင်းစပ်ရေးဆိုတဲ့မဟာဗျူဟာကို မှန်ကန်စွာချနိုင်ခဲ့ကြတယ်။ အခုချိန်မှာနောက် ဆုတ်တွေဝေဖို့မလိုဘူး။ မကဒတ ကျောင်းသားတပ်မတော်ဟာ သမိုင်းအရမွေးဖွားခဲ့တာ ဖြစ်သလို သမိုင်း ကတောင်း ဆိုနေတဲ့ အလုပ်တွေကိုလုပ်ဆောင်ဖို့တာဝန်ရှိတယ်။” လူထုတိုက်ပွဲနဲ့ လက်နက်ကိုင်တိုက်ပွဲကို ကြိုးစားပေါင်းစပ်ကြဆိုတဲ့ ကြွေးကြော်သံဟာ ကျနော်ရင်ထဲမှာ သမိုင်းရဲ့လိုအပ်ချက်ဆိုတဲ့   ခေါင်းလောင်း သံ ပဲ့တင်နေလို့ ဒါကိုအထူးပြု ပြောနေခြင်းဖြစ်ပါတယ်။

(၆၂) ခုနှစ် ဗိုလ်နေ၀င်းစစ်အုပ်စု အာဏာသိမ်းစဉ်ကတည်းကနေ ပြည်သူလူထုဟာ နှစ်ကာလ ရှည်ကြာစွာ ဒီစစ်အာဏာရှင်ရဲ့ တိုင်းတပါးကမဟုတ်ပဲကိုယ့် လူမျိုးချင်းဖိနှိပ်ဂုတ်သွေးစုတ်ခြင်း ခံလာရတာကို မခံနိုင်လို့ ရှစ်ဆယ့်ရှစ်မှာ အုံကြွပြီး ကျည်ဆံကိုနှလုံးသားနဲ့ဝင်တိုးရင်း မဆလရဲ့ စစ်အာဏာရှင်သရုပ်ကိုဖေါ်ထုတ် အံတုခဲ့ပြီးပြီ။ သို့သော်လူထုဖက်မှ တပ်များဖြစ်သည့် တိုင်းရင်း သားပါတီ လက်နက်ကိုင်တပ်များမှ လူထု တိုက်ပွဲအရှိန် အဟုန်နှင့်အချိန်ကိုက်မဖြစ်၍လည်းကောင်း၊ မိမိဘက်ကူးပြောင်းလာမည့် အစိုးရတပ်များ အနေဖြင့် ဇဝေဇ၀ါဖြစ်နေသေး၍လည်းကောင်း၊ တက်ကြွနေတဲ့လူထု၏ အရှိန်နှင့်ဦးဆောင်မှုကဏ္ဍ တို့ဆက် စပ်မှုတသားတည်းကျမှု ကြန့်ကြာနေသေး၍လည်းကောင်း၊ ကျနော်တို့လူထုရဲ့ အောင်ပွဲအလံကို အဆုံး သတ်မလွှင့်ထူနိုင် ဖြစ်ခဲ့ကြရတာလို့ ကျနော် သုံးသပ်မိပါတယ်။

တဖန် (၉၀) ခုနှစ်ရွေးကောက်ပွဲ အဆုံးအ ဖြတ်တွင်လည်း အာဏာလွှဲမပေးပဲ နားလှည့်ပါးရိုက် ခံခဲ့ရသည့် အပြင် လူထုရဲ့ခေါင်းဆောင်နှင့် နိုင်ငံရေးအဖွဲ့အစည်းခေါင်းဆောင်များ ကျောင်းသား ခေါင်းဆောင်များကိုပါ ဖမ်းဆီးခြင်းခံထားရပါတယ်။

ယခု (၂၀၀၇) သြဂုတ်၊ စက်တင်ဘာလူထု၏ ကုန်ဈေးနှုန်းကျဆင်း ရေးစားဝတ်နေရေးပြေ လည်ရေး  

အမျိုးသားပြန်လည်သင့်မြတ်ရေး လိုအပ်ချက်တွေကို ငြိမ်းချမ်းစွာဆန္ဒဖေါ်ထုတ်သည့် အရေးတော် ပုံကြီးမှာပါဝင်တဲ့ ကျောင်းသားနဲ့ ပြည်သူသာမက ရဟန်းသံဃာကိုပါသတ်ပြပြီး ရုဒ်မက် (၇) ချက်ကိုမျက် လုံးစုံမှိတ် နားပါပိတ်ပြီး အော်နေသေးသည်။၊ လူထုတိုက်ပွဲနဲ့ နိုင်ငံ တကာရဲ့ကြားမှာ မလူးသာ မလွန့်သာလို့တွေ့ဆုံဆွေးနွေးရေးကို အသံကောင်းဟစ်ပြနေပေမယ့် တဘက်မှာလည်း လူဖမ်းပွဲ ကျင်းပနေတုန်းပင်ဖြစ်သည်။

ဒီအခြေအနေတွေကိုပြန်ကြည့်လျှင် လူထုဟာတာဝန်ကျေလွန်းနေပါတယ်။ စစ်အာဏာရှင်ရဲ့ သဘာဝအရ စစ်တပ်ဟာ ဘယ်တော့မှ အာဏာကို အလွယ်ပေးရိုး မရှိဆိုတာ အားလုံးလည်း အသိပါ။လူထုရဲ့ ကျောမှာနှ လုံးသားမှာလည်း ဒါဏ်ရာတွေထပ်နေပါပြီ။ ဘ၀တွေဟာ ဒုက္ခ တွေနဲ့ ရင့်ကျက်နေပါပြီ။ 

ဒီစစ်အာဏာရှင် စနစ်ဆိုးကြီးကို အမြစ်ကနေနှုတ်ပစ်ချင်ပြီဆိုတာ ပေါ်လွင်ထင်ရှားပါတယ်။

ဒီအတွက်လူထုက မျှော်လင့်နေတာအားကိုး စောင့်စားနေတာဟာ “ဟိုတပ်ကြီးနဲ့လာသိမ်းမှာ ဒီ တပ်ကြီးနဲ့လာတိုက်မှာ” ကိုစိတ်ကူးယဉ် အိပ်မက်မက်နေတာ မဟုတ်ပါဘူး။ လူထု တကယ်ကြုံ တွေ့နေရ တာက နေ့မြင်ညပျောက် ညမြင်နေ့ပျောက်ဖြစ်နေရတဲ့ ဘ၀တွေပါ။ လူထုဟာ နောက် တနေ့ အသက် ရှင်သန်ရေးအတွက် မရေရာလှတဲ့အခြေအနေမှာ အထက်ဖေါ်ပြပါ ပြည်သူ့ကြား ပေါက်ဖွားလာ တဲ့တိုင်းရင်း သား နဲ့ ကျောင်းသားတပ်မတော်၊ ပြည်သူ့ဘက်ကို ကူးပြောင်းလာ မယ့်ပြည်သူ့တပ်မတော် စတဲ့ လူထု တပ်တွေဟာလူထုနဲ့ အတူဘ၀ရဲ့တိုက်ပွဲတွေကို လိုအပ်သလို ဆင်နွှဲပြီး အောင်ပွဲခံသွားမှာမလွဲပါဘူး။

ဒီနေရာမှာကျနော်တို့ဟာ လူထုရဲ့တိုက်ပွဲနဲ့ အောင်ပွဲကိုအမှန်တကယ် ယုံကြည်ဖို့ လိုပါတယ်။ ဒီနေ့ကာလဟာ စစ်အုပ်စုလည်းသိ ကျနော်တို့ပြည်သူတရပ်လုံးလည်းသိကမ္ဘာကပါအားလုံးသိတဲ့ အဆုံး  အဖြတ်တိုက်ပွဲဖြစ်ပါတယ်။ ဘယ်တိုင်းပြည်ကမှလာပြီး အဆုံးသတ်ပေးလိုမရတဲ့  အတွက် ကိုယ့်တိုင်းပြည်  ကိုယ့်လူမျုိး ကိုယ့်ပြည်သူနဲ့လက်တွဲပြီး စစ်ရေးဟာနိုင်ငံရေးအရဲ့ အဆက် ဖြစ်တယ်ဆိုတဲ့အပေါ်မှာ  တကယ်လည်းပဲ နိုင်ငံရေးအခြေအနေအရ ကိုက်ညီနေတဲ့ အပေါ်မှာ အဓိကဦးတည်ချက်ဖြစ်တဲ့ စစ်အာဏာ ရှင်စနစ် ဖယ်ရှားရေးဆိုတဲ့အချက်ပေါ်မှာ တိုင်းရင်းသားပြည်သူတရပ်လုံးကို လတ်တလောလိုအပ်ချက်ကို ကိုယ်စားပြုပြီး စစ်ရေးအရ ခိုင်မာတောင့်တင်းတဲ့ စစ်ရေးတပ်ပေါင်းစု ကြီးတရပ်အမှန်တကယ် လိုအပ်နေပါတယ်၊၊

ကျနော်တို့ပြည်သူတွေမှာ ရှစ်ဆယ့်ရှစ် အရေးတော်ပုံတလျှောက် သင်ခန်းစာတွေရခဲ့ပြီးသလို၊ ဦးဆောင်မှုအခန်းကဏ္ဍမှာလည်း လူထုလေးစားတဲ့ ဒေါ်အောင်ဆန်းစုကြည် အဖွဲ့အစည်းအနေ နှင့်ဆို လျှင် လည်း အန်အယ်လ်ဒီ စီအာပီပီ စတဲ့အနေထားတွေရှိနေပြီဖြစ်ပါတယ်။ ရှစ်ဆယ့်ရှစ် အခြေအနေနဲ့မတူတဲ့ ဒီအခြေအနေမျိုးမှာ လိုအပ်နေဆုံးအရာဟာ၊ လူထုကလည်းအမှန်တကယ် အတောင်းတဆုံးအရာဟာ စစ်အာဏာရှင်ဆန့်ကျင်ရေးလူထုရဲ့တိုက်ပွဲနဲ့လက်နက်ကိုင်တော်လှန် ရေးကိုအချိုး ကျပေါင်းနိုင်ရေး ပဲဖြစ်ပါ တယ်။၊ ဒီလိုပေါင်းဆပ်နိုင်ဖို့အတွက် မကဒတ ကျောင်းသား တပ်မတော်၊ လူမျိုးစုံ လက်နက် ကိုင် တော်လှန်ရေးအင်အားစုအသီးသီးနဲ့ နအဖတပ်ထဲက တိုင်း ချစ်ပြည်ချစ်စိတ်ရှိသော တပ်မှူး တပ်သား များဟာ အချိန်တခုတည်းမှာ ပေါင်းစည်းမိသွားကြပါ လိမ့်မယ်လို့ ကျနော်စိတ်ချယုံ ကြည်နေပါတယ်၊ ဒါ့အပြင် ကျနော်တို့မှာ ဘယ်လိုကယ်တင်ရှင်မှ မရှိနိုင်ဘူးဆိုတာကလည်း အလွန်ကို သေချာလှပါတယ်။ ။ 

နွေဦးဝေ